 |
ທ່ານ ພູວົງ ບຸນຊູ ຮອງເຈົ້າແຂວງວຽງຈັນກ່າວເປີດພິທີ ແລະ ປາຖະກະຖາວັນດັ່ງກ່າວບາງຕອນວ່າ:ກິລາ-ກາຍຍະກຳ ກໍແມ່ນພາກສ່ວນໜຶ່ງຂອງວັດທະນາທຳ ແມ່ນຜະລິດຕະພັນທີ່ມວນມະນຸດເປັນຜູ້ສ້າງຂຶ້ນເພື່ອຮັບໃຊ້ໃຫ້ແກ່ການຂະຫຍາຍຕົວ ເຂົ້າໃນວຽກງານດ້ານຕ່າງໆ ຂອງສັງຄົມ ແລະ ມີຄຸນປະໂຫຍດຕໍ່ຊີວິດຈິດໃຈໃຫ້ຄຸນຄ່າທາງດ້ານສຸຂະພາບ ພາລະນາໄມ,ໃຫ້ຄວາມຮູ້ໃນການປະຊາສຳພັນ ລະຫວ່າງຄົນກັບຄົນ ແລະ ໃຫ້ຄຸນປະໂຫຍດຢ່າງມະຫາສານ ໃນຖານະເປັນອາຫານທາງດ້ານຈິດໃຈ ແລະ ມັນສະໝອງ ຂອງມວນມະນຸດ, ກິລາ-ກາຍຍະກຳ ຍັງເຮັດໃຫ້ຮ່າງກາຍຂອງຄົນເຮົາແຂງແຮງ,ສວຍງາມ,ມີຈິດໃຈເບີກບານມ່ວນຊື່ນ ສະໝອງກໍໄດ້ຮັບການພັດທະນາ ຂະຫຍາຍຕົວ ມີຄວາມສຳນິສຳນານ ມີປະສົບປະການທາງດ້ານເຕັກນິກ ຍຸດທະວິທີ ກ້າວໄປເຖີງການສະແດງ ແຂ່ງຂັນ ເພື່ອນຳເອົາກຽດສັກສີ ມາສູ່ກົມກອງ, ທ້ອງຖີ່ນ ແລະ ມາສູ່ປະເທດຊາດຂອງຕົນ, ເພື່ອຢາກເຮັດໃຫ້ສຸຂະພາບທີ່ດີ, ສຸຂະພາບແຂງແຮງ ຕ້ອງເອົາໃຈໃສ່ຫັນມາຫຼີ້ນກິລາ ອອກກຳລັງກາຍເປັນປົກກະຕິ.
ການຈັດກິດຈະກໍາຍ່າງ ເພຶ່ອສຸຂະພາບ ແລະ ເຕັ້ນແອໂລບິກ ໃນຄັ້ງນີ້, ເພື່ອເປັນການສະເຫຼີມສະຫຼອງ ແລະຊົມເຊີຍວັນກິລາ-ກາຍະກໍາແຫ່ງຊາດ ຄົບຮອບ 59 ປີ (13 ກໍລະກົດ 1966-13 ກໍລະກົດ 2025) ໃຫ້ມີບັນຍາກາດຟົດຟື້ນມ່ວນຊື່ນ ແລະ ລະນຶກເຖິງວັນຄ້າຍວັນເກີດ ປະທານສຸພານຸວົງ ຜູ້ນຳທີ່ແສນເຄົາລົບຮັກຂອງປວງຊົນ ລາວທັງຊາດ ຄົບຮອບ 116 ປີ.
 |
ການຍາງແມ່ນເລີ່ມຕົ້ນຍ່າງ ຈາກທາງວົງວຽນສົ້ນຂົວຂ້າມນ້ຳງຶ່ມບ້ານເມືອງເກົ່າ ໄປຫາວິທະຍາໄລເຕັກນິກແຂວງວຽງຈັນມີໄລຍະທາງ ປະມານ 3 ກິໂລແມັດ, ແລ້ວພ້ອມກັນເຕັ້ນແອໂລບິກຢູ່ທີ່ເດີ່ນວິທະຍາໄລເຕັກນິກແຂວງຢ່າງເປັນຂະບວນມ່ວນຊື່ນ.
(ພາບ-ຂ່າວ : ບຸນມາ ແກ້ວບຸດດາ)
ຄໍາເຫັນ