 |
ທ່ານ ນາງ ສົມບູນ ແກ້ວພະນາໄພ ຮອງຫົວໜ້າຄະນະຈັດຕັ້ງແຂວງ ໄດ້ຜ່ານຂໍ້ຕົກລົງຂອງຄະນະກຳມະການປົກຄອງແຂວງ, ຜ່ານຂໍ້ຕົກລົງຄະນະກຳມະການປົກຄອງແຂວງ ສະບັບເລກທີ 648/ຄປຂ, ລົງວັນທີ 8 ກໍລະກົດ 2026 ວ່າດ້ວຍການແຕ່ງຕັ້ງຮອງຫົວໜ້າຄະນະຄຸ້ມຄອງດ່ານສາກົນວັງເຕົ່າ ໂດຍຕົກລົງແຕ່ງຕັ້ງທ່ານ ສຸກສັນ ເທບວົງສາ ແລະ ທ່ານ ສົມພອນ ສີລິກຸນ ເປັນຮອງຫົວໜ້າຄະນະຄຸ້ມຄອງດ່ານສາກົນວັງເຕົ່າ. ພ້ອມນີ້, ໄດ້ຜ່ານຂໍ້ຕົກລົງຂອງຄະນະກຳມະການປົກຄອງແຂວງ ສະບັບເລກທີ 945/ຄປຂ, ລົງວັນທີ 24 ກັນຍາ 2026 ວ່າດ້ວຍການແຕ່ງຕັ້ງຫົວໜ້າຂະແໜງ ແລະ ຮອງຫົວໜ້າຂະແໜງ ຂອງຄະນະຄຸ້ມຄອງດ່ານສາກົນວັງເຕົ່າ ໂດຍແຕ່ງທ່ານ ເດດອຸດົມ ສະຫວັດທະສິນ ເປັນຫົວໜ້າຫ້ອງບໍລິຫານດ່ານສາກົນວັງເຕົ່າ, ທ່ານ ວິລັດ ໝັ້ນຄົງ ເປັນຫົວໜ້າຂະແໜງກັກກັນ, ແຕ່ງຕັ້ງທ່ານ ນາງ ໄຂ່ແກ້ວ ແກ້ວໂກມິນ ແລະ ທ່ານ ບຸນທະວີ ລາດຊະພົນ ເປັນຮອງຫົວໜ້າຫ້ອງບໍລິຫານດ່ານສາກົນວັງເຕົ່າ, ທ່ານ ເພັດສະໝອນ ພົມມີ ແລະ ທ່ານ ໂພໄຊ ຈັນທະວົງ ເປັນຮອງຫົວໜ້າຂະແໜງກັກກັນ.
 |
ໃນພິທີໄດ້ມອບມະຕິຕົກລົງຂອງຄະນະກໍາມະການປົກຄອງແຂວງ ໃຫ້ຜູ້ທີ່ໄດ້ຮັບການແຕ່ງຕັ້ງໃໝ່ ໃຫ້ກຽດມອບໂດຍທ່ານ ສົມສີ ມະນີນິນ. ຕອນທ້າຍພິທີ, ທ່ານ ສົມສີ ມະນີນິນ ໄດ້ມີຄຳເຫັນໂອ້ລົມເນັ້ນໜັກໃຫ້ຜູ້ທີ່ໄດ້ຮັບການແຕ່ງຕັ້ງໃໝ່ ເພື່ອເປັນບ່ອນອີງໃນການເຄື່ອນໄຫວຈັດຕັ້ງປະຕິບັດວຽກງານໃນຕໍ່ໜ້າ ໃຫ້ມີຜົນສໍາເລັດໃໝ່ໃຫຍ່ຫຼວງກວ່າເກົ່າ.
 |
ຂ່າວ-ພາບ: ທູນທອງໃຈ
ຄໍາເຫັນ