(ທ່າເຮືອຫວຸ້ງອ່າງ 1,2,3 ແຂວງຮ່າຕິ້ງ ສສ ຫວຽດນາມ) ໄດ້ຈັດຂຶ້ນເມື່ອວັນທີ 23 ສິງຫາຜ່ານມາໂດຍການຮ່ວມລົງນາມຂອງ ທ່ານ ພູວົງ ກິດຕະວົງ ຮອງລັດຖະມົນຕີກະຊວງການເງິນ ແລະ ທ່ານ ພົ.ວ ອຸລາຫາ ທອງວັນທາ ຜູ້ອໍານວຍການລັດວິສາຫະກິດ ລາວ-ເອເຊຍ ໂທລະຄົມ, ມີຜູ້ຕາງໜ້າຈາກກະຊວງໂຍທາທິການ ແລະ ຂົນສົ່ງ; ກະຊວງປ້ອງກັນປະເທດແລະ ພາກສ່ວນທີ່ກ່ຽວຂ້ອງເຂົ້າຮ່ວມ.
ທ່ານ ໄພທູນ ທ່ຽງລະໄມ ວ່າການແທນຫົວໜ້າກົມປະຕິຮູບ ແລະ ການປະກັນໄພ ກະຊວງການເງິນ ໃຫ້ຮູ້ວ່າ: ໃນໄລຍະຜ່ານມາ, ລັດຖະບານລາວ ກໍຄືກະຊວງການເງິນ ໄດ້ອອກຂໍ້ຕົກລົງ ວ່າດ້ວຍການອະນຸຍາດສ້າງຕັ້ງ ບໍລິສັດປະສົມ ລາວພັດທະນາທ່າເຮືອຫວຸ້ງອ່າງ ຈໍາກັດ ສະບັບ ເລກທີ 0643/ກງ, ລົງວັນທີ 6 ເມສາ 2010 ໂດຍປະກອບມີຜູ້ຖືຮຸ້ນຫຼາຍພາກສ່ວນ ທັງພາກລັດ ແລະ ເອກະຊົນ. ມາຮອດປີ 2015 ລັດຖະບານ ໄດ້ຕົກລົງຫັນກໍາມະສິດ ບໍລິສັດປະສົມ ລາວພັດທະນາທ່າເຮືອຫວຸ້ງອ່າງ ຈໍາກັດ ໄປຂຶ້ນກັບ (ເປັນບໍລິສັດລູກ) ລັດວິສາຫະກິດ ລາວບໍລິການສິນຄ້າຜ່ານແດນ ແລະ ປ່ຽນຊື່ມາເປັນ ລັດວິສາຫະກິດ ລາວບໍລິການທ່າເຮືອຫວຸງອ່າງຊຶ່ງກະຊວງການເງິນຖືຮຸ້ນແຕ່ພຽງຜູ້ດຽວ ເປັນຜູ້ຕາງໜ້າລັດຖະບານລາວ ຖືຮຸ້ນ 20% ໃນບໍລິສັດ ຮຸ້ນສ່ວນທ່າເຮືອຫວຸ້ງອ່າງ ລາວ-ຫວຽດ (VLP). ມາຮອດປີ 2019 ລັດຖະບານໄດ້ຕົກລົງສ້າງຕັ້ງລັດວິສາຫະກິດໃໝ່ເພື່ອມາແທນລັດວິສາຫະກິດ ລາວບໍລິການທ່າເຮືອຫວຸງອ່າງ ຄື: ລັດວິສາຫະກິດ ພັດທະນາທ່າເຮືອຫວຸ້ງອ່າງ ລາວ-ຫວຽດນາມ (ຢູ່ ສປປ ລາວ), ຊຶ່ງເປັນການຮ່ວມທຶນ ລະຫວ່າງ ກະຊວງການເງິນ ແລະ ບໍລິສັດ ປີໂຕຣເທຣດ ລາວມະຫາຊົນ ເພື່ອເປັນການຮອງຮັບໃຫ້ແກ່ການຈັດຕັ້ງປະຕິບັດ ອະນຸສັນຍາ ລະຫວ່າງ ລັດຖະບານແຫ່ງ ສປປ ລາວ ແລະ ລັດຖະບານແຫ່ງ ສສ ຫວຽດນາມ ວ່າດ້ວຍ ການຮ່ວມມືລົງທຶນພັດທະນາທ່າທຽບເຮືອ 1, 2 ແລະ 3 ຂອງທ່າເຮືອຫວຸ້ງອ່າງ, ໂດຍຝ່າຍຫວຽດນາມຕົກລົງເຫັນດີທີ່ຈະເພີ່ມສັດສ່ວນການຖືຮຸ້ນ ຈາກ 20% ຂຶ້ນເປັນ 60% ໃຫ້ຝ່າຍລາວ.
ມາຮອດ ປີ 2023, ລັດຖະບານໄດ້ມີທິດຊີ້ນໍາໃຫ້ກະຊວງການເງິນສ້າງຕັ້ງວິສາຫະກິດຂອງລັດ 100% ແທນທີ່ ລັດວິສາຫະກິດ ພັດທະນາທ່າເຮືອຫວຸ້ງອ່າງ ລາວ-ຫວຽດນາມ ໂດຍໃຫ້ພິຈາລະນາເອົາບໍລິສັດລັດ ທີ່ມີທ່າແຮງ, ມີຄວາມພ້ອມທາງດ້ານທຶນຮອນ, ເຕັກນິກວິຊາການ ເພື່ອໄປຮ່ວມຈັດຕັ້ງປະຕິບັດກັບຝ່າຍຫວຽດນາມ, ພ້ອມນີ້ ກໍໄດ້ມີແຈ້ງການໃຫ້ຍຸບເລີກລັດວິສາຫະກິດ ພັດທະນາທ່າເຮືອຫວຸ້ງອ່າງ ລາວ-ຫວຽດນາມ ສະບັບເລກທີ 2014/ຫສນຍ, ລົງວັນທີ 19 ຕຸລາ 2020. ບັນດາ ແຈ້ງການດັ່ງກ່າວ ແມ່ນປະຕິບັດຕາມທິດຊີ້ນໍາຕໍ່ກັບການຈັດຕັ້ງຜັນຂະຫຍາຍຜົນຂອງກອງປະຊຸມ ຄັ້ງທີ 45 ຂອງຄະນະກໍາມະການຮ່ວມມືທະວີພາຄີ ລະຫວ່າງ ສອງລັດຖະບານ ລາວ ແລະ ຫວຽດນາມ ກໍຄື ແຜນຮ່ວມມື ລາວ-ຫວຽດນາມ ປະຈໍາປີ 2020.
ໃນການສ້າງຕັ້ງລັດວິສາຫະກິດ 100% ທີ່ຈະສືບຕໍ່ເຂົ້າຮ່ວມກັບຝ່າຍຫວຽດນາມໃນການພັດທະນາທ່າເຮືອຫວຸ້ງອ່າງ 1, 2 ແລະ 3 ໂດຍການເພີ່ມຮຸ້ນຈາກ 20% ຂຶ້ນເປັນ 60% ໃຫ້ຝ່າຍລາວ ນັ້ນ, ລັດຖະບານໄດ້ມີແຈ້ງການສະບັບເລກທີ 312/ຫສນຍ, ລົງວັນທີ 13 ກຸມພາ 2024 ໂດຍການເຫັນດີໃຫ້ເອົາ ລັດວິສາຫະກິດ ລາວ-ເອເຊຍ ໂທລະຄົມ ຕາມການຄົ້ນຄວ້າຂອງກະຊວງການເງິນ ສົມທົບກັບພາກສ່ວນກ່ຽວຂ້ອງ ທີ່ເຫັນວ່າມີສັກກະຍະພາບ ແລະ ຄວາມພ້ອມທາງດ້ານທຶນຮອນ, ປະສົບການ, ບຸກຄະລາກອນ ຊຶ່ງເປັນວິສາຫະກິດຂອງລັດ 100%.
ຂ່າວ-ພາບ: ກະຊວງການເງິນ
ຄໍາເຫັນ