 |
ທີ່ຫ້ອງປະຊຸມຊັ້ນ 2 ຂອງຄະນະໂຄສະນາອົບຮົມສູນກາງພັກ ໂດຍການເຂົ້າຮ່ວມເປັນປະທານ ຂອງທ່ານ ບຸນເພັງ ຈັນທະດາລາຫົວໜ້າຫ້ອງການຄະນະໂຄສະນາອົບຮົມສູນກາງພັກ; ມີຫົວໜ້າພະແນກ, ຮອງຫົວໜ້າພະແນກ, ວິຊາການ ຜູ້ຮັບຜິດຊອບວຽກງານຄຸ້ມຄອງບໍລິຫານ-ການເງິນ ຂອງບັນດາກົມ, ທຽບເທົ່າກົມ ພາຍໃນຄະນະໂຄສະນາອົບຮົມສູນກາງພັກ ແລະ ມີວິທະຍາກອນຈາກກົມປະເມີນຜົນ ແລະ ການຈັດຊື້-ຈັດຈ້າງ ກະຊວງການເງິນ ເຂົ້າຮ່ວມທັງໝົດ ຈໍານວນ 25 ສະຫາຍ. ຈຸດປະສົງໃນການຝຶກອົບຮົມໃນຄັ້ງນີ້ ແມ່ນເພື່ອຈັດຕັ້ງຜັນຂະຫຍາຍແຈ້ງການຂອງຫ້ອງການກະຊວງການເງິນ ສະບັບເລກທີ 3744/ຫກ, ລົງວັນທີ 18 ພະຈິກ 2025 ກ່ຽວກັບການຈັດຕັ້ງປະຕິບັດວຽກງານຄຸ້ມຄອງ ແລະ ນໍາໃຊ້ເວັບໄຊ ຈັດຊື້-ຈັດຈ້າງດ້ວຍທຶນຂອງລັດ ຢູ່ຂັ້ນສູນກາງ ແລະ ຂັ້ນທ້ອງຖິ່ນ; ຄໍາແນະນໍາກ່ຽວກັບການຈັດຕັ້ງປະຕິບັດກົດໝາຍວ່າດ້ວຍການຈັດຊື້-ຈັດຈ້າງດ້ວຍທຶນຂອງລັດ ສະບັບເລກທີ 0477/ກງ ໃຫ້ມີຄວາມຖືກຕ້ອງ ແລະ ເຂັ້ມງວດ.
ໃນໂອກາດດັ່ງກ່າວ, ທ່ານ ບຸນເພັງ ຈັນທະດາລາ ໄດ້ມີຄໍາເຫັນຕໍ່ການຝຶກອົບຮົມໃນຄັ້ງນີ້ວ່າ: ການຄຸ້ມຄອງ ແລະ ນໍາໃຊ້ເວັບໄຊ ຈັດຊື້-ຈັດຈ້າງດ້ວຍທຶນຂອງລັດ ແມ່ນມີຄວາມສໍາຄັນຫຼາຍ, ເນື້ອໃນຕົ້ນຕໍແມ່ນແນໃສ່ເຮັດໃຫ້ການຈັດຊື້-ຈັດຈ້າງດ້ວຍທຶນຂອງລັດດໍາເນີນໄປດ້ວຍຄວາມໂປ່ງໃສ, ແຂ່ງ ຂັນກັນຢ່າງເທົ່າທຽມ, ປະຢັດເວລາ, ມີປະສິດທິພາບ ແລະ ປ້ອງກັນການລະເມີດລະບຽບກົດໝາຍເພື່ອເຮັດໃຫ້ການຄຸ້ມຄອງລັດ ກ້າວໄປສູ່ລະບົບທີ່ທັນສະໄໝ ໃນການລວມສູນຂໍ້ມູນພາກລັດ ເພື່ອຍົກລະດັບປະສິທິພາບ ແລະ ປະສິດທິຜົນ ໃນການບໍລິຫານ-ບໍລິການ ແລະ ການຄຸ້ມຄອງງົບປະມານ,ພ້ອມທັງເນັ້ນໃຫ້ນັກສໍາມະນາກອນ ຜູ້ທີ່ຮັບຜິດຊອບວຽກງານຈັດຊື້-ຈັດຈ້າງ ຂອງບັນດາກົມ, ທຽບເທົ່າກົມ ພາຍໃນຄະນະໂຄສະນາອົບຮົມສູນກາງພັກ ຈົ່ງພ້ອມກັນຄົ້ນຄວ້າ, ກໍາແໜ້ນບັນດານິຕິກໍາທີ່ກ່ຽວ ຂ້ອງໃຫ້ເລິກເຊິ່ງ ແລະ ນຳເອົາເນື້ອໃນບົດຮຽນການຝຶກອົບຮົມໃນຄັ້ງນີ້ໄປໝູນໃຊ້ເຂົ້າໃນວຽກງານໃນຂອບເຂດທີ່ຕົນເອງຮັບຜິດຊອບຢ່າງມີປະສິດທິພາບ ແລະ ປະສິດທິຜົນ.
(ຂ່າວ-ພາບ: ຫ້ອງການ ຄອສພ)
ຄໍາເຫັນ