ເອກອັກຄະລັດຖະທູດວິສາມັນຜູ້ມີອໍານາດເຕັມ ແຫ່ງ ສາທາລະນະລັດ ອາແຊັກໄບຊານ ປະຈໍາ ສປປ ລາວຊຶ່ງມີສໍານັກງານການທູດຕັ້ງຢູ່ ນະຄອນຫຼວງຮ່າໂນ້ຍສສ ຫວຽດນາມ.
ໃນໂອກາດນີ້, ທ່ານ ທອງສະຫວັນ ພົມວິຫານ ໄດ້ສະແດງຄວາມຍິນດີຕ້ອນຮັບ ທ່ານໂຊບກິ ເມດິຊາດາ ແລະ ໄດ້ສະແດງຄວາມຊົມເຊີຍຕໍ່ຜົນສໍາເລັດຂອງ ອາແຊັກໄບຊານ ໃນການເປັນເຈົ້າພາບຈັດກອງປະຊຸມບັນດາລັດພາຄີ ສົນທິສັນຍາ ສປຊ ວ່າດ້ວຍການປ່ຽນແປງດິນຟ້າອາກາດ ຄັ້ງທີ 29 (COP29)ທີ ນະຄອນຫຼວງບາກູສອາແຊກໄບຊານ ໃນເດືອນພະຈິກ 2024 ຜ່ານມາ, ຂະນະດຽວກັນ ທ່ານໂຊບກິ ເມດິຊາດາ ກໍໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນໃນຄັ້ງນີ້. ພ້ອມກັນນີ້, ສອງຝ່າຍໄດ້ຕີລາຄາສູງການພົວພັນຮ່ວມມືຂອງສອງປະເທດ ລາວ-ອາແຊັກໄບຊານ ທີ່ມີການພົວພັນທີ່ເປັນມູນເຊື້ອມາແຕ່ດົນນານຊຶ່ງປີນີ້ກໍແມ່ນປີທີ່ມີຄວາມໝາຍສໍາຄັນທີ່ສອງຝ່າຍຈະຮ່ວມກັນສະເຫຼີມສະຫຼອງ 30 ປີ (20/5/1995-20/5/2025) ແຫ່ງການສ້າງຕັ້ງສາຍພົວພັນການທູດນໍາກັນ, ສອງຝ່າຍໄດ້ມີການແລກການຢ້ຽມຢາມຊຶ່ງກັນ ແລະ ກັນ ກໍຄືການພົບປະກັນໃນໂອກາດເຂົ້າຮ່ວມກອງປະຊຸມສາກົນຕ່າງໆ, ໂດຍສະເພາະແມ່ນການພົບປະລະຫວ່າງ ພະນະທ່ານ ປະທານປະເທດລາວ ແລະ ພະນະທ່ານ ປະທານາທິບໍດີ ອາແຊັກໄບຊານ ໃນໂອກາດເຂົ້າຮ່ວມກອງປະຊຸມສຸດຍອດ BRICSທີ່ ຣັດເຊຍ ໃນເດືອນຕຸລາ 2024 ຜ່ານມາ. ສອງຝ່າຍ ເຫັນດີເປັນເອກະພາບໃນການສືບຕໍ່ຮັດແໜ້ນການພົວພັນຮ່ວມມື ລະຫວ່າງ ສອງປະເທດໂດຍສະເພາະການແລກປ່ຽນການຢ້ຽມຢາມຂອງ ການນຳຂັ້ນສູງ ແລະ ການຂະຫຍາຍການຮ່ວມມືດ້ານເສດຖະກິດ-ການຄ້າ ແລະ ອື່ນໆໃນຕໍ່ໜ້າ. ພ້ອມດຽວກັນກໍມີການປຶກສາຫາລື ກ່ຽວກັບ ການພົບປະ ແລະ ການຢ້ຽມຢາມຊຶ່ງກັນ ແລະ ກັນຂອງ ສອງຝ່າຍ.
ໃນຕອນບ່າຍຂອງວັນດຽວກັນ, ທ່ານທອງສະຫວັນ ພົມວິຫານ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ນາງ ແຮັດເຕີ ວາເຣຍອາວາ (Heather Variava)ເອກອັກຄະລັດຖະທູດ ແຫ່ງ ສະຫະລັດ ອາເມຣິກາ ປະຈໍາ ສປປ ລາວ. ການພົບປະຄັ້ງນີ້ ແມ່ນເປັນການພົບປະຢ້ຽມຂໍ່ານັບ ແລະ ສະແດງຄວາມຊົມເຊີຍຕໍ່ທ່ານລັດຖະມົນຕີທີ່ຖືກແຕ່ງຕັ້ງໃຫ້ດໍາລົງຕໍາແໜ່ງໃໝ່. ພ້ອມນັ້ນ, ສອງຝ່າຍໄດ້ຖືໂອກາດຕີລາຄາການພົວພັນຮ່ວມມືຂອງສອງປະເທດໃນໄລຍະຜ່ານມາ ກໍຄື ການຍົກລະດັບການພົວພັນສອງຝ່າຍ ພາຍຫຼັງໄດ້ຍົກລະດັບການພົວພັນຂຶ້ນເປັນຄູ່ຮ່ວມມືແບບກວມລວມ ທີ່ສອງຝ່າຍໄດ້ຮ່ວມກັນຖະແຫຼງ ໃນໂອກາດ ທ່ານ ບາຣັກ ໂອບາມາ(Barack Obama) ປະທານາທິບໍດີ ສອາເມຣິກາ ຢ້ຽມຢາມ ສປປ ລາວ ໃນປີ 2016 ຜ່ານມາຊຶ່ງຖືເປັນພື້ນຖານສໍາຄັນໃຫ້ແກ່ການເສີມຂະຫຍາຍການພົວພັນຮ່ວມມືສອງຝ່າຍ ເປັນຕົ້ນໃນຂະແໜງສາທາລະນະສຸກ,ການສຶກສາ,ການຄ້າ,ການລົງທຶນ,ການຈັດຕັ້ງປະຕິບັດດ້ານກົດໝາຍ ແລະ ຢາເສບຕິດ,ການຊອກຫາສິ່ງເສດເຫຼືອຂອງທະຫານອາເມຣິກາທີ່ຫາຍສາບສູນໃນປາງສົງຄາມ ຢູ່ ສປປ ລາວ (MIA)ແລະ ອື່ນໆ. ໃນໂອກາດນີ້, ທ່ານທູດ ໄດ້ສະແດງຄວາມຊົມເຊີຍການເປັນປະທານອາຊຽນ ຂອງ ສປປ ລາວໃນ ປີ 2024, ທ່ານ ລມຕ ກໍໄດ້ສະແດງຄວາມຂອບໃຈການສະໜັບສະໜູນໃນການເປັນປະທານອາຊຽນ ຂອງ ສປປ ລາວ. ພ້ອມກັນນີ້, ສອງຝ່າຍເຫັນດີສືບຕໍ່ຊຸກຍູ້ການພົວພັນຮ່ວມມືໃນດ້ານຕ່າງໆ ໃຫ້ໄດ້ຮັບການເສີມຂະຫຍາຍ ແລະ ມີການພັດທະນາຍິ່ງໆຂຶ້ນ.
(ຂ່າວ-ພາບ: ກຕທ)
ຄໍາເຫັນ