ແລະ ວັນຄຽດແຄ້ນຂອງປະຊາຊົນລາວ-ວັນນັກຮົບເສຍອົງຄະ ແລະ ເສຍສະຫຼະຊີວິດເພື່ອປະເທດຊາດ ຄົບຮອບ 79 ປີ (21/3/1946-21/3/2025)ໃນວັນທີ 18 ມີນານີ້ທີ່ ກຊສ,ເປັນກຽດປາຖະກະຖາ ພ້ອມທັງ ເຜີຍແຜ່ເຊື່ອມຊຶມເອກະສານໂດຍ ສະຫາຍ ລາວປາວຊົ່ງ ນະວົງໄຊກຳມະການສູນກາງພັກຮອງເລຂາຄະນະພັກຮອງຫົວໜ້າຄະນະໂຄສະນາອົບຮົມສູນກາງພັກ, ໃຫ້ກຽດເຂົ້າຮ່ວມຮັບຟັງມີ ສະຫາຍ ນາງ ບຸນຄໍາ ວໍລະຈິດກໍາມະການສູນກາງພັກເລຂາຄະນະພັກລັດຖະມົນຕີ ກະຊວງຊັບພະຍາກອນທໍາມະຊາດ ແລະ ສິ່ງແວດລ້ອມ,ຄະນະປະຈໍາພັກ, ຄະນະພັກກະຊວງ, ຄະນະພັກຮາກຖານ, ຄະນະໜ່ວຍພັກຮາກຖານ, ຄະນະໜ່ວຍພັກທີ່ຂຶ້ນກັບຄະນະພັກຮາກຖານ ສະມາຊິກພັກ ແລະ ພະນັກງານ-ລັດຖະກອນ ພາຍໃນກະຊວງເຂົ້າຮ່ວມ.
ຈຸດປະສົງ ເພື່ອທົບທວນຄືນມູນເຊື້ອ ແລະ ໄຊຊະນະອັນຍິ່ງໃຫຍ່ ຂອງການປະຕິວັດພາຍໃຕ້ການນຳພາ-ຊີ້ນຳ ຂອງພັກປະຊາຊົນປະຕິວັດລາວ ຕະຫຼອດໄລຍະ 70 ປີຜ່ານມາ,ເພື່ອເປັນການໂຄສະນາສຶກສາອົບຮົມໃຫ້ພະນັກງານ, ສະມາຊິກພັກ ໄດ້ຮັບຮູ້, ເຂົ້າໃຈ ກ່ຽວກັບປະຫວັດສາດ ແລະ ມູນເຊື້ອການນຳພາຂອງພັກ ແລະ ເພື່ອເປັນການສັນລະເສີນຄຸນງາມຄວາມດີ, ຄວາມເສຍສະຫຼະອຸທິດເຫື່ອແຮງ, ສະຕິປັນຍາເຂົ້າໃນການຕໍ່ສູ້ກູ້ຊາດໃນສະໄໝສົງຄາມ ແລະ ເຫັນໄດ້ຜົນງານອັນໃຫຍ່ຫຼວງຂອງບັນດາບັນພະບູລຸດຜູ້ທີ່ເສຍສະຫຼະຊີວິດ, ເພື່ອປະຊາຊົນລາວ, ເພື່ອປະເທດຊາດ.
ໃນພິທີ, ສະຫາຍ ລາວປາວຊົ່ງ ນະວົງໄຊໄດ້ມີການເຜີຍແຜ່ເອກະສານວັນສ້າງຕັ້ງພັກປະຊາຊົນປະຕິວັດລາວ ໃຫ້ບັນດາຜູ້ທີ່ເຂົ້າຮ່ວມໄດ້ຮັບຮູ້ເຖິງມູນເຊື້ອປະຫວັດສາດ, ຫວນຄືນປະຫວັດແຫ່ງການກຳເນີດແລະ ເຕີບໃຫຍ່ຂະຫຍາຍຕົວຂອງພັກປະຊາຊົນປະຕິວັດລາວ ນັບແຕ່ມື້ສ້າງຕັ້ງຮອດປັດຈຸບັນ ຂະບວນວິວັດແຫ່ງການກຳເນີດຂອງພັກປະຊາຊົນປະຕິວັດລາວ 70 ປີ ແຫ່ງການຊີ້ນຳ-ນຳພາ ຂອງພັກປະຊາຊົນປະຕິວັດລາວ, ຕະຫຼອດໄລຍະ 70 ປີ ແຫ່ງການນຳພາຂອງພັກ ບໍ່ວ່າຈະເປັນໄລຍະຕໍ່ສູ້ກູ້ຊາດ, ນັບແຕ່ມື້ສ້າງຕັ້ງພັກໃນວັນທີ 22 ມີນາ1955 ເປັນຕົ້ນມາ ພັກເຮົາໄດ້ມີການນຳພາ-ຊີ້ນຳ ເດັດດ່ຽວ, ມີວິທະຍາສາດ ແລະ ມີຄວາມສະຫຼາດສ່ອງໃສ ອັນໄດ້ນຳພາປວງຊົນລາວບັນດາເຜົ່າຜູ້ຮັກຊາດ ຕໍ່ສູ້ກັບອິດທິກຳລັງປໍລະປັກທີ່ໂຫດຮ້າຍປ່າເຖື່ອນ,ແຕ່ດ້ວຍຄວາມສະຫຼາດສ່ອງໃສ ແລະ ຄວາມມີໄຫວພິບປະຕິພານຂອງພັກ ບວກກັບນ້ຳໃຈຮັກຊາດບໍ່ຍອມຈຳນົນຕໍ່ສັດຕູຜູ້ຮຸກຮານຂອງຄົນລາວ, ພັກປະຊາຊົນປະຕິວັດລາວ ໃນເມື່ອກ່ອນ ກໍຄືພັກປະຊາຊົນປະຕິວັດລາວ ໃນປັດຈຸບັນ ຈຶ່ງສາມາດນຳພາປວງຊົນລາວປົດປ່ອຍ ແລະ ປະກາດເອກະລາດ ແລະ ອະທິປະໄຕຂອງຕົນຂຶ້ນ ໃນວັນທີ 2 ທັນວາ 1975, ພາຍຫຼັງປົດປ່ອຍ ພັກເຮົາກໍໄດ້ນຳພາປວງຊົນລາວດຳເນີນການປົວແປງ ຮໍາບາດແຜສົງຄາມ ແລະ ປະຕິບັດສອງໜ້າທີ່ຍຸດທະສາດ ຄື: ປົກປັກຮັກສາ ແລະ ສ້າງສາພັດທະນາປະເທດຊາດ ໃຫ້ໝັ້ນຄົງ ແລະ ສີວິໄລ, ຕະຫຼອດ 70 ປີ ແຫ່ງການສ້າງຕັ້ງພັກປະຊາຊົນປະຕິວັດລາວ ແລະ 50 ປີ ແຫ່ງການສະຖາປະນາ ສປປ ລາວ ພັກເຮົາໄດ້ມີຜົນງານອັນຍິ່ງໃຫຍ່ ແລະ ມະຫາສານ ເປັນຕົ້ນ ດ້ານການເມືອງສາມາດປົກປັກຮັກສາເອກະລາດ ແລະ ຜືນແຜ່ນດິນອັນຄົບຖ້ວນ ໄວ້ຢ່າງໝັ້ນຄົງ ພັກໄດ້ນໍາພາການພັດທະນາເສດຖະກິດ ແລະ ສັງຄົມໃຫ້ມີການຂະຫຍາຍຕົວຢ່າງຕໍ່ເນື່ອງ ແລະ ໝັ້ນທ່ຽງ, ດ້ານວັດທະນະທຳ ໄດ້ມີການປົກປັກຮັກສາ ແລະ ເສີມຂະຫຍາຍ, ສປປ ລາວ ໃຫ້ມີບົດບາດ ແລະ ໃບໜ້າໃໝ່ ໃນເວທີສາກົນ ປະກອບສ່ວນໃນການພັດທະນາຢູ່ພາກພື້ນ ແລະ ໃນໂລກ..
ຈາກນັ້ນ,ໄດ້ຍົກໃຫ້ເຫັນບາງເນື້ອໃນສຳຄັນ ບັ້ນຮົບປ້ອງກັນເມືອງທ່າແຂກ ແມ່ນໜຶ່ງໃນບັ້ນຮົບຕໍ່ສູ້ທີ່ສຳຄັນທີ່ສຸດຢູ່ໃນລາວ, ບໍ່ພຽງແຕ່ເປັນວັນຄຽດແຄ້ນຂອງປະຊາຊົນລາວຕໍ່ພວກລ່າເມືອງຂຶ້ນແບບເກົ່າຜູ້ຮຸກຮານເທົ່ານັ້ນ ແຕ່ຍັງສະແດງເຖິງຄວາມສາມັກຄືຕໍ່ສູ້ດ້ວຍເລືອດເນື້ອ ລະຫວ່າງ ປະຊາຊົນສອງຊາດລາວ-ຫວຽດນາມ, ອ້າຍນ້ອງທີ່ເປັນແວ່ນແຍງອັນເຫຼື້ອມໃສຂອງນ້ຳໃຈສູ້ຮົບຢ່າງພິລາດອາດຫານ, ບໍ່ຍອມຈຳນົນຂອງກອງທັບ ແລະ ປະຊາຊົນເມືອງທ່າແຂກ ກໍຄືການບັນຊາທີ່ເດັດດ່ຽວໜຽວແໜ້ນຂອງຄະນະບັນຊາການກຳລັງປະກອບອາວຸດພວກເຮົານຳໂດຍ ປະທານສຸພານຸວົງ ເປັນຜູ້ບັນຊາການທີ່ກ້າແກ່ນ, ບັ້ນຮົບປ້ອງກັນເມືອງທ່າແຂກ ໄດ້ສະແດງໃຫ້ປະຊາຊົນລາວ ແລະ ຊາວໂລກເຫັນແຈ້ງເຖິງທາດແທ້, ຄວາມປ່າເຖື່ອນໂຫດຫ້ຽມໄຮ້ມະນຸດສະທຳຂອງພວກລ່າເມືອງຂຶ້ນທີ່ມີຕໍ່ປະຊາຊົນລາວ ໂດຍສະເພາະແມ່ນຕໍ່ປະຊາຊົນຊາວເມືອງທ່າແຂກ ຊຶ່ງໄດ້ກາຍເປັນກະແສຟອງໃຫ້ແກ່ຂະບວນການປະຕິວັດຊາດ ປະຊາທິປະໄຕຂອງພວກເຮົາກ້າວໄປສູ່ການປົດປ່ອຍຢ່າງສົມບູນທັງນີ້ກໍເພື່ອເຮັດໃຫ້ສະມາຊິກພັກ, ພະນັກງານ ໄດ້ຮັບຮູ້ ແລະ ເຂົ້າໃຈຕໍ່ການເຄື່ອນໄຫວຂອງພັກໃນແຕ່ລະໄລຍະບົນເສັ້ນທາງປະຕິວັດອັນສະຫຼາດສ່ອງໃສ, ຄວາມເສຍສະລະເລືອດເນື້ອເພື່ອການປະຕິວັດ,ຖືເອົາແບບແຜນຄຸນງາມຄວາມດີ, ຄວາມອົງອາດກ້າຫານຂອງພະນັກງານ ປະຕິວັດອາວຸໂສຮຸ່ນກ່ອນມາໝູນໃຊ້ເຂົ້າໃນໜ້າທີ່ວຽກງານຕົວຈິງໃຫ້ໄດ້ຮັບປະສິດທິພາບສູງ.
ໃນວາລະຕອນທ້າຍໄດ້ມີພິທີປະດັບຫຼຽນລະນຶກ 70 ປີ ວັນສ້າງຕັ້ງພັກ ແລະ ປະກາດພະນັກງານອອກພັກການ-ຮັບອຸດໜູນບໍານານ ຂອງ ກຊສ ໂດຍຜ່ານ ມະຕິຕົກລົງວ່າດ້ວຍປະດັບຫຼຽນລະນຶກ 70 ປີ ວັນສ້າງຕັ້ງພັກປະຊາຊົນປະຕິວັດລາວ ຈໍານວນ 2 ສະຫາຍ ຄື: 1) ສະຫາຍ ນາງ ບຸນຄໍາ ວໍລະຈິດ, 2) ສະຫາຍ ຄໍາແດງ ອ່ອນມະນີວົງ ຮອງເລຂາໜ່ວຍພັກ ທີ່ຂຶ້ນກັບຄະນະພັກຮາກຖານສະຖາບັນຄົ້ນຄວ້າຊັບພະຍາກອນທໍາມະຊາດ ແລະ ສິ່ງແວດລ້ອມ ແລະ ມະຕິຕົກລົງ ຂອງຄະນະເລຂາທິການສູນກາງພັກ ວ່າດ້ວຍການອະນຸມັດໃຫ້ພະນັກງານ ອອກພັກການ-ຮັບອຸດໜູນບຳນານ ພ້ອມດ້ວຍດຳລັດ ຂອງນາຍົກລັດຖະມົນຕີ ວ່າດ້ວຍການອະນຸມັດໃຫ້ພະນັກງານ ອອກພັກການ-ຮັບອຸດໜູນບຳນານຈຳນວນ 1 ສະຫາຍ ຄື: ສະຫາຍ ນາງ ບົວຄຳ ສຸລິວັນ ກຳມະການຄະນະພັກກະຊວງເລຂາຄະນະພັັກຮາກຖານກົມແຜນການ ແລະ ການເງິນ.
(ຂ່າວ: ກຊສ; ພາບ: ແສງຈັນ)
ຄໍາເຫັນ