ແຂວງໄຊຍະບູລີສະຫຼຸບວຽກງານແຂ່ງຂັນແລະຍ້ອງຍໍປະຈໍາປີ

ກອງປະຊຸມສະຫຼຸບວຽກງານແຂ່ງຂັນແລະຍ້ອງຍໍປະຈໍາປີ2023ແລະທິດທາງແຜນການປີ2024ແບບເຊິ່ງໜ້າແລະທາງໄກໄດ້ຈັດຂຶ້ນໃນວັນທີ11ທັນວານີ້ທີ່ຫ້ອງປະຊຸມຫ້ອງວ່າການແຂວງໄຊຍະບູລີໂດຍການເປັນປະທານຂອງທ່ານພົງສະຫວັນສິດທະວົງກໍາມະການສູນກາງພັກເລຂາພັກແຂວງເຈົ້າແຂວງໄຊຍະບູລີເຂົ້າຮ່ວມກອງປະຊຸມຄັ້ງນີ້ມີບັນດາກໍາມະການປະຈໍາພັກແຂວງ, ກໍາມະການພັກແຂວງ, ຫົວໜ້າ, ຮອງຫົວໜ້າພະແນກການ, ອົງການ, ກໍາລັງປະກອບອາວຸດ, ເຈົ້າເມືອງ, ຮອງເຈົ້າເມືອງ, ຫົວໜ້າຫ້ອງການ, ອົງການຂັ້ນເມືອງພ້ອມດ້ວຍພະນັກງານຫຼັກແຫຼ່ງ.
    ພາຍຫຼັງ, ທ່ານພົງສະຫວັນສິດທະວົງໄດ້ກ່າວເປີດກອງປະຊຸມຢ່າງເປັນທາງການ. ຈາກນັ້ນທ່ານສິລິວັດທະນາສົມພັນຫົວໜ້າພະແນກພາຍໃນແຂວງໄດ້ຂຶ້ນສະຫຼຸບຕີລາຄາວຽກງານຂະບວນການແຂ່ງຂັນ-ຍ້ອງຍໍຮັກຊາດແລະພັດທະນາປະຈໍາປີ2023ແລະທິດທາງແຜນການປີ2024ໂດຍໄດ້ຍົກໃຫ້ເຫັນດ້ານດີ, ດ້ານອ່ອນແລະຂໍ້ຄົງຄ້າງໃນການຈັດຕັ້ງປະຕິບັດວຽກງານຜ່ານມາ. ພາຍຫຼັງທີ່ໄດ້ຮັບແຈ້ງການຂອງຄະນະຊີ້ນໍາລະດັບຊາດກ່ຽວກັບການແຂ່ງຂັນຍ້ອງຍໍຮັກຊາດແລະພັດທະນາວ່າດ້ວຍການສືບຕໍ່ເປີດຂະບວນການຮັກຊາດແລະພັດທະນາຂັ້ນກະຊວງ, ຂັ້ນແຂວງແລະຂັ້ນເມືອງໃນຂອບເຂດທົ່ວປະເທດສະບັບເລກທີ01/ຄຊຂຍລົງວັນທີ31ຕຸລາ2022ແຂວງໄຊຍະບູລີກໍໄດ້ສະເໜີອອກຂໍ້ຕົກລົງວ່າດ້ວຍການແຕ່ງຕັ້ງຄະນະຊີ້ນໍາການແຂ່ງຂັນຍ້ອງຍໍຮັກຊາດແລະພັດທະນາຂອງແຂວງໄຊຍະບູລີສະບັບເລກທີ42/ຄຊຂຍລົງວັນທີ20ຕຸລາ2022ອອກຂໍ້ຕົກລົງແຕ່ງຕັ້ງຄະນະຮັບຜິດຊອບວຽກງານຮັກຊາດແລະພັດທະນາຂັ້ນເມືອງໃນ11ເມືອງຂອງແຂວງກໍໄດ້ພ້ອມກັນສ້າງແຜນການເຄື່ອນໄຫວແຕ່ລະໄລຍະແຕ່ລະໜ້າວຽກຊຶ່ງໄດ້ແບ່ງຄວາມຮັບຜິດຊອບໃຫ້ແຕ່ລະທ່ານເພື່ອຊີ້ນໍາ-ນໍາພາໃນການເປີດຂະບວນການຮັກຊາດແລະພັດທະນາຊຶ່ງມາຮອດປັດຈຸບັນການເປີດຂະບວນການແຂ່ງຂັນຮັກຊາດແລະພັດທະນາໃນທົ່ວແຂວງມີການຈັດຕັ້ງທີ່ຕັ້ງທີ່ໄດ້ລົງທະບຽນແຂ່ງຂັນຈໍານວນ321ໜ່ວຍພາກລັດມີຈໍານວນ286ຫົວໜ່ວຍ, ເອກະຊົນມີ34ຫົວໜ່ວຍ, ບ້ານມີຈໍານວນ322ບ້ານແລະຈະຍັງສືບຕໍ່ລົງທະບຽນ108ບ້ານທີ່ບໍ່ໄດ້ລົງທະບຽນມີບຸກຄົນລົງທະບຽນແຂ່ງຂັນທັງໝົດ10.511ທ່ານຍິງ4.619ທ່ານເປັນພະນັກງານ-ລັດຖະກອນ9.468ທ່ານຍິງ4.464ທ່ານ, ກໍາລັງປະກອບອາວຸດ793ທ່ານຍິງ155ທ່ານ, ນັກທຸລະກິດຜູ້ປະກອບການ250ທ່ານແລະຍັງ1ພາກສ່ວນຄືກອງບັນຊາການທະຫານແຂວງທີ່ບໍ່ໄດ້ລົງທະບຽນເປີດຂະບວນການແຂ່ງຂັນ. ສໍາລັບຂໍ້ແຂ່ງຂັນຮັກຊາດແລະພັດທະນາແຂວງໄຊຍະບູລີໄດ້ຂຶ້ນມີ10ຂໍ້ພາຍຫຼັງທີ່ໄດ້ເປີດຂະບວນການຮັກຊາດແລະພັດທະນາຢູ່ຂັ້ນແຂວງແລ້ວທາງຄະນະຮັບຜິດຊອບກໍໄດ້ຊຸກຍູ້ໃຫ້ບັນດາພະແນກການ, ອົງການ, ກົມກອງ, ລັດວິສາຫະກິດ, ນັກທຸລະກິດຜູ້ປະກອບການແລະບັນດາເມືອງເປີດຂະບວນການຮັກຊາດແລະພັດທະນາໃນຂັ້ນຂອງຕົນຊຶ່ງຂໍ້ແຂ່ງຂັນຂອງໜ່ວຍພັກພະແນກການ, ອົງການແລະກໍາລັງປະກອບອາວຸດມີ12ຂໍ້,ຂໍ້ແຂ່ງຂັນຂະແໜງການມີ9ຂໍ້, ຂໍ້ແຂ່ງຂັນຂອງເມືອງມີ9ຂໍ້, ສໍາລັບໜ່ວຍພັກພະນັກງານອົງການກໍາລັງປະກອບອາວຸດຂັ້ນເມືອງມີ11ຂໍ້, ສໍາລັບສະມາຊິກແລະພະນັກງານ-ລັດຖະກອນຂັ້ນເມືອງ9ຂໍ້, ຂໍ້ແຂ່ງຂັນຢູ່ຂັ້ນຄອບຄົວມີ8ຂໍ້, ຂໍ້ແຂ່ງຂັນນັກທຸລະກິດຜູ້ປະກອບການມີ5ຂໍ້, ຂໍ້ແຂ່ງຂັນຂັ້ນໜ່ວຍຄຸ້ມຄອງພົນລະເມືອງມີ8ຂໍ້, ຂໍ້ແຂ່ງຂັນໜ່ວຍງານຂອງບ້ານມີ5ຂໍ້, ຂໍ້ແຂ່ງຂັນຂອງບ້ານມີ10ຂໍ້, ຂໍ້ແຂ່ງຂັນໜ່ວຍຮາກຖານບ້ານມີ10ຂໍ້, ຂໍ້ແຂ່ງຂັນຂອງສະມາຊິກພັກຮາກຖານບ້ານມີທັງໝົດ9ຂໍ້. ທ່ານສີລິວັດທະນາສົມພັນຍັງໃຫ້ຮູ້ຕື່ມວ່າ: ຜ່ານການປະເມີນຂະບວນການແຂ່ງຂັນແລະຍ້ອງຍໍໃນໄລຍະ1ປີຜ່ານມາແຂວງພວກເຮົາຍັງບໍ່ທັນໄດ້ເລືອກຕົວເດັ່ນການຄັດເລືອກຍ້ອງຍໍແມ່ນອີງໃສ່ການປະເມີນຜົນພະນັກງານ-ລັດຖະກອນປະຈໍາປີປະເພດດີຫຼາຍແມ່ນໄດ້ຍ້ອງຍໍ, ປະເພດດີແມ່ນໄດ້ຊົມເຊີຍໃນນີ້ພະນັກງານ-ລັດຖະກອນປະເພດດີຫຼາຍໄດ້ຮັບການຍ້ອງຍໍມີ147ທ່ານຍິງ47ທ່ານ, ພະນັກງານ-ລັດຖະກອນໄດ້ປະເພດດີໄດ້ຮັບການຊົມເຊີຍມີ149ຍິງ60ທ່ານ, ພາກສ່ວນເອກະຊົນໄດ້ຮັບຍ້ອງຍໍມີ441ທ່ານຍິງ130ທ່ານການຈັດຕັ້ງລັດມີ263ພາກສ່ວນແລະພາກເອກະຊົນມີ49ພາກສ່ວນແລະການຍ້ອງຍໍໃນຜົນງານ1ປີ (2023) ໃຫ້ບໍລິສັດລັດວິສາຫະກິດທີ່ປະກອບສ່ວນອຸປະຖໍາທາງດ້ານສະຕິເຫືອແຮງແລະວັດຖຸເງິນຄໍາເຂົ້າໃນການສ້າງສາພັດທະນາແຂວງໄຊຍະບູລີມີປະເພດຕ່າງໆເຊັ່ນ: ໃບກຽດຕິຄຸນມີ33ໃບໃຫ້23ທ່ານຍິງ4ທ່ານ2ບໍລິສັດແລະ8ກົມກອງ, ໃບຍ້ອງຍໍມີ594ໃບໃຫ້380ທ່ານຍິງ116ທ່ານ24ບໍລິສັດແລະ190ກົມກອງ, ໃບຊົມເຊີຍມີ281ໃບໃຫ້275ທ່ານຍິງ110ທ່ານ5ບໍລິສັດແລະ1ກົມກອງ, ໃບສົມມະນາບຸນຄຸນມີ141ໃບໃຫ້59ທ່ານຍິງ7ທ່ານ18ບໍລິສັດແລະ64ກົມກອງ.
(ຂ່າວ-ພາບ: ບຸນທີ)