ທ່ານ ລາວປາວຊົ່ງ ນະວົງໄຊ ກຳມະການສູນກາງພັກຮອງເລຂາຄະນະພັກຮອງຫົວໜ້າຄະນະໂຄສະນາອົບຮົມສູນກາງພັກ ແລະ ທ່ານ ວັນໄຊ ຕະວິນຍານ ຮອງຫົວໜ້າຄະນະໂຄສະນາອົບຮົມສູນກາງພັກຫົວໜ້າບັນນາທິການໃຫຍ່ໜັງສືພິມປະຊາຊົນ ພ້ອມຄະນະພັກ,ຄະນະນຳໂຄສະນາອົບຮົມສູນກາງພັກໄດ້ນຳເອົາກະຕ່າດອກໄມ້ ແລະ ກະຕ່າຂອງຂວັນ ໄປອວຍພອນເນື່ອງໃນໂອກາດປີໃໝ່ຂອງຈີນ(ບຸນກຸດຈີນ) ທີ່ສະຖານທູດຈີນປະຈຳລາວ ໃນວັນທີ 6 ກຸມພານີ້,ໂດຍການຕ້ອນຮັບຂອງ ທ່ານ ຫວາງ ຊ້າງ ອຸປະທູດຊົ່ວຄາວ ສປ ຈີນ ປະຈຳລາວ.
ໂອກາດດັ່ງກ່າວ, ທ່ານ ລາວປາວຊົ່ງ ນະວົງໄຊໄດ້ຖືເອົາໂອກາດດັ່ງກ່າວ ລາຍງານໃຫ້ ທ່ານ ຫວາງຊ້າງຊາບກ່ຽວກັບການພົວພັນຮ່ວມມື ລະຫວ່າງລາວ-ຈີນ ເວົ້າລວມເວົ້າສະເພາະກໍຄືການຮ່ວມມື ລະຫວ່າງ ສອງຄະນະໂຄສະນາອົບຮົມສູນກາງພັກ ລາວ-ຈີນ ໃນໄລຍະ1ປີຜ່ານມາ ແມ່ນໄດ້ມີການແລກປ່ຽນຢ້ຽມຢາມຄະນະຜູ້ແທນ,ໄດ້ພົບປະແລກປ່ຽນບົດຮຽນ ແລະ ປະສົບການ ຊຶ່ງກັນ ແລະ ກັນ ແລະ ໄດ້ເສີມຂະຫຍາຍການພົວພັນຮ່ວມມືກັນນັບມື້ຂະຫຍາຍຕົວຂຶ້ນເລື້ອຍໆ, ທ່ານລາວປາວຊົ່ງ ນະວົງໄຊຍັງໄດ້ອວຍພອນໄຊອັນປະເສີດໃຫ້ແກ່ ທ່ານ ຫວາງ ຊ້າງ ພ້ອມພະນັກງານສະຖານທູດ ສປ ຈີນ ປະຈຳລາວ ຈົ່ງມີສຸຂະພາບແຂງແຮງ,ມີພະລານາໄມທີ່ສົມບູນ,ປະສົບຜົນສຳເລັດໃນໜ້າທີ່ວຽກງານ ແລະ ອວຍພອນໃຫ້ສາຍພົວພັນຮ່ວມມືຂອງສອງພັກ,ສອງລັດ ແລະ ປະຊາຊົນສອງຊາດລາວ-ຈີນຈົ່ງໝັ້ນຄົງຂະໜົງແກ່ນຊົ່ວນາລະນາ; ທ່ານ ຫວາງ ຊ້າງ ໄດ້ກ່າວສະແດງຄວາມຂອບໃຈ ຕໍ່ ທ່ານ ລາວປາວຊົ່ງ ນະວົງໄຊ ພ້ອມຄະນະ ທີ່ນຳເອົາກະຕ່າດອກໄມ້ ແລະ ກະຕ່າຂອງຂວັນ ມາອວຍພອນເນື່ອງໃນໂອກາດປີໃໝ່ຂອງຈີນ(ບຸນກຸດຈີນ)ໃນຄັ້ງນີ້ ແລະ ສະແດງຄວາມຂອບໃຈຕໍ່ຄຳກ່າວລາຍງານຂອງ ທ່ານ ລາວປາວຊົ່ງ ນະວົງໄຊ ຊຶ່ງສະແດງໃຫ້ເຫັນເຖິງໝາກຜົນ ແຫ່ງການຮ່ວມມືຂອງສອງພັກ,ສອງລັດ ແລະ ປະຊາຊົນສອງຊາດແມ່ນນັບມື້ແຕກດອກອອກຜົນຍິ່ງໆຂຶ້ນ ແລະ ອວຍພອນໃຫ້ຄະນະໂຄສະນາອົບຮົມສູນກາງພັກຈົ່ງມີສຸຂະພາບແຂງແຮງ ແລະ ປະສົບຜົນສຳເລັດໃນໜ້າທີ່ການງານ.
(ຂ່າວ-ພາບ:ສຳນານ)
ໂອກາດດັ່ງກ່າວ, ທ່ານ ລາວປາວຊົ່ງ ນະວົງໄຊໄດ້ຖືເອົາໂອກາດດັ່ງກ່າວ ລາຍງານໃຫ້ ທ່ານ ຫວາງຊ້າງຊາບກ່ຽວກັບການພົວພັນຮ່ວມມື ລະຫວ່າງລາວ-ຈີນ ເວົ້າລວມເວົ້າສະເພາະກໍຄືການຮ່ວມມື ລະຫວ່າງ ສອງຄະນະໂຄສະນາອົບຮົມສູນກາງພັກ ລາວ-ຈີນ ໃນໄລຍະ1ປີຜ່ານມາ ແມ່ນໄດ້ມີການແລກປ່ຽນຢ້ຽມຢາມຄະນະຜູ້ແທນ,ໄດ້ພົບປະແລກປ່ຽນບົດຮຽນ ແລະ ປະສົບການ ຊຶ່ງກັນ ແລະ ກັນ ແລະ ໄດ້ເສີມຂະຫຍາຍການພົວພັນຮ່ວມມືກັນນັບມື້ຂະຫຍາຍຕົວຂຶ້ນເລື້ອຍໆ, ທ່ານລາວປາວຊົ່ງ ນະວົງໄຊຍັງໄດ້ອວຍພອນໄຊອັນປະເສີດໃຫ້ແກ່ ທ່ານ ຫວາງ ຊ້າງ ພ້ອມພະນັກງານສະຖານທູດ ສປ ຈີນ ປະຈຳລາວ ຈົ່ງມີສຸຂະພາບແຂງແຮງ,ມີພະລານາໄມທີ່ສົມບູນ,ປະສົບຜົນສຳເລັດໃນໜ້າທີ່ວຽກງານ ແລະ ອວຍພອນໃຫ້ສາຍພົວພັນຮ່ວມມືຂອງສອງພັກ,ສອງລັດ ແລະ ປະຊາຊົນສອງຊາດລາວ-ຈີນຈົ່ງໝັ້ນຄົງຂະໜົງແກ່ນຊົ່ວນາລະນາ; ທ່ານ ຫວາງ ຊ້າງ ໄດ້ກ່າວສະແດງຄວາມຂອບໃຈ ຕໍ່ ທ່ານ ລາວປາວຊົ່ງ ນະວົງໄຊ ພ້ອມຄະນະ ທີ່ນຳເອົາກະຕ່າດອກໄມ້ ແລະ ກະຕ່າຂອງຂວັນ ມາອວຍພອນເນື່ອງໃນໂອກາດປີໃໝ່ຂອງຈີນ(ບຸນກຸດຈີນ)ໃນຄັ້ງນີ້ ແລະ ສະແດງຄວາມຂອບໃຈຕໍ່ຄຳກ່າວລາຍງານຂອງ ທ່ານ ລາວປາວຊົ່ງ ນະວົງໄຊ ຊຶ່ງສະແດງໃຫ້ເຫັນເຖິງໝາກຜົນ ແຫ່ງການຮ່ວມມືຂອງສອງພັກ,ສອງລັດ ແລະ ປະຊາຊົນສອງຊາດແມ່ນນັບມື້ແຕກດອກອອກຜົນຍິ່ງໆຂຶ້ນ ແລະ ອວຍພອນໃຫ້ຄະນະໂຄສະນາອົບຮົມສູນກາງພັກຈົ່ງມີສຸຂະພາບແຂງແຮງ ແລະ ປະສົບຜົນສຳເລັດໃນໜ້າທີ່ການງານ.
(ຂ່າວ-ພາບ:ສຳນານ)
ຄໍາເຫັນ