ໄມ້ທີ່ນຳມາປູກໃນຄັ້ງນີ້, ມີເບ້ຍໄມ້ທັງໝົດ 1,200 ຕົ້ນ. ໃນນີ້, ມີຕົ້ນໄມ້ຝາງແດງ 200 ຕົ້ນ, ເບ້ຍໄມ້ຂີ້ເຫຼັກ 250 ເບ້ຍ, ເບ້ຍໄມ້ດູ່ 100 ເບ້ຍ, ເບ້ຍໄມ້ຄະຍຸງ 100 ເບ້ຍ, ເບ້ຍໄມ້ແຕ້ຄ່າ 2,500 ເບ້ຍ ແລະ ເບ້ຍໄມ້ຄູນ 300 ເບ້ຍ. ທ່ານຫົວໜ້າພະແນກກະສິກໍາ ແລະ ປ່າໄມ້ເເຂວງ ຍັງໄດ້ໃຫ້ຮູ້ວ່າ: ການປູກຕົ້ນໄມ້ແມ່ນມີຄວາມໝາຍສຳຄັນຢ່າງຍິງ ເພື່ອເຮັດປວງຊົນທຸກຊັ້ນຄົນຮັບຮູ້ ເຂົ້າໃຈກ່ຽວກັບຄວາມໝາຍ ຄວາມສໍາຄັນຂອງການປູກຕົ້ນໄມ້ພ້ອມທັງໄດ້ຮຽກຮ້ອງມາທົ່ວສັງຄົມ ໃຫ້ມີນໍ້າໃຈປົກປັກຮັກສາປ່າໄມ້, ສ້າງຂະບວນການໃນການຄຸ້ມຄອງ, ປັກປັກຮັກສາຊັບພະຍາກອນປ່າໄມ້ ອັນເປັນມໍລະດົກຂອງຊາດ ໃຫ້ມີຄວາມອຸດົມສົມບູນ ແລະ ສາມາດຕອບສະໜອງຄວາມຮຽກຮ້ອງຕ້ອງການ ວັດຖຸດິບດ້ານໄມ້ ແລະ ຜະລິດຕະພັນປ່າໄມ້ ໄດ້ຢ່າງຍືນນານ ພ້ອມກັນປູກຕົ້ນໄມ້ໃສ່ພື້ນທີ່ຂອງຕົນຕາມເງື່ອນໄຂ ເພື່ອໃຫ້ບັນລຸຄາດໝາຍສູ້ຊົນຂອງເເຂວງ ໃນປີ 2026 ປູກໄມ້ໃຫ້ໄດ້ໃນເນື້ອທີ່ 200 ເຮັກຕາ ແລະ ເພື່ອເພີ່ມຄວາມປົກຫຸ້ມຂອງປ່າໄມ້ໃຫ້ໄດ້ 70% ຂອງເນື້ອທີ່ທົ່ວປະເທດ ເພື່ອເຮັດໃຫ້ຊັບພະຍາກອນປ່າໄມ້ ເປັນການປະກອບສ່ວນອັນສຳຄັນໃນການພັດທະນາເສດຖະກິດ-ສັງຄົມເທື່ອລະກ້າວ.
ໂອກາດຂອງວັນດຽວກັນ ການນໍາຂອງແຂວງ, ເມືອງ ຍັງໄດ້ເຂົ້າຮ່ວມສະຫຼອງວັນເດັກນ້ອຍສາກົນ, ຢອດຢາວິຕາມິນອາ ແລະ ຢາຂ້າແມ່ທ້ອງໃຫ້ແກ່ເດັກ ໃນໂອກາດສະເຫຼີມສະຫຼອງວັນເດັກສາກົນ 1 ມີຖຸນາ ແລະ ວັນສັກຢາກັນພະຍາດແຫ່ງຊາດ 1 ມີຖຸນາ 1925 ຫາ 1 ມິຖຸນາ 2025. ດ້ວຍກິດຈະກໍາເຜີຍແຜ່ເອກະສານວັນເດັສາກົນ, ວັນປູກຕົ້ນໄມ້ແຫ່ງຊາດ ແລະ ວັນສັກຢາແຫ່ງຊາດ 1 ມິຖຸນາ 2025 ຈາກທ່ານ ນາງ ບົວວັນ ພົມມະລິດ ຄະນະບໍລິຫານງານສູນກາງສະຫະພັນແມ່ຍິງລາວ.
(ຂ່າວ: ແກ້ວ ກ໋ວາງບັນແຄັດ)
ຄໍາເຫັນ