ໄດ້ຈັດຂຶ້ນໃນລະຫວ່າງວັນທີ 16-18 ພະຈິກ 2024 ໂດຍການເຂົ້າຮ່ວມຂອງ ສະຫາຍ ພັນເອກ ສາຍທອງປິຊາຈັນ ຫົວໜ້າການທະຫານກອງພົນທະຫານຮາບທີ 3, ສະຫາຍ ພັນເອກ ສໍຍັນ ລໍອິນສອນ ຫົວໜ້າການເມືອງພ້ອມດ້ວຍຄະນະພັກ-ຄະນະບັນຊາກອງພົນທະຫານຮາບທີ 3, ມີແຂກທີ່ຖືກເຊີນຈາກກົມກອງອ້ອມຂ້າງ ຕະຫຼອດຮອດພະນັກງານ-ນັກຮົບ ທົ່ວກອງພັນນ້ອຍ 417 ເຂົ້າຮ່ວມ.
ສະຫາຍ ພັນເອກ ສຸກສະຫວັດ ດາລາສຸກ ຫົວໜ້າຫ້ອງເສນາທິການກອງພົນທະຫານຮາບທີ 3 ໄດ້ກ່າວວ່າ: ການເຄື່ອນໄຫວຊ້ອມຮົບໃນຄັ້ງນີ້ ເປັນບັ້ນຖອດຖອນບົດຮຽນອັນໜຶ່ງທີ່ສ້າງປະສົບການໃຫ້ແກ່ພະນັກງານບັນຊາຂັ້ນກອງຮ້ອຍ, ໝວດ, ໝູ່ ແລະ ນັກຮົບ ເປັນຕົ້ນແມ່ນ: ບົດຮຽນທາງດ້ານເຕັກນິກ, ວິຊາການຄວາມຮູ້, ດ້ານສິນລະປະທາງດ້ານການທະຫານ, ຍຸດທະວິທີການສູ້ຮົບ, ການປັບປຸງຮູບແບບທີ່ປະສົມປະສານ, ລະບຽບຫຼັກການເຮັດວຽກຂອງຜູ້ບັນຊາໃນການຈັດຕັ້ງປະຕິບັດສູ້ຮົບ,ວຽກງານການກະກຽມກຳລັງ ແລະ ການນໍາໃຊ້ກຳລັງສູ້ຮົບຢູ່ພູພາປ່າດົງ ໂດຍອີງຕາມພູມີປະເທດຕົວຈິ່ງ ແລະ ທັງເປັນການອົບຮົມ-ຫັດແອບ ໃຫ້ພະນັກງານ-ນັກຮົບຮູ້ຈັກນໍາໃຊ້ ພາຫະນະອາວຸດເຂົ້າໃນການສູ້ຮົບຢ່າງຊຳນີ້ຊໍານານ. ການຊ້ອມຮົບໃນຄັ້ງນີ້, ສາມາດຮັບປະກັນຄວາມປອດໄພ 100% ແລະ ບັນລຸເປົ້າໝາຍຢ່າງມີຜົນສຳເລັດ. ນອກນີ້ ຍັງເປັນການຢັ້ງຢືນໃຫ້ເຫັນເຖິງຄວາມຕັດສິນໃຈຂອງພະນັກງານ- ນັກຮົບໃນການເຝິກແອບຮໍ່າຮຽນ ແລະ ຄວາມສາມັກຄີແຕ່ຕົ້ນຈົນສໍາເລັດການຫັດແອບ.
ຕອນທ້າຍ, ສະຫາຍ ພັນເອກ ສາຍທອງ ປີຊາຈັນ ໄດ້ເນັ້ນໜັກໃຫ້ຄະນະຊີ້ນຳ, ບັນດາອະນຸກຳມະການ ຕະຫຼອດຮອດຄະນະພັກ-ຄະນະບັນຊາແຕ່ລະຂັ້ນ, ຈົ່ງພ້ອມກັນຍົກສູງຄຸນທາດການເມືອງ, ຍົກລະດັບຄວາມຮູ້-ຄວາມສາມາດໃຫ້ສູງຂຶ້ນກວ່າເກົ່າ, ເພີ່ມທະວີຄວາມສາມັກຄີພາຍໃນໃຫ້ເປັນປຶກແຜ່ນແໜ້ນໜ້າ, ເຮັດວຽກເປັນໝູ່ຄະນະແບ່ງວຽກໃຫ້ບຸກຄົນຮັບຜິດຊອບຢ່າງລະອຽດຈະແຈ້ງ ແລະ ສິ່ງທີ່ສໍາຄັນ ແມ່ນນໍາເອົາເນື້ອໃນບົດຮຽນ, ຄໍາຕຳນິສົ່ງຂ່າວ ແລະ ການຖອດຖອນບົດຮຽນບາງບັນຫາທີ່ຍັງຄົງຄ້າງໄປປັບປຸ້ງແກ້ໄຂ ແລະ ເສີມຂະຫຍາຍດ້ານຕັ້ງໜ້າເພື່ອສືບຕໍ່ຜັນຂະຫຍາຍເຂົ້າໃນໜ້າວຽກງານຂອງກກົມກອງກໍຄືໃນເວລາສູ້ຮົບຕົວຈິ່ງ.
(ຂ່າວ-ພາບ: ສົມພົງ ອິນຕະວັນ)
ຄໍາເຫັນ