ເປັນຕົ້ນມາ ໄດ້ກາຍເປັນປະຫວັດສາດແຫ່ງການສ້າງຕັ້ງ ກອງທັບປະຊາຊົນລາວ, ມີທາດແທ້ມູນເຊື້ອອັນດີງາມ ຊຶ່ງໄດ້ກາຍເປັນກໍາລັງຫຼັກແຫຼ່ງໃນຂະບວນການຕໍ່ສູ້ປະຕິວັດຂອງປະຊາຊົນບັນດາເຜົ່າ, ຕ້ານຈັກກະພັດຜູ້ຮຸກຮານ ແລະ ໂຄ່ນລົ້ມລະບອບສັກດີນາປະຕິການສ້າງຕັ້ງລະບອບໃໝ່ຂຶ້ນແທນ ແລະ ສືບຕໍ່ປົກປັກຮັກສາ, ສ້າງສາພັດທະນາປະເທດຊາດໄວ້ໃຫ້ໝັ້ນຄົງ.
ກອງທັບປະຊາຊົນລາວແມ່ນພັກປະຊາຊົນປະຕິວັດລາວເປັນຜູ້ຈັດຕັ້ງ, ນໍາພາບັນຊາ ແລະ ສຶກສາອົບຮົມ, ແມ່ນກອງທັບທີ່ຢຶດໝັ້ນລັດທິມາກ-ເລນິນ, ເປັນກອງທັບຂອງປະຊາຊົນທີ່ມີຄວາມຈົງຮັກພັກດີ, ມີຄວາມຊື່ສັດບໍລິສຸດ, ມີລະບຽບວິໄນທີ່ເຂັ້ມງວດ ແລະ ເປັນເຄື່ອງມືອັນແຫຼມຄົມຂອງພັກກອງທັບປະຊາຊົນລາວ ຍ້ອນກອງທັບປະຊາຊົນລາວກໍາເນີດມາຈາກປະຊາຊົນ, ໂດຍປະຊາຊົນ ແລະ ຕໍ່ສູ້ເພື່ອສິດຜົນປະໂຫຍດຄວາມສົມບູນພູນສຸກຂອງປະຊາຊົນບັນດາເຜົ່າຢ່າງແທ້ຈິງ.
ສະນັ້ນ, ພວກເຮົາຈະພ້ອມກັນສືບຕໍ່ເສີມຂະຫຍາຍທາດແທ້, ມູນເຊື້ອອັນດີງາມຂອງກອງທັບ ເຂົ້າໃນການປະຕິບັດສອງໜ້າທີ່ຍຸດທະສາດໃນໄລຍະໃໝ່ ຄືປົກປັກຮັກສາ ແລະ ສ້າງສາພັດທະນາປະເທດ ແລະ ພ້ອມທັງຮໍ່າຮຽນເອົາແບບຢ່າງຄຸນງາມຄວາມດີຂອງບັນດາຜູ້ນໍາໃນຮຸ້ນກ່ອນເພື່ອມາໝູນໃຊ້ໃນການດໍາລົງເຂົ້າໃນຊີວິດປະຈໍາວັນ ແລະ ເຂົ້າໃນໜ້າທີ່ວຽກງານການເມືອງຂອງຕົນໃຫ້ໄດ້ຮັບຜົນສໍາເລັດ.
ຂ່າວ: ໄພນາລິນ
ຄໍາເຫັນ