 |
ທ່ານ ຄຳເພັດ ສີລາທອງນິດ ໄດ້ຍົກໃຫ້ເຫັນວຽກງານຈຸດສຸມ ແລະ ແຜນງານທີ່ສຳຄັນ ໃນການຈັດ ຕັ້ງປະຕິບັດວາລະແຫ່ງຊາດ ຊຶ່ງປະກອບມີ 5 ວຽກຈຸດສຸມ ແລະ 12 ແຜນງານ, ໂດຍມອບໃຫ້ພະແນກການ, ຂະແໜງການທີ່ກ່ຽວຂ້ອງຂອງແຂວງ ແລະ ບັນດາເມືອງ ຄົ້ນຄວ້າກຳນົດໂຄງການບຸລິມະສິດ ໃສ່ແຕ່ລະແຜນງານ ແລະ ວຽກຈຸດສຸມໃຫ້ມີຄວາມເປັນເອກະພາບ ໃນການຈັດຕັ້ງປະຕິບັດຢູ່ 8 ເມືອງເປົ້າໝາຍ ຄື: ເມືອງໂພນທອງ, ເມືອງວຽງຄຳ, ເມືອງງອຍ, ເມືອງໂພນໄຊ, ເມືອງປາກແຊງ, ເມືອງປາກອູ, ເມືອງຈອມເພັດ ແລະ ເມືອງພູຄູນ ລວມມີ 111 ບ້ານເປົ້າໝາຍ, ຄອບຄົວເປົ້າໝາຍ 10,927 ຄອບຄົວ, ຊຶ່ງໜ້າວຽກຈຸດສຸມ ແລະ ແຜນງານໂຄງການ ຈະເລັ່ງໃສ່ສ້າງອາຊີບ ແລະ ແຫຼ່ງລາຍຮັບ, ຈັດສັນພູມລໍາເນົາຂອງປະຊາຊົນໃຫ້ມີຄວາມໝັ້ນຄົງ ແລະ ຍືນຍົງ, ພັດທະນາພື້ນຖານໂຄງລ່າງ ແລະ ສິ່ງອໍານວຍຄວາມສະດວກຢູ່ເຂດຊົນນະບົດ, ສ້າງຄວາມເຂັ້ມແຂງໃຫ້ຄະນະກໍາມະການປົກຄອງຕາແສງ, ການຈັດຕັ້ງບ້ານ ແລະ ຊາວຊົນນະບົດ, ຂົນ ຂວາຍ ແລະ ຍາດແຍ່ງການລົງທຶນເຂົ້າໃສ່ການພັດທະນາຢູ່ຊົນນະບົດ, ສ້າງ ແລະ ປັບປຸງນິຕິກໍາ, ກົນໄກໃນການຈັດຕັ້ງປະຕິບັດວຽກງານພັດທະນາຊົນນະບົດ ແລະ ແກ້ໄຂຄວາມທຸກຍາກໃຫ້ມີປະສິດທິຜົນ. ຈາກນັ້ນ ໄດ້ຈັດແບ່ງກຸ່ມເພື່ອພ້ອມກັນຄົ້ນຄວ້າ, ປະກອບຄຳເຫັນໃສ່ແຜນງານໂຄງການ.
ຕອນທ້າຍທ່ານ ຢີ່ ຢ່າງ ໄດ້ຮຽກຮ້ອງໃຫ້ບັນດາພະແນກການຂັ້ນແຂວງ ແລະ ຫ້ອງການທີ່ກ່ຽວຂ້ອງຂັ້ນເມືອງ ສືບຕໍ່ຄົ້ນຄວ້າບັນດາໂຄງການບຸລິມະສິດ ເພື່ອຈັດຕັ້ງປະຕິບັດວາລະແຫ່ງຊາດ ວ່າດ້ວຍການພັດທະ ນາຊົນນະບົດ ແລະ ແກ້ໄຂຄວາມທຸກຍາກ ແຕ່ປີ 2027-2030 ໃຫ້ລະອຽດຊັດເຈນ ສາມາດຈັດຕັ້ງປະຕິບັດໃຫ້ສຳເລັດຕາມແຜນການທີ່ວາງໄວ້. ພາບ-ຂ່າວ: ທອງດາ ທີບພະວົງ
ຄໍາເຫັນ