 |
ການປາຖະກະຖາຄັ້ງນີ້, ກໍເພື່ອຮຽນຮູ້ປະຫວັດສາດເຫຼົ່ານັ້ນນຳມາຄົ້ນຄວ້າຜັນຂະຫຍາຍປັບໃຫ້ເຂົ້າກັບສະພາບຕົວຈິງຂອງປັດຈຸບັນ ໂດຍສະເພາະຄວາມອົງອາດກ້າຫານທົນທານໜຽວແໜ້ນ, ແນວຄິດຮັກຊາດບໍ່ຍອມຈຳນົນ, ແນວຄິດຈົ່ງຮັກພັກດີຕໍ່ພັກ ຕໍ່ປະເທດຊາດ, ຮຽນຮູ້ຄວາມສາມັກຄີຊ່ວຍເຫຼືອເຊິ່ງກັນ ແລະ ກັນ ຈາກສະໜາມຮົບຕົວຈິງຈົນສາມາດຍຶດອຳນາດ ແລະ ຫຼຸດພົ້ນອອກຈາກແອກປົກຄອງຂອງຕ່າງຊາດຢ່າງຊິ້ນເຊີງໃນ ປີ 1975 ແລະ ນຳພາປະຊາຊົນລາວປົກປັກຮັກສາ ແລະ ສ້າງສາພັດທະນາປະເທດຊາດມາຈົນເຖິງປັດຈຸບັນ.
ຕອນທ້າຍຍັງໄດ້ຮັບຟັງການໂອ້ລົມຈາກປະທານ ເປັນຕົ້ນໄດ້ຍົກໃຫ້ເຫັນພາລະບົດບາດ ຄວາມໝາຍຄວາມສຳຄັນຕໍ່ 4 ວັນປະຫວັດສາດດັ່ງກ່າວ, ຮຽກຮ້ອງໃຫ້ຄະນະພັກ-ຄະນະບັນຊາ ສືບຕໍ່ຊີ້ນຳ-ນຳພາ ສຶກສາອົບຮົບການເມືອງແນວຄິດ ໃຫ້ພະນັກງານສະມາຊິກພັກ-ນັກຮົບ ໃຫ້ກຳແໜ້ນມູນເຊື້ອ ແລະ ແນວທາງແຜນນະໂຍບາຍພັກ ກົດໝາຍຂອງລັດ ແນ່ໃສ່ເຮັດໃຫ້ພະນັກງານນັກຮົບມີແນວຄິດການເມືອງໜັກແໜ້ນ ແລະ ສືບຕໍ່ເພິ້ມທະວີການຈັດຕັ້ງປະຕິບັດນະໂຍບາຍຕ່າງປະເທດຂອງພັກ ແລະ ລັດ ວາງອອກໃຫ້ຖືກຕ້ອງສອດຄອງກັບຄວາມເປັນຈິງ, ເສີມຂະຫຍາຍມູນເຊື້ອ ຂອງຊາດ ຂອງພັກ ແລະ ຂອງກອງທັບ ໃຫ້ແຂງແຮງກວ້າງຂວາງເລິກເຊິ່ງ ບົນພື້ນຖານຕ້ອງເພິ້ມທະວີການຄຸ້ມຄອງລັດ, ຄຸ້ມຄອງສັງຄົມດ້ວຍກົດໝາຍໃຫ້ມີຄວາມສັກສິດ ເຊິດຊູ່ນ້ຳໃຈເພິ່ງຕົນເອງ ກຸ້ມຕົ້ນເອງ ແລະ ສ້າງຄວາມເຂັ້ມແຂງດ້ວຍຕົນເອງ ປະກອບສ່ວນປົກປັກຮັກສາ ແລະ ພັດທະນາປະເທດໃຫ້ຈະເລີນຮຸ່ງເຮືອງສີວິໄລ ກ້າວໄປຢ່າງບໍ່ຢຸດຢັ້ງ.
(ພາບ-ຂ່າວ : ຄຳຊາຍ ກວ່າງຄຸນສີ)
ຄໍາເຫັນ