ກອງພົນທີ 2 ເປີດຂະບວນການແຂ່ງຂັນກິລາການທະຫານ-ກິລາມວນຊົນ

ສະຫາຍ ພັນໂທ ສົມລົດ ວິລະວົງ ຫົວໜ້າພະແນກອົບຮົມ ຫ້ອງເສນາທິການກອງພົນທີ 2 ໄດ້ຜ່ານແຜນການເຄື່ອນໄຫວແຂ່ງຂັນກິລາການທະຫານ-ກິລາມວນຊົນ ເພື່ອຂໍ່ານັບຮັບຕ້ອນວັນຊາດທີ 2 ທັນວາ ຄົບຮອບ 50 ປີ ແລະ ວັນສ້າງຕັ້ງກອງທັບປະຊາຊົນລາວຄົບຮອບ 77 ປີ ໃຫ້ມີຂະບວນການຟົດຟື້ນ ແລະ ມີຄວາມເບີກບານມ່ວນຊື່ນ ແລະ ເພື່ອແນໃສ່ກວດກາຄວາມສາມາດ, ກຳລັງແຮງກາຍຂອງນາຍ ແລະ ພົນທະຫານ, ສ້າງຄວາມສາມັກຄີ ລະຫວ່າງອົງການ, ກົມກອງ, ບ້ານ, ໂຮງຮຽນ ອ້ອມຂ້າງກອງພົນ ເພື່ອແລກປ່ຽນບົດຮຽນເຊິ່ງກັນ ແລະ ກັນ ພ້ອມກັນພັດທະນາກິລາແຕ່ລະທີມໃຫ້ດີຂຶ້ນ ສໍາລັບກິລາທີ່ນໍາແຂ່ງຂັນໃນຄັ້ງນີ້ ປະກອບມີ: ກິລາມວນຊົນ 4 ປະເພດ ຄື: ເຕະບານ, ບານສົ່ງ, ກະຕໍ້ຫວາຍ, ເປຕັງ , ກິລາການທະຫານ 4 ປະເພດ ຄື: ແລ່ນມ້າງປະກອບອາວຸດ 400 ແມັດ, ແລ່ນຜ່ານສິ່ງກີດຂວາງ 4x50 ແມັດ, ກິລານັກຮົບແຂ່ງຂັນ, ກິລາ 3 ວິຊາການທະຫານສົມທົບ ແລ່ນ 3000 ແມັດ, ຈາກນັ້ນ ສະຫາຍ ພັນໂທ ວຽງແກ້ວ ວິວັນໄຊ ຫົວໜ້າພະແນກໂຄສະນາອົບຮົມ ຫ້ອງການເມືອງກອງພົນທີ 2 ໄດ້ຜ່ານເນື້ອໃນຂໍ້ແຂ່ງຂັນເພື່ອຂໍ່ານັບຮັບຕ້ອນວັນປະຫັວດສາດສຳຄັນຂອງຊາດ, ຂອງກອງທັບຕື່ມອີກ. ຂ່າວ: ອານຸສັກ ອຳພັນວິໄລ