ລັດຖະບານ ດໍາເນີນນະໂຍບາຍຫຼາຍດ້ານ ຮັກສາສະຖຽນລະພາບດ້ານເງິນຕາ

14:46 06/07/2026

ທ່ານ ສອນໄຊ ສີພັນດອນ ນາຍົກລັດຖະມົນຕີແຫ່ງ ສປປ ລາວ ໄດ້ຂຶ້ນລາຍງານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ, ແຜນງົບປະມານແຫ່ງລັດ ແລະ ແຜນເງິນຕາ ໃນໄລຍະ 6 ເດືອນຕົ້ນປີ 2026 ແລະ ທິດທາງແຜນການ 6 ເດືອນ ທ້າຍປີ 2026 ຕໍ່ກອງປະຊຸມສະໄໝວິສາມັນ ເທື່ອທີ 1 ຂອງສະພາແຫ່ງຊາດຊຸດທີ X ໃນວັນທີ 6 ກໍລະກົດນີ້, ທີ່ສະພາແຫ່ງຊາດ ພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ.

ທ່ານ ສອນໄຊ ສີພັນດອນ ກ່າວວ່າ: ການຮັກສາສະຖຽນລະພາບດ້ານເງິນຕາ 6 ເດືອນຕົ້ນປີ 2026, ລັດຖະບານໄດ້ດໍາເນີນນະໂຍບາຍຫຼາຍດ້ານ ເປັນຕົ້ນສືບຕໍ່ດໍາເນີນນະໂຍບາຍເງິນຕາແບບປະສົມປະສານ ໂດຍໄດ້ປັບຫຼຸດອັດຕາດອກເບ້ຍພື້ນຖານຂອງທະນາຄານແຫ່ງ ສປປ ລາວ (ທຫລ) ສະກຸນເງິນກີບຈາກລະດັບ 8.5% ຕໍ່ປີ ມາເປັນ 8% ຕໍ່ປີ, ສືບຕໍ່ອອກ ແລະ ຈຳໜ່າຍພັນທະບັດໄລຍະສັ້ນ, ສືບຕໍ່ປະຕິບັດນະໂຍບາຍອັດຕາແລກປ່ຽນຕາມກົນໄກຕະຫຼາດ ທີ່ມີການຄຸ້ມຄອງຂອງລັດ ດ້ວຍການປັບປຸງຖານອັດຕາແລກປ່ຽນອ້າງອີງ ແລະ ກຳນົດຂອບອັດຕາແລກປ່ຽນຂອງ ທທກ, ຊຸກຍູ້ຕະຫຼາດແລກປ່ຽນເງິນຕາຕ່າງປະເທດ (LFX) ໃຫ້ມີການເຄື່ອນໄຫວກວ້າງອອກ.
ຜ່ານການປະຕິບັດນະໂຍບາຍດັ່ງກ່າວ ໃນໄລຍະ 6 ເດືອນຕົ້ນປີ ມີຜົນໄດ້ຮັບດັ່ງນີ້: ຂະແໜງເງິນຕາມີ 3 ຕົວຊີ້ວັດ ທີ່ຮັບຮອງຈາກສະພາແຫ່ງຊາດ. ໃນນີ້, ມີ 2 ຕົວຊີ້ວັດຄາດວ່າຈະບັນລຸແຜນ (ປະລິມານເງິນ M2 ແລະ ຄັງສໍາຮອງເງິນຕາຕ່າງປະເທດ) ແລະ 1 ຕົວຊີ້ວັດຄາດວ່າມີຄວາມສ່ຽງຈະບໍ່ບັນລຸແຜນ (ອັດຕາເງິນເຟີ້) ມີລາຍລະອຽດຄື: ປະລິມານເງິນ M2 ຂະຫຍາຍຕົວຢູ່ໃນລະດັບ 15.92% ທຽບໄລຍະດຽວກັນຂອງປີຜ່ານມາ ແລະ ໝົດປີ 2026 ຄາດວ່າຂະຫຍາຍຕົວບໍ່ເກີນ 20% ທຽບໃສ່ໄລຍະດຽວກັນຂອງປີຜ່ານມາ; ຄັງສຳຮອງເງິນຕາຕ່າງປະເທດກຸ້ມການນໍາເຂົ້າ 5.17 ເດືອນ (ແຜນ: ຢ່າງໜ້ອຍ 5 ເດືອນ) ສາມາດຮັກສາຄວາມເຊື່ອໝັ້ນ ແລະ ຮອງຮັບການຊຳລະໜີ້ສິນຕ່າງປະເທດ, ອັດຕາສ່ວນໜີ້ບໍ່ເກີດດອກອອກຜົນ (NPLs) ຢູ່ໃນລະດັບ 0.98% (ຂໍ້ມູນເບື້ອງຕົ້ນ) (ແຜນ ບໍ່ໃຫ້ເກີນ 3% ຂອງຍອດສິນເຊື່ອທັງໝົດ). ອັດຕາເງິນເຟີ້ຮອດເດືອນມິຖຸນາ ຢູ່ໃນລະດັບ 7.4% ສະເລ່ຍ 6 ເດືອນຕົ້ນປີ ຢູ່ໃນລະດັບ 8% ຈາກ 7.7% ໃນປີ 2025 ຊຶ່ງໃນ 6 ເດືອນຕົ້ນປີ ໝວດລາຄາສິນຄ້າທີ່ເພີ່ມຂຶ້ນຫຼາຍກວ່າໝູ່ແມ່ນໃນໝວດທີ່ພັກອາໄສ, ໄຟຟ້າ, ນໍ້າປະປາ ແລະ ເຊື້ອເພີງຫຸງຕົ້ມ, ໝວດຮັກສາສຸຂະພາບ ແລະ ຢາ, ໝວດຄົມມະນາຄົມ ແລະ ຂົນສົ່ງ. ອີງໃສ່ຜົນກະທົບຈາກສະພາບສົງຄາມຢູ່ຕາເວັນອອກກາງ ຊຶ່ງກະທົບຕໍ່ລາຄານໍ້າມັນ ແລະ ລາຄາສິນຄ້າເພີ່ມຂຶ້ນ ໂດຍສະເພາະສະບຽງອາຫານ ແລະ ເຄື່ອງດື່ມທີ່ບໍ່ແມ່ນທາດເຫຼົ້າ ຄາດຄະເນອັດຕາເງິນເຟີ້ສະເລ່ຍໝົດປີ 2026 ຢູ່ໃນ ລະດັບ 6.4% - 6.6% (ແຜນການ: 5% (±2)).
ນອກຈາກນີ້, ຍັງມີຕົວຊີ້ວັດປິ່ນອ້ອມອື່ນໆ ເປັນຕົ້ນອັດຕາແລກປ່ຽນເຫັນວ່າດັດຊະນີເງິນກີບ ສະເລ່ຍ 6 ເດືອນຕົ້ນປີ 2026 ອ່ອນຄ່າ 3.09% ທຽບກັບ 6 ເດືອນຕົ້ນປີ 2025 ຈາກ 105.578 ມາເປັນ 102.300 ແລະ ເຄື່ອນເໜັງໃນຂອບ 101.371 ຫາ 106.285. ທຫລ ສາມາດເກັບລາຍຮັບຈາກການສົ່ງອອກສິນຄ້າ ແລະ ການບໍລິການໃນ 5 ເດືອນ 2026 ປະຕິບັດໄດ້ 73.73% ຂອງມູນຄ່າສົ່ງອອກ (ບໍ່ລວມຫົວໜ່ວຍທີ່ໄດ້ຮັບການຍົກເວັ້ນບາງມາດຕາຂອງກົດໝາຍ).
(ຂ່າວ: ວັນເພັງ, ພາບ: ຕຸໄລເພັດ)

ຄໍາເຫັນ

ຂ່າວເດັ່ນ

ຄະນະປະຈຳສະພາແຫ່ງຊາດ ສະເໜີ ໃຫ້ລັດຖະບານເອົາໃຈໃສ່ຫຼາຍບັນຫາ

06/07/2026 11:30

ທ່ານ ວິໄລວົງ ບຸດດາຄຳ ຮອງປະທານສະພາແຫ່ງຊາດ, ຕາງໜ້າຄະນະປະຈຳ ສະພາແຫ່ງຊາດ ໄດ້ປະກອບຄຳເຫັນຕໍ່ບົດລາຍງນຂອງລັດຖະບານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມແຫ່ງຊາດ, ແຜນງົບປະມານແຫ່ງລັດ, ແຜນເງິນຕາ 6 ເດືອນຕົ້ນປີ 2026 ແລະ ທິດທາງແຜນການ 6 ເດືອນທ້າຍປີ 2026, ໃນກອງປະຊຸມ ສະໄມວິສາມັນ ເທື່ອທີ I ຂອງສະພາແຫ່ງຊາດ ຊຸດທີ X, ໃນວັນທີ 6 ກໍລະກົດ, ທີ່ສະພາແຫ່ງຊາດ, ໂດຍການເປັນ ປະທານ ຂອງ ທ່ານ ໄຊສົມພອນ ພົມວິຫານ ປະທານ ສະພາແຫ່ງຊາດ.

6 ເດືອນ ຕົ້ນປີນີ້ ເສດຖະກິດ ສປປ ລາວ ຂະຫຍາຍຕົວຢູ່ໃນລະດັບ 5%

06/07/2026 11:03

ລັດຖະບານໄດ້ເອົາໃຈໃສ່ຊຸກຍູ້ ແລະ ສົ່ງເສີມພາກສ່ວນຕ່າງໆ ສຸມໃສ່ການຜະລິດ ແລະ ການບໍລິການຕາມທ່າແຮງຂອງຊາດ ແລະ ຂອງທ້ອງຖິ່ນ ຊຶ່ງໄດ້ເຮັດໃຫ້ເສດຖະກິດສືບຕໍ່ຂະຫຍາຍຕົວດີ ຊຶ່ງໃນໄລຍະ 6 ເດືອນຕົ້ນປີ 2026 ລວມຍອດຜະລິດຕະພັນພາຍໃນ (GDP) ຂະຫຍາຍຕົວ ສະເລ່ຍຢູ່ໃນລະດັບ 5%.

ກອງປະຊຸມສະໄໝວິສາມັນ ເທື່ອທີ I ຂອງສະພາແຫ່ງຊາດ ຊຸດທີ X ຈະພິຈາລະນາຫຼາຍບັນຫາ ສຳຄັນຂອງຊາດ

06/07/2026 10:40

ກອງປະຊຸມສະໄໝວິສາມັນ ເທື່ອທີ I ຂອງສະພາແຫ່ງຊາດ ຊຸດທີ X ໄດ້ເປີດຂຶ້ນຢ່າງເປັນທາງການໃນວັນທີ 6 ກໍລະກົດນີ້, ທີ່ສະພາແຫ່ງຊາດ, ພາຍໃຕ້ການເປັນ ປະທານຂອງ ທ່ານ ໄຊສົມພອນ ພົມວິຫານ ປະທານ ສະພາແຫ່ງຊາດ, ໂດຍໃຫ້ກຽດເຂົ້າຮ່ວມ ຂອງ ທ່ານ ທອງລຸນ ສີສຸລິດ ເລຂາທິການໃຫຍ່ ຄະນະບໍລີຫານງານສູນກາງພັກ, ປະທານປະເທດ ແຫ່ງ ສປປ ລາວ, ທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສປປ ລາວ, ມີບັນດາການນຳພັກ-ລັດ, ບັນດາສະມາຊິກສະພາແຫ່ງຊາດ ແລະ ພາກສ່ວນກ່ຽວຂ້ອງເຂົ້າຮ່ວມ.

ນາຍົກລັດຖະມົນຕີ ແຫ່ງ ສປປ ລາວ ພົບປະກັບ ປະທານາທິບໍດີ ແຫ່ງ ສສ ມຽນມາ

04/07/2026 12:10

ໃນຕອນບ່າຍຂອງວັນທີ 3 ກໍລະກົດ ນີ້ ທີ່ສໍານັກງານນາຍົກລັດຖະມົນຕີ, ພະນະທ່ານ ສອນໄຊ ສີພັນດອນ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ໄດ້ໃຫ້ການຕ້ອນຮັບ ແລະ ພົບປະກັບ ພະນະທ່ານ ມິນ ອອງ ລາຍ ປະທານາທິບໍດີ ແຫ່ງ ສາທາລະນະລັດ ສະຫະພາບ ມຽນມາ ພ້ອມດ້ວຍຄະນະຜູ້ແທນຂັ້ນສູງ ໃນໂອກາດເດີນທາງມາຢ້ຽມຢາມລັດຖະກິດ ຢູ່ ສປປ ລາວ ລະຫວ່າງ ວັນທີ 3-5 ກໍລະກົດ 2026. ໃນໂອກາດນີ້, ພະນະທ່ານ ນາຍົກລັດຖະມົນຕີ ໄດ້ສະແດງຄວາມຍິນດີຕ້ອນຮັບຢ່າງອົບອຸ່ນ ແລະ ຕີລາຄາສູງຕໍ່ການເດີນທາງມາຢ້ຽມຢາມລັດຖະກິດ ຂອງ ພະນະທ່ານ ມິນ ອອງ ລາຍ ພ້ອມດ້ວຍພັນລະຍາ ແລະ ຄະນະ ຊຶ່ງເປັນນິມິດໝາຍອັນດີງາມໃນການເສີມຂະຫຍາຍ ແລະ ເພີ່ມພູນຄູນສ້າງສາຍພົວພັນມິດຕະພາບອັນເປັນມູນເຊື້ອທີ່ຍາວນານ ແລະ ການຮ່ວມມືອັນໃກ້ຊິດຖານບ້ານໃກ້ເຮືອນຄຽງທີ່ດີ ລະຫວ່າງ ລາວ-ມຽນມາ ຕະຫຼອດໄລຍະຫຼາຍກວ່າ 7 ທົດສະວັດ ໃຫ້ໄດ້ຮັບການຮັດແໜ້ນຍິ່ງຂຶ້ນ. ພ້ອມດຽວກັນນີ້, ພະນະທ່ານ ນາຍົກລັດຖະມົນຕີ ກໍໄດ້ສະແດງຄວາມຊົມເຊີຍຕໍ່ຜົນສໍາເລັດຢ່າງຈົບງາມ ຂອງການພົບປະຢ່າງເປັນທາງການ ລະຫວ່າງ ພະນະທ່ານ ປະທານປະເທດ ທອງລຸນ ສີສຸລິດ ແລະ ພະນະທ່ານ ມິນ ອອງ ລາຍ ລວມທັງຜົນສໍາເລັດໃນການແລກປ່ຽນເອກະສານຮ່ວມມື ຈໍານວນ 2 ສະບັບ ໃນຕອນເຊົ້າມື້ນີ້.

ລາວ-ມຽນມາ ສືບຕໍ່ຮັດແໜ້ນການພົວພັນຮ່ວມມືສອງຝ່າຍ

03/07/2026 14:36

ໂດຍຕອບສະໜອງຕາມການເຊື້ອເຊີນຂອງ ພະນະທ່ານ ທອງລຸນ ສີສຸລິດ ປະທານປະເທດ ແຫ່ງສາທາລະນະລັດ ປະຊາທິປະໄຕ ປະຊາຊົນລາວ, ພະນະທ່ານ ມິນ ອອງ ລາຍ ປະທານາທິບໍດີ ແຫ່ງສາທາລະນະລັດ ສະຫະພາບ ມຽນມາ ພ້ອມດ້ວຍພັນລະຍາ ແລະ ຄະນະຜູ້ແທນຂັ້ນສູງ ໄດ້ເດີນທາງມາຢ້ຽມຢາມລັດຖະກິດຢູ່ ສາທາລະນະລັດ ປະຊາທິປະໄຕ ປະຊາຊົນລາວ ໃນລະຫວ່າງວັນທີ 3-5 ກໍລະກົດ2026 ເພື່ອເປັນການສະເຫຼີມສະຫຼອງວັນສ້າງຕັ້ງສາຍພົວພັນການທູດ ຄົບຮອບ 70 ປີ (12/7/1955-12/7/2025) ກໍຄືເພື່ອເສີມຂະຫຍາຍສາຍພົວພັນມິດຕະພາບອັນເປັນມູນເຊື້ອ ແລະ ການຮ່ວມມືອັນໃກ້ຊິດຖານປະເທດໃກ້ຄຽງທີ່ດີລະຫວ່າງສອງປະເທດໃຫ້ແໜ້ນແຟ້ນ ແລະ ແຕກດອກອອກຜົນຍິ່ງໆຂຶ້ນ.

ຜົນສຳເລັດກອງປະຊຸມວຽກງານກວດກາທົ່ວປະເທດ ຄັ້ງທີ V

03/07/2026 11:05

ພາຍຫຼັງດຳເນີນມາເປັນເວລາ 2 ວັນເຕັມ ກອງປະຊຸມວຽກງານກວດກາທົ່ວປະເທດຄັ້ງທີ V ພາຍໃຕ້ຄໍາຂວັນ “ເພີ່ມທະວີວຽກງານຕິດຕາມ, ກວດກາ ໃຫ້ເຂັ້ມງວດຮອບດ້ານ, ຕ້ານ ແລະ ແກ້ໄຂ ການສໍ້ລາດບັງຫຼວງເດັດຂາດ, ໂປ່ງໃສ ແລະ ທັນສະໄໝ ເພື່ອການພັດທະນາປະເທດຊາດ ທີ່ຍືນຍົງ” ໄດ້ປິດລົງດ້ວຍຜົນສຳເລັດຢ່າງຈົບງາມໃນວັນທີ 2 ກໍລະກົດ ນີ້, ໃຫ້ກຽດເຂົ້າຮ່ວມໂດຍສະຫາຍ ທອງລຸນ ສີສຸລິດ ເລຂາທິການໃຫຍ່ຄະນະບໍລິຫານງານສູນກາງພັກ ປະທານປະເທດແຫ່ງ ສປປ ລາວ, ມີບັນດາສະຫາຍກໍາມະການກົມການເມືອງສູນກາງພັກ, ຄະນະເລຂາທິການສູນກາງພັກ, ບັນດາສະຫາຍກຳມະການສົມບູນ ແລະ ສຳຮອງສູນກາງພັກ, ບັນດາສະຫາຍຮອງປະທານຄະນະກວດກາສູນກາງພັກ-ອົງການກວດກາແຫ່ງລັດ, ຮອງລັດຖະມົນຕີ, ປະທານກຳມະການປົກຄອງນະຄອນຫຼວງ-ແຂວງ, ບັນດາສະຫາຍປະທານ, ຮອງປະທານຄະນະກວດກາພັກຈາກບັນດາກະຊວງ-ອົງການ ແລະ ນະຄອນຫຼວງ-ແຂວງ, ພະນັກງານອາວຸໂສບຳນານ, ພະນັກງານ-ລັດຖະກອນທົ່ວຄະນະກວດກາສູນກາງພັກ ແລະ ອົງການກວດກາແຫ່ງລັດເຂົ້າຮ່ວມ.

ກອງປະຊຸມຮ່ວມ ຄະນະລັດຖະບານ ແລະ ຄະນະປະຈຳສະພາແຫ່ງຊາດ ຄັ້ງທີ I ປີ 2026

02/07/2026 13:21

ໂດຍປະຕິບັດຕາມແຜນດໍາເນີນງານຮ່ວມ ກໍຄື ປະຕິບັດກົນໄກການປະສານງານ ແລະ ການປຶກສາຫາລືຮ່ວມ ລະຫວ່າງ ລັດຖະບານ ແລະ ສະພາແຫ່ງຊາດ ທີ່ດຳເນີນມາເປັນປົກກະຕິ, ໃນວັນທີ 02 ກໍລະກົດ 2026 ທີ່ ສໍານັກງານນາຍົກລັດຖະມົນຕີ ໄດ້ດໍາເນີນກອງປະຊຸມຮ່ວມ ລະຫວ່າງ ຄະນະລັດຖະບານ ແລະ ຄະນະປະຈຳສະພາແຫ່ງຊາດ ຄັ້ງທີ I ປະຈໍາປີ 2026 ພາຍໃຕ້ການເປັນປະທານຮ່ວມ ຂອງທ່ານ ສອນໄຊ ສີພັນດອນ ນາຍົກລັດຖະມົນຕີ ແລະ ທ່ານ ໄຊສົມພອນ ພົມວິຫານ ປະທານຄະນະປະຈຳສະພາແຫ່ງຊາດ; ມີບັນດາທ່ານ ຮອງນາຍົກລັດຖະມົນຕີ, ຮອງປະທານ ຄະນະປະຈໍາສະພາແຫ່ງຊາດ, ສະມາຊິກລັດຖະບານ, ກໍາມະການຄະນະປະຈຳສະພາແຫ່ງຊາດ, ປະທານ-ຮອງປະທານກຳມາທິການສະພາແຫ່ງຊາດ ແລະ ຜູ້ຕາງໜ້າພາກສ່ວນກ່ຽວຂ້ອງເຂົ້າຮ່ວມ.

ປະທານປະເທດ ຕ້ອນຮັບບັນດາທູດແຕ່ງຕັ້ງປະເທດເພື່ອນມິດ ເຂົ້າຍື່ນສານຕາຕັ້ງ

27/06/2026 07:46

ໃນຕອນເຊົ້າຂອງວັນທີ 26 ມິຖຸນານີ້ ທີ່ ທໍານຽບປະທານປະເທດ, ພະນະທ່ານ ທອງລຸນ ສີສຸລິດ ປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຍື່ນສານຕາຕັ້ງຂອງບັນດາທູດແຕ່ງຕັ້ງຕ່າງປະເທດ ຈາກ 3 ປະເທດ ເພື່ອດໍາລົງຕໍາແໜ່ງເປັນ ເອກອັກຄະລັດຖະທູດວິສາມັນຜູ້ມີອໍານາດເຕັມ ປະຈໍາ ສປປ ລາວ ຊຶ່ງມີລາຍລະອຽດດັ່ງນີ້:

ນາຍົກລັດຖະມົນຕີຕ້ອນຮັບປະທານອົງການກວດສອບແຫ່ງລັດ ສສ ຫວຽດນາມ

27/06/2026 07:42

ໃນວັນທີ 25 ມິຖຸນາ ນີ້ ທີ່ຫໍປະຊຸມແຫ່ງຊາດ, ທ່ານ ສອນໄຊ ສີພັນດອນ ນາຍົກລັດຖະມົນຕີໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບຂອງທ່ານ ຫງວຽນຫືເງຍ ປະທານອົງການກວດສອບແຫ່ງລັດ ສສ ຫວຽດນາມ ພ້ອມດ້ວຍຄະນະໃນໂອກາດເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ.

ສານຂອງທ່ານ ສອນໄຊ ສີພັນດອນ ນາຍົກລັດຖະມົນຕີ ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 39 ປີ

27/06/2026 07:40

- ພີ່ນ້ອງຮ່ວມຊາດ ທີ່ນັບຖື ແລະ ຮັກແພງ! ເນື່ອງໃນໂອກາດ ວັນສາກົນຕ້ານຢາເສບຕິດ ຄົບຮອບ 39 ປີ (26 ມິຖຸນາ 1987 - 26 ມິຖຸນາ 2026) ໃນນາມຕາງໜ້າໃຫ້ພັກ ແລະ ລັດຖະບານ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ແລະ ໃນນາມສ່ວນຕົວ, ຂ້າພະເຈົ້າ ຂໍນໍາເອົາຄວາມຢ້ຽມຢາມຖາມຂ່າວອັນອົບອຸ່ນ, ຄວາມສາມັກຄີຮັກແພງ ອັນສະໜິດສະໜົມ ມາຍັງພໍ່ແມ່ປະຊາຊົນ, ເພື່ອນມິດສະຫາຍ, ນາຍ ແລະ ພົນທະຫານ, ນາຍ ແລະ ພົນຕໍາຫຼວດ ແລະ ພະນັກງານລັດຖະກອນ ໃນຂອບເຂດທົ່ວປະເທດ, ຖືໂອກາດນີ້ ເພື່ອເປັນການຢືນຢັນຄືນ ເຖິງມານະຈິດທາງການເມືອງ ແລະ ຄວາມໝາຍໝັ້ນອັນແຮງກ້າ ຂອງວົງຄະນະຍາດສາກົນ ໃນການຮ່ວມມືກັນ ປະກອບສ່ວນ ເຂົ້າໃນຂະບວນການປ້ອງກັນ, ກວດກາ, ຄວບຄຸມ, ສະກັດກັ້ນ ແລະ ຕ້ານຢາເສບຕິດ ທັງຍັງເປັນໂອກາດອັນດີ ທີ່ພວກເຮົາຈະໄດ້ພ້ອມກັນກວດກາທົບທວນ ແລະ ສັງເກດຕີລາຄາຄືນ ກ່ຽວກັບຜົນສໍາເລັດ ແລະ ບັນຫາຂໍ້ຄົງຄ້າງ ໂດຍສະເພາະແມ່ນການຈັດຕັ້ງປະຕິບັດວາລະແຫ່ງຊາດ ວ່າດ້ວຍການແກ້ໄຂບັນຫາຢາເສບຕິດ ໃນປີ 2021-2025 ຜ່ານມາ ຊຶ່ງໄດ້ຮັບໝາກຜົນສໍາເລັດອັນຈົບງາມ.

ເພີ່ມເຕີມ