 |
ໂອກາດນີ້, ສະຫາຍ ເລຂາພັກແຂວງສະຫວັນນະເຂດ ໄດ້ໃຫ້ກຽດກ່າວມີຄຳເຫັນຕໍ່ກອງປະຊຸມ ພ້ອມທັງເຜີຍແຜ່ຄໍາສັ່ງຂອງຄະນະເລຂາທິການສູນກາງພັກ ເລກທີ 11/ຄລສພ, ລົງວັນທີ 7 ພຶດສະພາ 2026 ວ່າດ້ວຍເພີ່ມທະວີການຊີ້ນໍາຂອງຄະນະພັກຕໍ່ວຽກງານແຮ່ທາດ, ການຄຸ້ມຄອງ ແລະການແກ້ໄຂບັນຫາຫຍໍ້ທໍ້ດ້ານຊັບພະຍາກອນ ທຳມະຊາດ. ທັງນີ້ກໍເພື່ອສ້າງຄວາມເປັນເອກະພາບ ແລະຍົກສູງຄວາມຮັບຜິດຊອບຂອງຄະນະພັກແຕ່ລະຂັ້ນໃນການນຳພາ-ຊີ້ນຳແກ້ໄຂສະພາບການດັ່ງກ່າວ ກໍຄືການຈັດຕັ້ງປະຕິບັດວຽກງານຄຸ້ມຄອງຊັບພະຍາກອນທຳມະຊາດໃຫ້ມີປະສິດທິຜົນ, ມີຄວາມເດັດຂາດ, ເຂັ້ມງວດ ແລະ ມີການຫັນປ່ຽນຢ່າງຕັ້ງໜ້າ, ເຊິ່ງເປັນການສະແດງເຈດຈຳນົງອັນເດັດຂາດຂອງຄະນະພັກແຂວງໃນການປົກປັກຮັກສາຊັບພະຍາກອນທຳມະຊາດ ແລະ ຮັກສາຄວາມສະຫງົບເປັນລະບຽບຮຽບຮ້ອຍພາຍໃນທ້ອງຖິ່ນ.
ວາລະຕໍ່ມາ, ສະຫາຍ ຄຳຜຸຍ ສີບຸນເຮືອງ ຮອງປະທານປົກຄອງແຂວງ ທັງເປັນຫົວໜ້າຄະນະກຳມະການ 956/ຄປຂ ໄດ້ເຜີຍແຜ່-ຈັດຕັ້ງຜັນຂະຫຍາຍຄໍາສັ່ງຂອງຄະນະ ປະຈຳພັກແຂວງ ສະບັບເລກທີ 419/ຄປພຂ, ລົງວັນ ທີ 15 ພຶດສະພາ 2026 ວ່າດ້ວຍການເພີ່ມທະວີວຽກງານສະກັດກັ້ນ ແລະ ແກ້ໄຂປະກົດກັນຫຍໍ້ທໍ້ໃນສັງຄົມທົ່ວແຂວງສະຫວັນນະເຂດ, ຈາກນັ້ນ ໃນກອງປະຊຸມ ຍັງໄດ້ຜ່ານຂໍ້ຕົກລົງຄະນະກຳມະການປົກຄອງແຂວງ ເລກທີ 956/ຄປຂ, ລົງວັນທີ 15 ພຶດສະພາ 2026, ວ່າດ້ວຍການແຕ່ງຕັ້ງຄະນະກຳມະການຕິດຕາມ, ກວດກາ ແລະ ສະກັດກັ້ນການລັກລອບຂຸດຄົ້ນຊັບພະຍາກອນທຳມະຊາດ (ແຮ່ທາດ ແລະ ໄມ້) ຂັ້ນແຂວງ, ເຜີຍແຜ່ມະຕິຕົກລົງຂອງຄະນະປະຈຳພັກແຂວງ ເລກທີ 383/ຄປພຂ, ລົງວັນທີ 20 ເມສາ 2026 ວ່າດ້ວຍການແຕ່ງຕັ້ງຄະນະຊີ້ນໍາວຽກງານກໍ່ສ້າງຮາກຖານການເມືອງ, ວຽກພັດທະນາຊົນນະບົດ-ແກ້ໄຂຄວາມທຸກຍາກ ແລະ ວຽກງານ 3 ສ້າງ, ເຜີຍແຜ່ຄໍາສັ່ງຂອງທ່ານນາຍົກລົດຖະມົນຕີ ເລກທີ 15/ນຍ ລົງວັນທີ 13 ພຶດສະພາ 2016 ວ່າດ້ວຍການເພີ່ມທະວີຄວາມເຂັ້ມງວດ ໃນການຄຸ້ມຄອງ ແລະ ກວດກາ, ການຂຸດຄົ້ນໄມ້, ການເຄື່ອນຍ້າຍໄມ້ ແລະ ທຸລະກິດໄມ້, ເຜີຍແຜ່ຄໍາສັ່ງຂອງທ່ານນາຍົກລັດຖະມົນຕີ ເລກທີ 11/ນຍ, ລົງວັນທີ 21 ກໍລະກົດ 2023 ວ່າດ້ວຍການເພີ່ມທະວີຄວາມເຂັ້ມງວດໃນການຄຸ້ມຄອງປົກປັກຮັກສາ, ພັດທະນາ ນໍາໃຊ້ປ່າໄມ້ ແລະ ສະກັດກັ້ນການບຸກລຸກທໍາລາຍປ່າໄມ້, ເຜີຍແຜ່ຄໍາສັ່ງຂອງທ່ານນາຍົກລັດຖະມົນຕີ ເລກທີ 46/ນຍ, ລົງວັນທີ 13 ເມສາ 2026 ວ່າດ້ວຍການຕ້ານ ແລະ ສະກັດກັ້ນການລັກລອບຂຸດຄົ້ນ, ປຸງແຕ່ງ, ເກັບຊື້-ຂາຍ, ນໍາເຂົ້າ-ສົ່ງອອກແຮ່ທາດ ແລະ ຜະລິດຕະພັນແຮ່ທາດຕ່າງໆ ທີ່ບໍ່ຖືກຕ້ອງຕາມກົດໝາຍ ແລະລະບຽບການໃນຂອບເຂດທົ່ວປະເທດ, ເຜີຍແຜ່ຄໍາແນະນໍາຂອງກະຊວງການເງິນ ເລກທີ 1555/ກງ, ວ່າດ້ວຍການກວດກາຄຸນະພາບແຮ່ທາດ ກ່ອນການສົ່ງອອກຢູ່ປາຍທາງ, ພ້ອມທັງໄດ້ມີການເຜີຍແຜ່ບາງເນື້ອໃນຂອງກົດໝາຍ ວ່າດ້ວຍການຕ້ານການສໍ້ລາດບັງຫຼວງນຳອີກ.
ພ້ອມດຽວກັນນີ້, ບັນດາທ່ານທີ່ເຂົ້າຮ່ວມໃນກອງປະຊຸມ ຍັງໄດ້ມີການສົນທະນາ, ແລກປ່ຽນບົດຮຽນຮ່ວມກັນກ່ຽວກັບການຈັດຕັ້ງຂະຫຍາຍບັນດາຄຳສັ່ງ, ແຈ້ງການ ແລະນິຕິກຳດັ່ງກ່າວ ເພື່ອໃຫ້ມີປະສິດທິພາບປະສິດທິຜົນສູງ.
 |
ໂອກາດນີ້, ສະຫາຍເລຂາພັກແຂວງ ຍັງໄດ້ຮຽກຮ້ອງ ແລະເນັ້ນໃຫ້ຄະນະພັກ-ຄະນະນໍາທຸກຂັ້ນ ຈົ່ງເພີ່ມທະວີຄວາມຮັບຜິດຊອບໜ້າທີ່ການເມືອງຂອງຕົນ, ຫັນເອົາເນື້ອໃນຄໍາສັ່ງເຫຼົ່ານີ້ໄປຈັດຕັ້ງຜັນຂະຫຍາຍເປັນແຜນງານ, ໂຄງການ ພ້ອມທັງເພີ່ມທະວີການກວດກາ, ສະກັດກັ້ນ ແລແກ້ໄຂທຸກພຶດຕິກໍາທີ່ລະເມີດກົດໝາຍຢ່າງເດັດຂາດ ແລະ ເຂັ້ມງວດ.
ຂ່າວ: ສະຫວັນນະເຂດ
ຄໍາເຫັນ