ກອງບັນຊາການທະຫານຊາຍແດນ ຢ້ຽມຊົມຫໍພິພິທະພັນປະຫວັດສາດກອງທັບ

ສະຫາຍ ພັນໂທ ອິນປອນ ບໍລິບູນ ໄດ້ໃຫ້ຮູ້ວ່າ: ຈຸດປະສົງການເຂົ້າຢ້ຽມຊົມຄັ້ງນີ້, ເພື່ອສ້າງຂະບວນການຂໍ່ານັບຮັບຕ້ອນວັນສະຖາປະນາສປປ ລາວ ຄົບຮອບ 50 ປີ, ວັນເກີດປະທານ ໄກສອນ ພົມວິຫານ ຄົບ ຮອບ 105 ປີ ແລະ ວັນສ້າງຕັ້ງກອງທັບປະຊາຊົນລາວ ຄົບຮອບ 76 ປີ, ເພື່ອປູກຈິດສຳນຶກໃຫ້ພະນັກງານ-ນັກຮົບຮຸ່ນສືບທອດໄດ້ຫວນຄືນເຖິງເຫດການປະຫວັດສາດລາວ

ໃນແຕ່ລະໄລຍະໄດ້ຕໍ່ສູ້ກູ້ຊາດຢ່າງລະອິດລະອ້ຽວ ໂດຍສະເພາະການກຳເນີດ, ການຕໍ່ສູ້ຕ້ານຈັກກະພັດຜູ້ຮຸກຮານ ແລະ ການເຕີບໃຫຍ່ຂະຫຍາຍຕົວຂອງກອງທັບປະຊາຊົນລາວ ຜ່ານການຊົມຟີມຮູບເງົາ, ຮູບພາບ, ວັດຖຸພັນ, ເອກະສານຕ່າງໆ ທີ່ໄດ້ຈັດວາງປະກອບກັບການບັນຍາຍຂອງຜູ້ນຳທ່ຽວ ເຮັດໃຫ້ສະມາຊິກຊາວໜຸ່ມ, ແມ່ຍິງ, ພະນັກງານ-ນັກຮົບເຊື່ອມຊຶມກຳແໜ້ນ, ສຶກສາເອົາແນວຄິດຄຸນສົມບັດສິນທຳປະຕິວັດໃຫ້ມີນໍ້າໃຈຮັກຊາດ, ຮັກບ້ານເກີດເມືອງນອນ ແລະ ເຊື່ອມຊຶມບົດຮຽນທາງປະຫວັດສາດ ມາໝູນໃຊ້ເຂົ້າໃນໜ້າທີ່ການເມືອງຕົວຈິງຂອງຕົນໃຫ້ມີຜົນສຳເລັດ ໃນຂະບວນການກໍ່ສ້າງກົມກອງໃຫ້ມີລະບຽບແບບແຜນທັນສະໄໝ ກໍຄືການປົກປັກຮັກສາ ແລະ ສ້າງສາພັດທະນາປະເທດຊາດໃຫ້ມີຄວາມຈະເລີນຮຸ່ງເຮືອງສີວິໄລຕະຫຼອດໄປ.

ໂດຍ: ສຸກສົງການ ຫຼ້າບຸນມີ