 |
ໃນພິທີ, ທ່ານ ວັນໄຊ ໄຊຍະສຸກ ຫົວໜ້າພະແນກຄຸ້ມຄອງ ແລະ ນຳໃຊ້ຊົນລະປະທານ ໄດ້ຂຶ້ນຜ່ານຈຸດປະສົງ ພ້ອມທັງອ່ານຂໍ້ຕົກລົງສະບັບເລກທີ 2067/ກສ, ລົງວັນທີ 18 ພຶດສະພາ 2026 ວ່າດ້ວຍການແຕ່ງຕັ້ງຄະນະຮັບຜິດຊອບສ້າງຮ່າງດຳລັດ ວ່າດ້ວຍ ກອງທຶນຊົນລະປະທານ ເພື່ອໃຫ້ຜູ້ເຂົ້າຮ່ວມໄດ້ຮັບຊາບເຖິງພາລະບົດບາດ ແລະ ຄວາມຮັບຜິດຊອບຂອງຄະນະກຳມະການໃນການຂັບເຄື່ອນວຽກງານດັ່ງກ່າວ.
ຈາກນັ້ນ, ກອງປະຊຸມໄດ້ຮັບຟັງການລາຍງານຄວາມຄືບໜ້າໃນການສ້າງ "ຮ່າງ" ດຳລັດ ວ່າດ້ວຍ ກອງທຶນຊົນລະປະທານ ໂດຍ ທ່ານ ຄຳຈັນ ວົງຊະນະ ຫົວໜ້າກົມຊົນລະປະທານ ຊຶ່ງທ່ານໄດ້ຍົກໃຫ້ເຫັນເຖິງຂະບວນການຈັດຕັ້ງປະຕິບັດ, ຜົນສຳເລັດໃນໄລຍະຜ່ານມາ ແລະ ທິດທາງແຜນການໃນການປັບປຸງເນື້ອໃນໃຫ້ມີຄວາມຮັດກຸມ. ພ້ອມດຽວກັນນີ້, ທ່ານ ທອງເລີຍ ແສງອານົງ ຮອງຫົວໜ້າກົມຊົນລະປະທານ ໄດ້ຂຶ້ນຜ່ານລາຍລະອຽດເນື້ອໃນຂອງ "ຮ່າງ" ດຳລັດ ດັ່ງກ່າວ ເພື່ອເປັນບ່ອນອີງໃຫ້ແກ່ການຄົ້ນຄວ້າ ແລະ ປະກອບຄຳເຫັນ, ເປີດໂອກາດໃຫ້ຜູ້ເຂົ້າຮ່ວມທັງໝົດ ໄດ້ຮ່ວມກັນປຶກສາຫາລື, ແລກປ່ຽນທັດສະນະ ແລະ ປະກອບຄຳຄິດຄຳເຫັນໃສ່ເນື້ອໃນຂອງ "ຮ່າງ" ດຳລັດ ວ່າດ້ວຍ ກອງທຶນຊົນລະປະທານ ຢ່າງກວ້າງຂວາງ ແລະ ກົງໄປກົງມາ. ທັງນີ້ ກໍເພື່ອຮັບປະກັນໃຫ້ດຳລັດສະບັບນີ້ ມີເນື້ອໃນທີ່ສົມບູນ, ຄົບຖ້ວນ, ສອດຄ່ອງກັບສະພາບຄວາມເປັນຈິງ, ສາມາດນຳໄປຈັດຕັ້ງປະຕິບັດໄດ້ຢ່າງມີປະສິດທິຜົນ ແລະ ແນໃສ່ສ້າງຄວາມເຂັ້ມແຂງໃຫ້ແກ່ການຄຸ້ມຄອງ, ພັດທະນາ ແລະ ນຳໃຊ້ລະບົບຊົນລະ ປະທານໃນ ສປປ ລາວ ໃຫ້ມີຄວາມຢືນຢົງ.
 |
ໃນຕອນທ້າຍຂອງກອງປະຊຸມ, ທ່ານ ນາງ ຈັນທະຄອນ ບົວລະພັນ ໄດ້ກ່າວສະຫຼຸບ ແລະ ໃຫ້ທິດຊີ້ນຳຕໍ່ກອງປະຊຸມ ໂດຍທ່ານໄດ້ສະແດງຄວາມຍ້ອງຍໍຊົມເຊີຍຕໍ່ຄະນະຮັບຜິດຊອບ ທີ່ໄດ້ເອົາໃຈໃສ່ຄົ້ນຄວ້າຮ່າງດຳລັດສະບັບນີ້, ພ້ອມທັງເນັ້ນໜັກໃຫ້ຄະນະກຳມະການ ນຳເອົາທຸກຄຳຄິດຄຳເຫັນທີ່ດີ ແລະ ມີປະໂຫຍດຈາກຜູ້ເຂົ້າຮ່ວມໄປປັບປຸງ ແລະ ຮຽບຮຽງຄືນໃໝ່ ເພື່ອເຮັດໃຫ້ຮ່າງດຳລັດ ວ່າດ້ວຍ ກອງທຶນຊົນລະປະທານມີຄວາມສົມບູນແບບທີ່ສຸດ ກ່ອນຈະນຳສະເໜີຂັ້ນເທິງ ເພື່ອພິຈາລະນາອະນຸມັດ ແລະ ປະກາດໃຊ້ເປັນທາງການໃນຕໍ່ໜ້າ.
(ແຫຼ່ງຂ່າວ: ຂ່າວສານ ກສ)
ຄໍາເຫັນ