ໂດຍການເປັນປະທານຂອງ ສະຫາຍ ພັນໂທ ບຸນຈັນ ມະນີສອນ ຄະນະພັກກອງພັນໃຫຍ່ ຫົວໜ້າພະແນກເສນາທິການ ກອງພັນໃຫຍ່ 202, ເປັນກຽດເຂົ້າຮ່ວມຂອງສະຫາຍ ພັນເອກ ສົມໝາຍ ດອນພະຈັນ ເລຂາຄະນະພັກ ຫົວໜ້າການເມືອງ ກອງພັນໃຫຍ່ 202, ມີຄະນະພັກ-ຄະນະບັນຊາກອງພັນໃຫຍ່, ກອງພັນນ້ອຍ, ກອງຮ້ອຍເອກກະລາດ,ຂະແໜງການທີ່ກ່ຽວຂ້ອງເຂົ້າຮ່ວມ.
ສະຫາຍ ພັນຕີ ວຽງແກ້ວ ແສງມະນີ ຫົວໜ້າຂະແໜງອົບຮົບ ພະແນກເສນາທິການ ກອງພັນໃຫຍ່ 202 ໄດ້ຂຶ້ນຜ່ານແຜນການອົບຮົມ-ຫັດແອບ ການທະຫານ, ການເມືອງ, ພະລາທິການ ແລະ ເຕັກນິກ ປະຈຳປີ 2025 ຂອງກອງພັນໃຫຍ່ທະຫານຮາບ 202. ການອົບຮົມຫັດແອບໃນຄັ້ງນີ້, ຈະໄດ້ອົບຮົມ ລະບຽບຂໍ້ກຳນົດ, ຮູບແຖວ, ພິທີການ, ອົບຮົມ-ຫັດແອບ ກິລາການທະຫານ, ອົບຮົມ-ຫັດແອບ ສີນລະປະຍຸດເຫຼົ່າຮົບ, ຍຸດທະວິທີເຫຼົ່າຮົບ, ຄວາມຮູ້ພື້ນຖານກ່ຽວກັບເຫຼົ່າຮົບ, ອົບຮົມການເມືອງ, ອົບຮົມພະລາທິການ, ອົບຮົມເຕັກນິກ, ອົບຮົມວິຊາສະເພາະເຫຼົ່າຮົບ, ອົບຮົມສີນລະປະຍຸດທະຫານຮາບ, ອົບຮົບຍຸດທະວິທີທະຫານຮາບ. ການອົບຮົມ-ຫັດແອບຈະໄດ້ດຳເນີນເປັນເວລາ 180 ວັນ, ເຊິ່ງແບ່ງອອກເປັນ 2 ໄລຍະຄື: ໄລະຍທີ 1 ເລີ່ມແຕ່ເດືອນ ກຸມພາ ເຖິງ ເດືອນ ມິຖຸນາ 2025, ໄລຍະທີ 2 ເລີ່ມແຕ່ເດືອນ ກໍລະກົດ ເຖິງ ເດືອນ ພະຈິກ 2025.
ການອົບຮົມຫັດແອບໃນຄັ້ງນີ້, ເພື່ອຍົກສູງຄວາມຮູ້ຄວາມສາມາດໃຫ້ພະນັກງານ-ນັກຮົບມີຄວາມຮູ້ທາງດ້ານສີນລະປະຍຸດ-ຍຸດທະວິທີ ແລະ ວີຊາສະເພາະໃຫ້ສໍານິສຳນານ, ທັງເປັນບ່ອນອີງໃຫ້ແກ່ການຊີ້ນຳ-ບັນຊາໃນການຈັດຕັ້ງປະຕິບັດບັນດາຂໍ້ກຳນົດຕ່າງໆໃຫ້ເຂັ້ມງວດ, ເພື່ອເປັນການກະຕຸກຊຸກຍູ້ເປັນຂະບວນການແຂ່ງຂັນຢ່າງຮອບດ້ານ ແລະ ມີການຊີ້ນຳກວດກາແຕ່ລະໄລຍະຂອງການອົບຮົມ-ຫັດແອບ, ເປັນການຍົກສູງດ້ານທິດສະດີຫຼັກການ, ເຮັດໃຫ້ພະນັກງານ-ນັກຮົບມີແນວຄິດການເມືອງໜັກແໜ້ນ ແລະ ເພື່ອເສີມສ້າງກຳລັງກາຍໃຫ້ມີສຸຂະພາບເຂັ້ມແຂງ, ເຮັດສຳເລັດໜ້າທີ່ໃນທຸກເງື່ອນໄຂໃຫ້ຖືກຕ້ອງສອດຄ່ອງກັບໜ້າທີ່ການເມືອງຂອງຕົນ.
(ພາບ-ຂ່າວ: ຄຳຊາຍ ກວ່າງຄຸນສີ)
ຄໍາເຫັນ