 |
ໃນກອງປະຊຸມ, ຄະນະພັກ-ຄະນະບັນຊາແຕ່ລະກົມ-ກອງໄດ້ຜັດປ່ຽນກັນຂຶ້ນຜ່ານບົດສະຫຼຸບຕີລາຄາ ການຈັດຕັ້ງປະຕິບັດໜ້າທີ່ວຽກງານ ຮອບດ້ານ ປະຈຳໄຕມາດທີ I ແລະ ທິດທາງແຜນການໃນຕໍ່ໜ້າ ໂດຍປີ່ນອ້ອມ 4 ໜ້າທີ່ໃຫຍ່ 26 ແຜນງານຂອງກະຊວງປ້ອງກັນວາງອອກ ເປັນຕົ້ນແມ່ນວຽກງານ ປ້ອງກັນຊາດ-ປ້ອງກັນຄວາມສະຫງົບ, ວຽກງານລົງກໍ່ສ້າງຮາກຖານການເມືອງ ໂດຍຖືເອົາວຽກງານສຶກສາອົບຮົມ ການເມືອງ-ນຳພາແນວຄິດເປັນກົກ ສອດຫອ້ຍເຂົ້າໃນທຸກຂົງເຂດວຽກງານ ຕິດພັນກັບວຽກງານ 3 ສ້າງ. ພ້ອມນັ້ນ ຍັງໄດ້ເອົາໃຈໃສ່ກໍ່ສ້າງພັກ- ກໍ່ສ້າງພະນັກງານ ຕາມ 5 ຫຼັກການ 3 ທິດນຳຂອງພັກ ແນໃສ່ເຮັດໃຫ້ສະມາຊິກພັກ, ພະນັກງານ ມີຄວາມໜັກແໜ້ນທາງດ້ານການເມືອງ-ນຳພາແນວຄິດ, ມີແບບແຜນວິທີເຮັດວຽກ ແລະ ມີຄວາມເຂັ້ມແຂງດ້ານການຈັດຕັ້ງ ເພື່ອກຽມພ້ອມຕອບຕ້ານ-ສະກັດກັ້ນ ທຸກປະກົດການຫຍໍ້ທໍ້ທີ່ຈະເກີດຂຶ້ນຢູ່ຕາມຂອບເຂດທີ່ກົມ-ກອງຮັບຜິດຊອບ ໃຫ້ມີຄວາມສະຫງົບປອດໄພໂດຍພື້ນຖານ.
 |
ໂອກາດນີ້, ສະຫາຍ ພັນເອກ ບຸນສົມ ອິນທະລາ ໄດ້ສະແດງຄວາມຍ້ອງຍໍຊົມເຊີຍຕໍ່ການຈັດຕັ້ງປະຕິບັດໜ້າທີ່ວຽກງານຂອງແຕ່ລະກົມກອງໃນໄລຍະຜ່ານມາ ພ້ອມທັງໄດ້ຮຽກຮ້ອງໃຫ້ບັນດາ ຄະນະພັກ-ຄະນະບັນຊາ ແຕ່ລະກົມກອງ ສືບຕໍ່ປະຕິບັດໜ້າທີ່ການເມືອງຂອງຕົນໃຫ້ສູງ, ເອົາໃຈໃສ່ສຶກສາອົບຮົມການເມືອງແນວຄິດໃຫ້ ພະນັກງານ-ນັກຮົບ ໃຫ້ມີຄຸນທາດການເມືອງໜັກແໜ້ນ, ປັບປຸງບູລະນະການຈັດຕັ້ງໃຫ້ມີຄວາມເຂັ້ມແຂງ, ສືບຕໍ່ກໍ່ສ້າງໜ່ວຍພັກ ໃຫ້ມີຄວາມປອດໃສ, ເຂັ້ມແຂງ, ໜັກແໜ້ນ , ຍູ້ແຮງຂະບວນການເພີ່ມພູນຜະລິດຜົນ ໂດຍຖືເອົາວຽກການປູກ-ການລ້ຽງ ເພື່ອແກ້ໄຂຊີວິດການເປັນຢູ່ຂອງພະນັກງານ-ນັກຮົບ ໃນກົມ-ກອງໃຫ້ນັບມື້ດີຂຶ້ນເທື່ອລະກ້າວ.
(ພາບ-ຂ່າວ: ທອງປານ ສີດາໄລ)
ຄໍາເຫັນ