 |
ສະຫາຍ ພັນຕີ ບຸນຖົມ ບຸດດາໝັ້ນ ຮອງພະແນກເສນາກອງບັນຊາການທະຫານເມືອງແກ່ນທ້າວ ໄດ້ຂຶ້ນຜ່ານບົດສະຫຼຸບການອົບຮົມ-ຫັດແອບການທະຫານ, ການເມືອງ, ພາລາທິການ-ເຕັກນິກ ປະຈຳປີ 2025 ວ່າ: ການອົບຮົມ-ຫັດແອບ ຄັ້ງນີ້, ໄດ້ທວນຄືນທາງດ້ານສິນລະປະຍຸດ, ຍຸດທະວິທີ ແລະ ການນໍາໃຊ້ອາວຸດ, ລູກກະສູນໃຫ້ຄ່ອງແຄ້ວຂອງວິຊາການທະຫານ ແລະ ຈັດຕັ້ງຍິງເປົ້າໝາຍດ້ວຍລູກປືນແທ້ເພື່ອຍົກສູງຄວາມຮູ້, ຄວາມສາມາດ ແລະ ຮັບປະກັນໃນການເຄື່ອນໄຫວປະຕິບັດໜ້າທີ່ວຽກງານປ້ອງກັນຊາດ, ປ້ອງກັນຄວາມສະຫງົບຕາມຂອບເຂດຄວາມຮັບຜິດຊອບ. ຊຶ່ງຜ່ານການຝຶກອົບຮົມ-ຫັດແອບຕົວຈິງສາມາດບັນລຸໄດ້ຕາມເປົ້າໜາຍທີ່ວາງໄວ້ຄື: ດ້ານສິນລະປະຍຸດສະເລ່ຍຜົນໄດ້ຮັບ70%, ດ້ານວຽກງານເສນາທິການ90%, ພາກການເມືອງ 97%, ພາກລະບຽບ 90%, ພະລາທິການ-ເຕັກນິກ 85%, ດ້ານການເຄື່ອນໄຫວກິລາກາຍຍະກຳ 85% ແລະ ສະຫຼຸບການຍິງລູກປືນແທ້, ມີນັກຍິງທັງໝົດ 50 ກວ່າສະຫາຍ, ເກັ່ງ 3ສະຫາຍ, ຄາດໝາຍ 56 ສະຫາຍ.
 |
ໂອກາດນີ້, ສະຫາຍ ພັນເອກ ໄວຍາກອນ ເພັດສະລາດ ໄດ້ຮຽກຮ້ອງໃຫ້ນາຍ ແລະ ພົນທະຫານຈົ່ງເອົາໃຈໃສ່ການສຶກສາອົບຮົມການເມືອງນໍາພາແນວຄິດ, ປະຕິບັດ 7 ລະບອບ 18 ວຽກ ໃຫ້ເຂັ້ມງວດ, ຍົກສູງຄວາມສາມັກຄີພາຍໃນໃຫ້ແໜ້ນແຟ້ນ. ນັກສຳມະນາກອນ ທີ່ສໍາເລັດການອົບຮົມ-ຫັດແອບຈົ່ງນໍາເອົາຄວາມຮູ້, ຄວາມສາມາດ, ບົດຮຽນທີ່ຮຽນມານັ້ນໄປນຳໃຊ້ເຂົ້າໃນໜ້າທີ່ວຽກງານຂອງຕົນໃຫ້ໄດ້ຮັບຜົນ ແລະ ຮັບປະກັນຄວາມປອດໄພໃນການເຄື່ອນໄຫວປະຕິບັດໜ້າທີ່ວຽກງານໃຫ້ທັນກັບສະພາບການເພື່ອເຮັດໃຫ້ຂອບເຂດຄວາມຮັບຜິດຊອບມີຄວາມສະຫງົບໂດຍພື້ນຖານ.
(ຂ່າວ-ພາບ: ວິລະວົງທະນົງສີນ)
ຄໍາເຫັນ