 |
ທ່ານນາງ ຜາສຸກ ວົງວິຈິດ ປະທານສະຫະພັນແມ່ຍິງກະຊວງສາທາລະນະສຸກ ໄດ້ໃຫ້ກຽດກ່າວຕ້ອນຮັບ ແລະ ກ່າວເປີດກອງປະຊຸມ. ຈາກນັ້ນ, ທ່ານນາງ ອາລີ ວົງໜໍ່ບຸນທຳ ໄດ້ໃຫ້ກຽດປາຖະກະຖາຫວນຄືນມູນເຊື້ອຄວາມໝາຍ-ຄວາມສຳຄັນວັນສ້າງຕັ້ງອົງການຈັດຕັ້ງສະຫະພັນແມ່ຍິງລາວ ຍົກໃຫ້ເຫັນການກຳເນີດເຕີບໃຫຍ່ຂະຫຍາຍຕົວຂອງອົງການຈັດຕັ້ງສະຫະພັນແມ່ຍິງລາວຕະຫຼອດໄລຍະ 70 ປີຜ່ານມາ ເພື່ອໃຫ້ສະມາຊິກແມ່ຍິງທົ່ວກະຊວງສາທາລະນະສຸກຮັບຮູ້ເຂົ້າໃຈຢ່າງເລິກເຊິ່ງ.
 |
ໃນພິທີໄດ້ປະກາດຮັບຮອງສະຫະພັນແມ່ຍິງກະຊວງສາທາລະນະສຸກ ເປັນສະຫະພັນແມ່ຍິງ 3 ດີ, ໃຫ້ກຽດມອບໃບຢັ້ງຢືນ, ລັ່ນຄ້ອງ ແລະ ເປີດປ້າຍຂອງທ່ານນາງ ອາລີ ວົງໜໍ່ບຸນທຳ ພ້ອມດ້ວຍຄະນະປະທານທີ່ເຂົ້າຮ່ວມ.
ຈາກນັ້ນໄດ້ມອບໃບຍ້ອງຍໍຜົນງານ 5 ປີ (2021-2025) ໃຫ້ຄະນະສະຫະພັນແມ່ຍິງກະຊວງສາທາລະນະສຸກຊຸດທີ X ຈຳນວນ 11 ທ່ານ, ຍ້ອງຍໍ 3 ດີປະຈຳປີ 2023-2024 ໃຫ້ກົມກອງດີເດັ່ນ 34 ກົມກອງ ແລະ ບຸກຄົນດີເດັ່ນ ປະເພດ 1 ຈຳນວນ 3,720 ຄົນ, ປະເພດ 2 ຈຳນວນ 92 ຄົນ, ຈາກນັ້ນໄດ້ຮັບຟັງການເຜີຍແຜ່ນໍາສະເໜີຜົນການຄົ້ນ ຄວ້າກ່ຽວກັບເຊື້ອຈຸລະຊີບທີ່ຕ້ານຕໍ່ຢາຕ້ານເຊື້ອ, ການຈັດຕັ້ງປະຕິບັດວຽກງານຄວາມກ້າວໜ້າຂອງແມ່ຍິງ, ແມ່ ແລະ ເດັກ, ວຽກງານຊ່ວຍເຫຼືອຜູ້ຖຶກເຄາະຮ້າຍຈາກຄວາມຮຸນແຮງ ແລະ ການຄ້າມະນຸດ, ຜົນຮ້າຍຂອງຢາສູບໄຟຟ້າ, ຄໍລາເຈັ້ນ, ນໍ້າກະທ້ອມ, ຄວາມຮູ້ພື້ນຖານກ່ຽວກັບການປ້ອງກັນມະເຮັງປາກມົດລູກ.
 |
ຂ່າວ: ພູວັນ
ຄໍາເຫັນ