 |
ໃນໂອກາດເຄື່ອນໄຫວຄັ້ງນີ້, ໄດ້ມອບວັດຖຸກໍ່ສ້າງເຮືອນໃຫ້ປະຊາຊົນຜູ້ທີ່ຖືກຜົນກະທົບຈາກພາຍຸ. ໂດຍແມ່ນກົມໃຫຍ່ການເມືອງທັບ ເປັນເຈົ້າການຂົນຂວາຍລະດົມທຶນນຳຫຼາຍພາກສ່ວນ ຄື: ສະມາຄົມນັກທຸລະກິດໜຸ່ມ ແລະ ບໍລິສັດ ພອນທິບ ພອນທິບໂຮມເຊັນເຕີ້ ຊຶ່ງໄດ້ຮັບການສະໜັບສະໜູນກະເບື້ອງຈຳນວນ 3,100 ແຜ່ນ ລວມມູນຄ່າ 130 ລ້ານກີບ ເພື່ອນຳໄປແຈກຢາຍໃຫ້ປະຊາຊົນໃນ 2 ບ້ານ 15 ຄອບຄົບທີ່ຖືກຜົນກະທົບຈາກພາຍຸໝາກເຫັບ ເພື່ອໃຫ້ມີຂວັນກຳລັງແຮງໃຈ, ອົດທົນ, ສູ້ຊົນຜ່ານຜ່າວິກິດໃນຄັ້ງນີ້ໄປດ້ວຍດີ.
 |
ໂອກາດນີ້, ສະຫາຍ ພັນໂທ ສຸກສົມບັດ ລັດທະຈັກ ໄດ້ກ່າວສະແດງຄວາມຢ້ຽມຢາມຖາມຂ່າວ ແລະ ໃຫ້ກຳລັງໃຈປະຊາຊົນໃຫ້ເຂັ້ມແຂງ, ອົດທົນ, ສູ້ຊົນຜ່ານຜ່າວິກິດການໄພທຳມະຊາດໃນຄັ້ງນີ້ ເພື່ອກັບມາສ້າງສາຊີວິດການເປັນຢູ່ໃຫ້ເປັນປົກກະຕິໂດຍໄວ.
ຂ່າວ: ກອງທັບ
ຄໍາເຫັນ