ໃນວັນທີ 30 ຕຸລາຜ່ານມາ, ກົມທີ່ດິນ ກະຊວງຊັບພະຍາກອນທໍາມະຊາດ ແລະສິ່ງແວດລ້ອມ ຮ່ວມກັບພະແນກຊັບພະຍາກອນທໍາມະຊາດ ແລະສິ່ງແວດລ້ອມ (ຊສ) ແຂວງສະຫວັນນະເຂດ ໄດ້ຈັດກອງປະຊຸມຖອດຖອນບົດຮຽນປີ 2023 ແລະວາງທິດທາງແຜນການປີ 2024 ຂອງໂຄງການສ້າງຄວາມເຂັ້ມແຂງວຽກງານຂຶ້ນທະບຽນອອກໃບຕາດິນຢ່າງເປັນລະບົບ ຢູ່ຫ້ອງປະຊຸມຂອງພະແນກ ຊສ ແຂວງສະຫວັນນະເຂດ. ໃຫ້ກຽດເປັນປະທານໃນພິທີໂດຍທ່ານ ຄິດລາໄຊ ກອກມີລາ ຮອງຫົວໜ້າກົມທີ່ດິນ, ທ່ານ ບູລີກາ ອິນທິລາດ ຮອງຫົວໜ້າພະແນກ ຊສ ແຂວງສະຫວັນນະເຂດ, ມີບັນດາພະນັກງານພະແນກ ຊສ, ຫ້ອງການ ຊສ ເມືອງ ຈາກແຂວງສາລະວັນ, ຈໍາປາສັກ, ເຊກອງ ແລະແຂວງອັດຕະປື ເຂົ້າຮ່ວມ.
ໃນໂອກາດນີ້, ທ່ານ ບູລີກາ ອິນທິລາດ ກໍໄດ້ກ່າວຕ້ອນຮັບບັນດາແຂກມາຈາກກົມ ແລະ ມາຈາກ4 ແຂວງພາກໃຕ້ ພ້ອມເປີດກອງປະຊຸມຢ່າງເປັນທາງການ ໂດຍທ່ານໄດ້ຍົກໃຫ້ເຫັນຄວາມສໍາຄັນຂອງການສະຫຼຸບຖອດຖອນບົດຮຽນຊຶ່ງກັນ ແລະກັນໃນຄັ້ງນີ້. ສໍາລັບການຈັດຕັ້ງປະຕິບັດວຽກງານໂຄງການສ້າງຄວາມເຂັ້ມແຂງ, ວຽກງານຂຶ້ນທະບຽອອກໃບຕາດິນຢ່າງເປັນລະບົບຢູ່ 5 ແຂວງພາກໃຕ້ ຊຶ່ງໃຊ້ເວລາ 2 ວັນເຕັມ(30-31/10/2023) ເພື່ອໃຫ້ສາມາດຊຸກຍູ້ເອົາໃຈໃສ່ວຽກງານແຕ່ລະຂອດການປະສານງານໃຫ້ເປັນລະບົບລະຫວ່າງສູນກາງກັບແຂວງ ແລະເມືອງ.
ສໍາລັບໂຄງການສ້າງຄວາມເຂັ້ມແຂງວຽກງານຂຶ້ນທະບຽນອອກໃບຕາດິນຢ່າງເປັນລະບົບ ມີໄລຍະເວລາປະຕິບັດໂຄງການເລີ່ມແຕ່ຕົ້ນປີ 2021-2026, ປະກອບມີ 4 ອົງປະກອບຄື: ການຂຶ້ນທະບຽນອອກໃບຕາດິນຢ່າງເປັນລະບົບ; ການຫັນເປັນທັນສະໄໝໃນການຄຸ້ມຄອງທີ່ດິນ, ການຈັດຕັ້ງປະຕິບັດນະໂຍບາຍ ແລະຜັນຂະຫຍາຍລະບຽບກ່ຽວກັບທີ່ດິນ; ການບໍລິຫານໂຄງການ. ມີງົບປະມານທັງໝົດ 31,37 ລ້ານກວ່າໂດລາ. ການຈັດຕັ້ງປະຕິບັດວຽກງານນັບແຕ່ເດືອນ1-8 ປີ 2023 ນີ້ ທົ່ວປະເທດ17 ແຂວງ, 1 ນະຄອນຫຼວງ ມີເມືອງເປົ້າໝາຍທັງໝົດ 32 ເມືອງ, 625 ບ້ານ, ມີຕອນດິນຕາມແຜນການ 265.544 ຕອນ, ສາມາດອອກໃບຕາດິນໄດ້ 6.629 ຕອນ; ສໍາຫຼັບ 5 ແຂວງພາກໃຕ້ປະກອບມີ 9 ເມືອງ, ມີ 255 ບ້ານເປົ້າໝາຍ, ສາມາດອອກໃບຕາດິນໄດ້ 1.216 ຕອນ .
ຈາກນັ້ນ, ຄະນະປະທານ ແລະບັນດາແຂກທີ່ເຂົ້າຮ່ວມກອງປະຊຸມກໍໄດ້ປຶກສາຫາລືປະກອບຄໍາເຫັນ ແລກປ່ຽນບົດຮຽນບົດຮຽນຮ່ວມກັນ ເພື່ອແກ້ໄຂບັນຫາທີ່ຍັງຄົງຄ້າງ ແລະວາງທິດທາງແຜນການປີ 2024 ຮ່ວມກັນ.
(ຂ່າວ-ພາບ: ສະຫວັນນະເຂດ)
ໃນໂອກາດນີ້, ທ່ານ ບູລີກາ ອິນທິລາດ ກໍໄດ້ກ່າວຕ້ອນຮັບບັນດາແຂກມາຈາກກົມ ແລະ ມາຈາກ4 ແຂວງພາກໃຕ້ ພ້ອມເປີດກອງປະຊຸມຢ່າງເປັນທາງການ ໂດຍທ່ານໄດ້ຍົກໃຫ້ເຫັນຄວາມສໍາຄັນຂອງການສະຫຼຸບຖອດຖອນບົດຮຽນຊຶ່ງກັນ ແລະກັນໃນຄັ້ງນີ້. ສໍາລັບການຈັດຕັ້ງປະຕິບັດວຽກງານໂຄງການສ້າງຄວາມເຂັ້ມແຂງ, ວຽກງານຂຶ້ນທະບຽອອກໃບຕາດິນຢ່າງເປັນລະບົບຢູ່ 5 ແຂວງພາກໃຕ້ ຊຶ່ງໃຊ້ເວລາ 2 ວັນເຕັມ(30-31/10/2023) ເພື່ອໃຫ້ສາມາດຊຸກຍູ້ເອົາໃຈໃສ່ວຽກງານແຕ່ລະຂອດການປະສານງານໃຫ້ເປັນລະບົບລະຫວ່າງສູນກາງກັບແຂວງ ແລະເມືອງ.
ສໍາລັບໂຄງການສ້າງຄວາມເຂັ້ມແຂງວຽກງານຂຶ້ນທະບຽນອອກໃບຕາດິນຢ່າງເປັນລະບົບ ມີໄລຍະເວລາປະຕິບັດໂຄງການເລີ່ມແຕ່ຕົ້ນປີ 2021-2026, ປະກອບມີ 4 ອົງປະກອບຄື: ການຂຶ້ນທະບຽນອອກໃບຕາດິນຢ່າງເປັນລະບົບ; ການຫັນເປັນທັນສະໄໝໃນການຄຸ້ມຄອງທີ່ດິນ, ການຈັດຕັ້ງປະຕິບັດນະໂຍບາຍ ແລະຜັນຂະຫຍາຍລະບຽບກ່ຽວກັບທີ່ດິນ; ການບໍລິຫານໂຄງການ. ມີງົບປະມານທັງໝົດ 31,37 ລ້ານກວ່າໂດລາ. ການຈັດຕັ້ງປະຕິບັດວຽກງານນັບແຕ່ເດືອນ1-8 ປີ 2023 ນີ້ ທົ່ວປະເທດ17 ແຂວງ, 1 ນະຄອນຫຼວງ ມີເມືອງເປົ້າໝາຍທັງໝົດ 32 ເມືອງ, 625 ບ້ານ, ມີຕອນດິນຕາມແຜນການ 265.544 ຕອນ, ສາມາດອອກໃບຕາດິນໄດ້ 6.629 ຕອນ; ສໍາຫຼັບ 5 ແຂວງພາກໃຕ້ປະກອບມີ 9 ເມືອງ, ມີ 255 ບ້ານເປົ້າໝາຍ, ສາມາດອອກໃບຕາດິນໄດ້ 1.216 ຕອນ .
ຈາກນັ້ນ, ຄະນະປະທານ ແລະບັນດາແຂກທີ່ເຂົ້າຮ່ວມກອງປະຊຸມກໍໄດ້ປຶກສາຫາລືປະກອບຄໍາເຫັນ ແລກປ່ຽນບົດຮຽນບົດຮຽນຮ່ວມກັນ ເພື່ອແກ້ໄຂບັນຫາທີ່ຍັງຄົງຄ້າງ ແລະວາງທິດທາງແຜນການປີ 2024 ຮ່ວມກັນ.
(ຂ່າວ-ພາບ: ສະຫວັນນະເຂດ)
ຄໍາເຫັນ