ຂ່າວລະບຸວ່າ: ຕີລາຄາກ່ຽວກັບສະພາບການ ແລະ ສະເໜີປຶກສາຫາລືບັນດາເນື້ອໃນກອງປະຊຸມ, ທ່ານ ຟ້າມມິງຈິງ ໃຫ້ຮູ້ວ່າ: ສະພາບການເສດຖະກິດ - ສັງຄົມ ໃນເດືອນກໍລະກົດ ສືບຕໍ່ມີທ່າອ່ຽງຢ່າງຕັ້ງໜ້າ, ໝາກຜົນບັນລຸດີຂຶ້ນເມື່ອທຽບໃສ່ກັບເດືອນມິຖຸນາ, ໄລ່ລວມ 7 ເດືອນຜ່ານມາ ແມ່ນດີຂຶ້ນກວ່າໄລຍະດຽວກັນຂອງປີ 2023 ໃນບັນດາຂົງເຂດເກືອບທັງໝົດ. ການເຕີບໂຕໄດ້ຮັບການຊຸກຍູ້ໃນ3 ຂົງເຂດອຸດສາຫະກຳ, ກະສິກຳ, ການບໍລິການ. ເສດຖະກິດມະຫາພາກມີສະຖຽນລະພາບ, ໄພເງິນເຟີ້ໄດ້ຮັບການຄວບຄຸມ, ຄວາມດຸ່ນດ່ຽງໃຫຍ່ໄດ້ຮັບການຮັບປະກັນ ແລະ ມີການສົ່ງອອກເກີນດູນ; ມີຫຼາຍບັນຫາຄົງຄ້າງໄດ້ຮັບການສຸມໃສ່ແກ້ໄຂ; ການໜູນຊ່ວຍສັງຄົມໄດ້ຮັບການຮັບປະກັນ; ປະຊາທິປະໄຕແຫ່ງຊາດ, ຄວາມໝັ້ນຄົງດ້ານການເມືອງ, ຄວາມເປັນລະບຽບຮຽບຮ້ອຍໃນສັງຄົມໄດ້ຮັບການຮັກສາ; ການທູດໄດ້ຮັບການຊຸກແຮງ; ອິດທິພົນຊື່ສຽງ, ຖານະບົດບາດຂອງປະເທດຊາດສືບຕໍ່ຖືກຍົກສູງຂຶ້ນ.
ກ່ຽວກັບໜ້າທີ່, ມາດຕະການຈຸດສຸມໃນເດືອນສິງຫາ, ນັບແຕ່ປັດຈຸບັນຈົນຮອດທ້າຍປີ ແລະ ໃນໄລຍະຈະມາເຖິງ, ທ່ານ ຟ້າມມິງຈິງ ຊີ້ແຈ້ງວ່າ: ເປົ້າໝາຍຂອງພວກເຮົາບໍ່ມີຫຍັງປ່ຽນແປງ, ຕ້ອງຮັກສາເສດຖະກິດມະຫາພາກເປັນປົກກະຕິ, ຄວບຄຸມໄພເງິນເຟີ້ດ້ວຍການກຳນົດໂດຍສະພາແຫ່ງຊາດອະນຸຍາດ, ການເຕີບໂຕຕ້ອງຊຸກຍູ້ຢ່າງແຂງແຮງກວ່າເກົ່າ, ບັນດາຄວາມດຸ່ນດ່ຽງໃຫຍ່ຕ້ອງມີການຮັບປະກັນ, ໜີ້ສາທາລະນະ, ໜີ້ລັດຖະບານ, ລາຍຈ່າຍເກີນດຸ່ນຕ້ອງໄດ້ຮັບການຄວບຄຸມເປັນຢ່າງດີ. ຕ້ອງຮັບປະກັນການເມືອງເປັນສະຖຽນລະພາບ, ຄວາມເປັນລະບຽບຮຽບຮ້ອຍທາງສັງຄົມ, ອະທິປະໄຕ, ເຂດຊາຍແດນແຫ່ງຊາດບໍ່ອາດປ່ຽນແປງໄດ້, ພວກເຮົາຕ້ອງເຮັດໃຫ້ໄດ້. ປີນີ້, ໝາກຜົນທີ່ບັນລຸໄດ້ຕ້ອງສູງກວ່າ, ກວມລວມກວ່າ, ຮອບດ້ານກວ່າປີກາຍນີ້.
ຄໍາເຫັນ