ກອງຮ້ອຍກໍາລັງສໍາຮອງປ້ອງກັນຊາດເມືອງຕົ້ນເຜິ້ງ ສຳເລັດຊຸດອົບຮົມ-ຫັດແອບ

ຊຸດອົບຮົມຄັ້ງນີ້, ມີຜູ້ເຂົ້າຮ່ວມຕົວຈິງ 80 ສະຫາຍ ມາຈາກ 5 ຕາແສງພາຍໃນເມືອງຕົ້ນເຜິ້ງ, ເນື້ອໃນທີ່ນຳມາອົບຮົມລວມມີ 2 ພາກຄື: ພາກທິດສະດີ ແລະ ພາກການທະຫານ. ໃນນີ້ພາກທິດສະດີສະເລ່ຍຄວາມຮັບຮູ້ໄດ້ 82%, ພາກການທະຫານສະເລ່ຍຄວາມຮັບຮູ້ໄດ້ 85% ແລະ ວຽກງານພາລາທິການສະເລ່ຍຄວາມຮັບຮູ້ໄດ້ 80% ພ້ອມນີ້, ຍັງໄດ້ຕີລາຄາຈັດປະເພດການຍິງລູກປືນແທ້ ຊຶ່ງສາມາດຕີລາຄາໄດ້ປະເພດເກັ່ງ 15 ສະຫາຍ ເທົ່າກັບ 18,75%, ປະເພດດີ 40 ສະຫາຍ ເທົ່າກັບ 50%, ຄາດໝາຍ 25 ສະຫາຍ ເທົ່າກັບ 31,25%. ສະເລ່ຍລວມຜົນໄດ້ຮັບໃນການອົບຮົມ-ຫັດແອບໃນຄັ້ງນີ້ ເທົ່າກັບ 83%. ພ້ອມດຽວກັນນີ້ຍັງໄດ້ມອບໃບຍ້ອງຍໍໃຫ້ບັນດາບ້ານ, ບຸກຄົນ ແລະ ກົມກອງ ທີ່ໄດ້ປະກອບສ່ວນເຂົ້າໃນວຽກງານຝຶກອົບຮົມ-ຫັດແອບກຳລັງສຳຮອງປ້ອງກັນຊາດພາຍໃນເມືອງຕົ້ນເຜິ້ງຢ່າງສົມກຽດ.

ຕອນທ້າຍ, ສະຫາຍ ພົນຈັດຕະວາ ສຸກພະຈັນ ສີລາເພັດ ໄດ້ມີຄໍາເຫັນໂອ້ລົມ ຮຽກຮ້ອງໃຫ້ນັກຝຶກອົບ ຮົມ ຈົ່ງພ້ອມກັນນໍາເອົາບົດຮຽນທີ່ໄດ້ອົບຮົມ-ຫັດແອບສິນລະປະຍຸດ, ຍຸດທະວິທີຕ່າງໆໃນຄັ້ງນີ້ໄປໝູນໃຊ້ເຂົ້າໃນວຽກງານປ້ອງກັນຊາດ ກໍຄື ປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍພາຍໃນບ້ານຂອງຕົນ ແລະ ມີສະຕິກຽມພ້ອມສູ້ຮົບໃນທຸກສະຖານະການ ເພື່ອເຮັດໃຫ້ປະເທດຊາດມີຄວາມສະຫງົບປອດໄພ 100%.

ໂດຍ: ພາກ ສຸທິປັນຍາ