 |
ສະຫາຍ ພັນຕີ ແສງແກ້ວ ຈັນທະວົງ ຫົວໜ້າພະແນກອົບຮົມສິລະປະກອນກອງທັບ ໄດ້ຜ່ານບົດສະຫຼຸບຫຍໍ້ ຜ່ານການຈັດຕັ້ງປະຕິບັດຝຶກອົບຮົມໃນໄລຍະ 2 ວັນຜ່ານມາ, ສາມາດສັງເກດຕີລາຄາຂໍ້ສະດວກ, ຂໍ້ຫຍຸ້ງ ຍາກ, ດ້ານດີ, ດ້ານອ່ອນ ແລະ ບົດຮຽນທີ່ຖອດຖອນໄດ້ ຊຶ່ງພະນັກງານ-ນັກຮົບຈຳນວນຫຼາຍທີ່ເຂົ້າຮ່ວມອົບຮົມ ແມ່ນຮັກສາໄດ້ທາງດ້ານຈຳນວນພົນ, ໂມງເວລາ, ຄວາມເປັນລະບຽບໂມງຂຶ້ນຫ້ອງຮຽນ, ໄດ້ແລກປ່ຽນບົດຮຽນຊຶ່ງກັນ ແລະ ກັນ. ສຳລັບຜູ້ບັນຍາຍເອກະສານ ກໍໄດ້ກະກຽມເນື້ອໃນບົດຮຽນ ຂອງແຕ່ລະບົດມາບັນລະຍາຍ ເຮັດໃຫ້ນັກຝຶກອົບຮົມມີຄວາມເຂົ້າໃຈຕໍ່ເອກະສານດັ່ງກ່າວ. ຜ່ານການຮໍ່າຮຽນຕົວຈິງ ສາມາດເຮັດໃຫ້ພະນັກງານ-ນັກຮົບທົ່ວກອງສິລະປະກອນກອງທັບມີຄວາມຮັບຮູ້, ເຂົ້າໃຈແຈ້ງ ຕໍ່ແນວທາງນະໂຍບາຍຂອງພັກ-ລັດຂຶ້ນອີກ ບາດກ້າວໜຶ່ງ, ມີແນວຄິດອຸ່ນອ່ຽນທຸ່ນທ່ຽງ ເພື່ອເຮັດໃຫ້ກົມກອງມີຄວາມສະຫົງບປອດໄພ, ເຮັດລ້ອນໜ້າທີ່ການເມືອງທີ່ການຈັດຕັ້ງຂັ້ນເທິງມອບໝາຍໃຫ້.
ໂອກາດນີ້, ສະຫາຍ ພັນເອກ ຈັນທີ ບຸດດາແກ້ວ ໄດ້ມີຄຳເຫັນໂອ້ລົມຫຼາຍບັນທີ່ສຳຄັນ ພ້ອມທັງເນັ້ນໜັກໃຫ້ຄະນະພັກ-ຄະນະບັນຊາ ສືບຕໍ່ເອົາໃຈໃສສຶກສາອົບຮົມການເມືອງ-ແນວຄິດໃຫ້ພະນັກງານ, ມີແນວຄິດການ ເມືອງໜັກແໜ້ນ, ເປັນແບບຢ່າງນຳໜ້າໃນການຊອກຮູ້ຮ່ຳຮຽນ, ເປັນແບບຢ່າງທີ່ດີໃນການປະຕິບັດລະບຽບວິໄນຂອງກອງທັບ ກໍຄື ຂອງກົມກອງຂອງຕົນຢ່າງເຂັ້ມງວດ, ນໍາເອົາບົດຮຽນຕ່າງໆ ທີ່ໄດ້ຮໍ່າຮຽນໄປຈັດຕັ້ງຜັນຂະ ຫຍາຍເຂົ້າໃນການປະຕິບັດໜ້າທີ່ການເມືອງຂອງຕົນ ໃຫ້ມີຄວາມເປັນເອກະພາບ ແລະ ມີປະສິດທິຜົນສູງສຸດ. ຂ່າວ: ອະວິໄຊ
ຄໍາເຫັນ