ບຸກຄົນພາຍໃນວົງການຄາດຄະເນວ່າ: ຍິ່ງຊ່ອງແຄບຮໍມູຸສຖືກປິດດົນເທົ່າໃດ, ຍິ່ງຈະສ້າງຜົນກະທົບຕໍ່ເສດຖະກິດໂລກຫຼາຍເທົ່ານັ້ນ ແລະ ລາຄານ້ຳມັນຈະເພີ່ມສູງຂຶ້ນຢ່າງຕໍ່ເນື່ອງ. ຜູ້ບໍລິໂພກຊາວສະຫະລັດ ອາເມຣິກາ ມີຄວາມເຫັນໄປໃນແງ່ລົບຕໍ່ການພັດທະນາເສດຖະກິດໃນອະນາຄົດ. ຜົນການສຳຫຼວດທາງອອນລາຍທີ່ດຳເນີນໃນເດືອນມີນາຜ່ານມາສະແດງໃຫ້ເຫັນວ່າ: ມີຊາວສະຫະລັດ ອາເມຣິກາ 65% ເຫັນວ່າ: ເສດຖະກິດ ສະຫະລັດ ອາເມຣິກາ ຈະຊຸດໂຊມລົງໃນ 12 ເດືອນຂ້າງໜ້າ ຊຶ່ງເພີ່ມຂຶ້ນຈາກ 59% ໃນການສຳຫຼວດໃນເດືອນກຸມພາ.
EUກະກຽມມາດຕະການແກ້ໄຂຜົນກະທົບທີ່ເກີດຂຶ້ນຕໍ່ຕະຫຼາດພະລັງງານ
ຂ່າວຕ່າງປະເທດລາຍງານໃນທ້າຍເດືອນມີນາ ຜ່ານມາວ່າ: ທ່ານ ແດນ ຢໍເກັນເຊນ ຄະນະກໍາມາທິການພະລັງງານຂອງສະຫະພາບເອີຣົບ (EU) ໄດ້ກ່າວຫຼັງຈາກກອງປະຊຸມກັບບັນດາລັດຖະມົນຕີກະຊວງພະລັງງານຂອງEU ເພື່ອປຶກສາຫາລືກ່ຽວກັບການປະສານງານຮັບມືກັບສະຖານະການຄວາມຂໍ້ຂັດແຍ່ງໃນຕາເວັນອອກກາງທີ່ມີທ່າອ່ຽງຈະສົ່ງຜົນກະທົບຍາວນານຕໍ່ຕະຫຼາດພະລັງງານ, ເຖິງແມ່ນວ່າການຕໍ່ສູ້ຈະຢຸດລົງກໍຕາມ ເພາະວ່າພື້ນຖານໂຄງລ່າງພະລັງງານຂອງພາກພື້ນໄດ້ຮັບຄວາມເສຍຫາຍຢ່າງຮ້າຍແຮງ.
ຄໍາເຫັນ