ທີ່ຈະມາເຖິງນີ້, ໂດຍການເປັນກຽດເຂົ້າຮ່ວມຂອງທ່ານ ສິນລະວົງ ຄຸດໄພທູນ ກໍາມະການກົມການເມືອງສູນກາງພັກ ປະທານສູນກາງແນວລາວສ້າງຊາດ ຫົວໜ້າອະນຸກໍາມະການໂຄສະນາ ຂະບວນການ, ແຂ່ງຂັນ ແລະ ຍ້ອງຍໍ, ມີທ່ານ ນາງ ອິນລາວັນ ແກ້ວບຸນພັນ ກໍາມະການສູນກາງພັກ ຮອງປະທານ ສນຊ, ທ່ານ ວິໄລວົງ ບຸດດາຄໍາ ລັດຖະມົນຕີກະຊວງພາຍໃນ, ທ່ານ ນາງ ສວນສະຫວັນ ວິຍະເກດ ລັດຖະມົນຕີກະຊວງຖະແຫຼງຂ່າວ, ວັດທະນະທໍາ ແລະ ການທ່ອງທ່ຽວ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມ.
ກອງປະຊຸມຄັ້ງນີ້, ເພື່ອເປັນການຖອດຖອນບົດຮຽນໃນການສະເຫຼີມສະຫຼອງ ວັນສ້າງຕັ້ງພັກ ຄົບຮອບ 70 ປີ ຜ່ານມາ ໄດ້ຍົກໃຫ້ເຫັນຜົນງານ-ຜົນສໍາເລັດຂອງ ອະນຸກໍາມະການໂຄສະນາ ຂະບວນການ, ແຂ່ງຂັນ ແລະ ຍ້ອງຍໍ ໄດ້ສໍາເລັດເປັນຕົ້ນ ຂະບວນການຍ່າງເພື່ອສຸຂະພາບ ທີ່ປະຕູໄຊ, ສໍາເລັດການປະດັບປະດາຕົວເມືອງ, ສໍາເລັດການຈັດພິທີການຍ້ອງຍໍໃນການປະດັບຫຼຽນກາລະນຶກ 70 ປີ, ສໍາເລັດການສະແດງສີລະປະ ພິທີໂຮມຊຸມນຸມສະເຫຼີມສະຫຼອງ ວັນສ້າງຕັ້ງພັກ ຄົບຮອບ 70 ປີ. ກອງປະຊຸມ ຍັງໄດ້ລາຍງານການກະກຽມຄວາມພ້ອມໃນການສະເຫຼີມສະຫຼອງວັນສະຖາປານາ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 50 ປີ ແລະ ວັນເກີດປະທານ ໄກສອນ ພົມວິຫານ ຄົບຮອບ 105 ປີ ທີ່ຈະມາເຖິງນີ້ ໃນນັ້ນ, ອະນຸກໍາມະການໂຄສະນາ ຂະບວນການ, ແຂ່ງຂັນ ແລະ ຍ້ອງຍໍ ມີ 7 ແຜນວຽກພື້ນຖານ ຊຶ່ງໄດ້ລະບຸໃນຂໍ້ຕົກລົງຂອງກົມການເມືອງສູນກາງພັກ; ຕ້ອງໄດ້ປະຊາສໍາພັນຕື່ມບັນດາແຜນວຽກ ໂດຍສະເພາະໜ່ວຍງານແຂ່ງຂັນຍ້ອງຍໍ ການແຂ່ງຂັນຮັກຊາດ ແລະ ພັດທະນາ ເນື່ອງໃນໂອກາດ 50 ປີ ເພື່ອຍ້ອງຍໍໃຫ້ຖືກຄົນທີ່ມີຜົນງານອັນພົ້ນເດັ່ນແທ້; ກອງປະຊຸມໄດ້ປຶກສາຫາລືກ່ຽວກັບການອອກແບບໃນການສະແດງໃຫ້ເຫັນອັນໃໝ່ຕື່ມເປັນຕົ້ນການນໍາໃຊ້ AI ເຂົ້າໃນການສະແດງບັນດາກິດຈະກໍາຕ່າງໆ ເພື່ອສະເຫຼີມສະຫຼອງ 2 ວັນປະຫວັດສາດທີ່ຈະມາເຖິງນີ້ ໃຫ້ໄດ້ຮັບຜົນສໍາເລັດຢ່າງຈົບງາມ.
ຂ່າວ-ພາບ: ລີ
ຄໍາເຫັນ