ຜູ້ຕາງໜ້າອົງການອາຫານໂລກ (World Food Programme ຫຼື WFP) ປະຈໍາ ສປປ ລາວ ພ້ອມດ້ວຍຄະນະ.
ໃນໂອກາດນີ້, ທ່ານ ລິນຄໍາ ດວງສະຫວັນ ໄດ້ສະແດງຄວາມຍິນດີຕ້ອນຮັບອັນອົບອຸ່ນ ມາຍັງຜູ້ຕາງໜ້າອົງການອາຫານໂລກ ປະຈໍາ ສປປ ລາວ, ພ້ອມທັງຂອບໃຈ ແລະ ຕີລາຄາສູງຕໍ່ສາຍພົວພັນທີ່ດີ ແລະ ການຮ່ວມມືຊ່ວຍເຫຼືອ ຂອງອົງການອາຫານໂລກ ຢູ່ ສປປ ລາວ ກໍຄື ກະຊວງກະສິກໍາ ແລະ ປ່າໄມ້. ຊຶ່ງທັງສອງຝ່າຍໄດ້ມີຄໍາເຫັນແລກປ່ຽນກັນ ກ່ຽວກັບບັນດາໂຄງການຕ່າງໆທີ່ທາງອົງການອາຫານໂລກ ໄດ້ໃຫ້ ການສະໜັບສະໜູນກະຊວງກະສິກໍາ ແລະ ປ່າໄມ້ ເປັນຕົ້ນແມ່ນ: ໂຄງການກະສິກໍາເພື່ອໂພຊະນາການ, ໂຄງການຄໍ້າປະກັນສະບຽງອາຫານສໍາລັບຊາວສວນກາເຟ ພາຍໃຕ້ທຶນກັບໜ່ວຍງານເສີມສ້າງຄວາມ ເຂັ້ມແຂງດ້ານເສດຖະກິດ ປະເທດຢີ່ປຸ່ນ ຊຶ່ງແຕ່ລະໂຄງການແມ່ນໄດ້ສະໜັບສະໜູນໃຫ້ແກ່ 4 ແຜນງານຫຼັກ ຂອງກະຊວງກະສິກໍາ ແລະ ປ່າໄມ້. ທາງອົງການອາຫານໂລກ ໄດ້ສະເໜີແຜນຕໍ່ໜ້າໃນການຮ່ວມມືກັນ ຊຶ່ງທາງອົງການອາຫານໂລກ ໄດ້ສະເໜີໃຫ້ກະຊວງກະສິກໍາ ແລະ ປ່າໄມ້ ເຮັດເປັນແຜນລະອຽດໃນການຈັດຕັ້ງປະຕິບັດ ເພາະວ່າໃນປັດຈຸບັນ ທາງອົງການອາຫານໂລກ ມີໂຄງການອາຫານທ່ຽງສໍາລັບນັກ ຮຽນ. ສະນັ້ນ, ໃນການຊື້ອາຫານທ່ຽງນັ້ນ ທາງກະຊວງກະສິກໍາ ແລະ ປ່າໄມ້ ຄວນເປັນຜູ້ຜະລິດເພື່ອສະໜອງອາຫານໃນໂຮງຮຽນ ດ້ວຍຜະລິດຕະພັນຈາກທ້ອງຖິ່ນໃຫ້ກັບໂຄງການອາຫານທ່ຽງ ທີ່ເປັນການສະໜັບສະໜູນວຽກງານການຜະລິດກະສິກໍາເພື່ອໂພຊະນາການຂອງໂຮງຮຽນ ທີ່ສະໜັບສະໜູນໂດຍອົງການອາ ຫານໂລກ.
ພ້ອມດຽວກັນນີ້, ທ່ານ ລິນຄໍາ ດວງສະຫວັນ ກໍໄດ້ຮຽກຮ້ອງໃຫ້ອົງການອາຫານໂລກ ປະຈໍາ ສປປ ລາວ ສືບຕໍ່ປະກອບສ່ວນ ແລະ ສະໜັບສະໜູນກະຊວງກະສິກໍາ ແລະ ປ່າໄມ້ ໃນການຈັດຕັ້ງປະຕິບັດ 4 ແຜນງານຫຼັກ ໃຫ້ບັນລຸຕາມແຜນການ ໂດຍສະເພາະ ແຜນງານຄໍ້າປະກັນດ້ານສະບຽງອາຫານ.
ທ່ານ ມາກ ແອນເດຣ ພຣັອສ ກໍໄດ້ສະແດງຄວາມຂອບໃຈຕໍ່ການຕ້ອນຮັບອັນອົບອຸ່ນ ຂອງທ່ານລັດຖະມົນຕີກະຊວງກະສິກໍາ ແລະ ປ່າໄມ້, ພ້ອມທັງໃຫ້ຄໍາໝັ້ນສັນຍາວ່າ ຕົນເອງກໍຄືອົງການອາຫານໂລກ ປະຈໍາ ສປປ ລາວ ຈະສືບຕໍ່ເພີ່ມທະວີການຮ່ວມມື ແລະ ໃຫ້ການສະໜັບສະໜູນກະຊວງກະສິກໍາ ແລະ ປ່າໄມ້ ໃນການຈັດຕັ້ງປະຕິບັດແຜນງານຕ່າງໆ ທີ່ສະໜັບສະໜູນໃຫ້ແກ່ການບັນລຸແຜນພັດທະນາຂອງກະຊວງກະສິກໍາ ແລະ ປ່າໄມ້ ຢ່າງຕັ້ງໜ້າ.
(ແຫຼ່ງຂ່າວ: ຂ່າວສານກະສິກຳປ່າໄມ້)
ຄໍາເຫັນ