ທ່ານ ຄໍາຫຼ້າ ແຫຼ່ງໄຊຍະທໍາ ໄດ້ກ່າວວ່າ: ຍ້ອນເຫັນໄດ້ຄວາມສໍາຄັນ ແລະ ຄຸນປະໂຫຍດຢ່າງຫຼວງຫຼາຍຂອງປ່າໄມ້ ທີ່ຕິດພັນກັບຊີວິດການເປັນຢູ່ຂອງປະຊາຊົນບັນດາເຜົ່າ. ພັກ ແລະ ລັດຖະບານ ຈຶ່ງໄດ້ກຳນົດເອົາວັນທີ 1 ມິຖຸນາ ຂອງທຸກໆປີ ຊຶ່ງກົງກັບວັນເດັກນ້ອຍສາກົນ ເປັນວັນປູກຕົ້ນໄມ້ແຫ່ງຊາດ, ໂດຍທຸກໆປີ ພະນັກງານ, ທະຫານ, ຕຳຫຼວດ, ນັກຮຽນຮູ້ປັນຍາຊົນ ແລະ ຊັ້ນຄົນຕ່າງໆ ຢູ່ຂັ້ນສູນກາງ ແລະ ທ້ອງຖິ່ນ ໃນຂອບເຂດທົ່ວປະເທດ ໄດ້ພາກັນຈັດກິດຈະກຳຢ່າງເປັນຂະບວນຟົດຟື້ນ ເພື່ອປູກໄມ້ໃຫ້ເປັນປ່າແນໃສ່ເຮັດໃຫ້ເນື້ອທີ່ປ່າປົກຫຸ້ມທົ່ວປະເທດໃຫ້ໄດ້ 70%.
ໂອກາດນີ້,ຄະນະນຳທຸກພາກສ່ວນ ໄດ້ເຂົ້າຮ່ວມປູກຕົ້ນໄມ້ຢູ່ສອງພາກທາງຕັດໃໝ່ ຢູ່ຕໍ່ໜ້າສໍານັກງານປົກຄອງເມືອງຫຼວງນໍ້າທາ, ຊຶ່ງເບ້ຍໄມ້ທີ່ນຳມາປູກທັງໝົດ 230 ເບ້ຍ ປະກອບມີ ເບ້ຍໝາກມ່ວງ, ໝາກມີ້, ໝາກລໍາໄຍ, ໝາກຂາມ, ກາເຟ ແລະ ເບ້ຍໄມ້ ຄາລີເມຍ ຢ່າງເປັນຂະບວນຟົດຟື້ນ.
(ຂ່າວ: ຄໍາຕັນ ອຸ່ນຄໍາ)
ຄໍາເຫັນ