ເພື່ອຄວາມສົມບູນພູນສຸກຂອງສັງຄົມລາວ(Move Together for Prosperity of Lao Society) ໂດຍການກ່າວເປີດຂອງ ທ່ານ ນາງ ຈັນສີ ພິມພະຈັນປະທານຄະນະປະສານງານອົງການຈັດຕັ້ງສັງຄົມລາວ, ມີທ່ານ ນິສິດ ແກ້ວປັນຍາ ຮອງລັດຖະມົນຕີກະຊວງພາຍໃນ, ທ່ານ ຈ່ອງ ກາບຣີແຢຣ ດຸສ (Jean-Gabriel Duss) ອໍານວຍການພາກພື້ນຂົງເຂດແມ່ນໍ້າຂອງ, ການຮ່ວມມືແຫ່ງປະເທດສະວິດປະຈຳ ສປປ ລາວ, ມີບັນດາຄູ່ຮ່ວມພັດທະນາຂອງລັດຖະບານລາວ ແລະ ບັນດາອົງການຈັດຕັ້ງສາກົນ ລວມທັງອົງການຈັດຕັ້ງສາກົນບໍ່ສັງກັດລັດຖະບານທີ່ເຄື່ອນໄຫວ ຢູ່ ສປປ ລາວ ເຂົ້າຮ່ວມ.
ທ່ານ ນາງ ຈັນສີ ພິມພະຈັນ ໄດ້ກ່າວວ່າ: ງານວາງສະແດງຜົນງານແລະຜະລິດຕະພັນຂອງອົງການຈັດຕັ້ງສັງຄົມຄັ້ງນີ້ ແມ່ນເປັນຄັ້ງທີ 6 ຊຶ່ງຄັ້ງທີ 1 ຈັດຂຶ້ນໃນປີ 2018. ຈຳນວນຄົນທີ່ເຂົ້າຮ່ວມ ເຫັນວ່າມີໂຕເລກເພີ່ມຂຶ້ນໃນແຕ່ລະປີ ນັ້ນເປັນການຢັ້ງຢືນເຖິງການໂຄສະນາຂົນຂວາຍໃຫ້ປວງຊົນເຂົ້າໃຈກ່ຽວກັບພາລະບົດບາດຂອງອົງການຈັດຕັ້ງສັງຄົມລາວ ແລະ ທັງເປັນການຢັ້ງຢືນເຖິງການຂະຫຍາຍຕົວຂອງອົງການຈັດຕັ້ງສັງຄົມລາວໃນການປະກອບສ່ວນເຂົ້າໃນແຜນພັດທະນາເສດຖະກິດ-ສັງຄົມແຫ່ງຊາດໃນແຕ່ລະໄລຍະ ຕາມຂະແໜງການຕ່າງໆໃນຂອບເຂດທົ່ວປະເທດ. ໂດຍໄດ້ຮັບການສະໜັບສະໜູນຈາກຄູ່ຮ່ວມພັດທະນາຫຼາຍພາກສ່ວນ ເຊັ່ນ: ຜູ້ຕາງໜ້າປະເທດສະວິດ, ສະຫະພາບເອີຣົບ ປະຈຳ ສປປ ລາວ, ສະຖານທູດຝຣັ່ງ ປະຈຳ ສປປ ລາວ, ປະເທດເຢຍລະມັນໂດຍຜ່ານອົງການ GIZ ປະຈໍາລາວ ໃນແຜນງານCEGGA II, ອົງການ OXFAM, ອົງການເຂົ້າຈີ່ເພື່ອປະຊາກອນໂລກ (Bread for the World ), International Republican Institute (IRI), ອົງການ WWF-Laos ແລະ ຄູ່ຮ່ວມພັດທະນາທັງພາກລັດ,ອົງການຈັດຕັ້ງສັງຄົມ ແລະ ອົງການຈັດຕັ້ງສາກົນ. ນອກຈາກນັ້ນ, ອົງການຈັດຕັ້ງສັງຄົມຍັງຈະໄດ້ສືບຕໍ່ໃນການຈັດງານວາງສະແດງຜົນງານ ແລະ ຜະລິດຕະພັນຂອງອົງການຈັດຕັ້ງສັງຄົມ ໃນບັນດາແຂວງເປົ້າໝາຍລວມທັງ ແຂວງຫຼວງພະບາງ ແລະ ແຂວງຄຳມ່ວນ ໃນຕົ້ນໄຕມາດທີ 1 ໃນປີ 2025. ເພື່ອຊຸກຍູ້ ແລະ ເປັນກຳລັງໃຈໃນການຈັດງານຄັ້ງນີ້,
ຈຸດປະສົງງານຄັ້ງນີ້, ເພື່ອເປັນການວາງສະແດງຜົນງານແລະ ຜະລິດຕະພັນຂອງບັນດາອົງການຈັດຕັ້ງສັງຄົມໃນລາວ; ສ້າງເວທີແລກປ່ຽນຄວາມເຂົ້າໃຈຕໍ່ກັບຄຸນຄ່າຜົນງານ ແລະ ການມີສ່ວນຮ່ວມຂອງອົງການຈັດຕັ້ງສັງຄົມລາວຄື: ສາມັກຄີ, ມີສ່ວນຮ່ວມ, ສະເໝີພາບ, ໂປ່ງໃສ ແລະ ຫົວຄິດປະດິດສ້າງ ໂດຍຜ່ານ 7 ກຸ່ມວິຊາການ ຂອງອົງການຈັດຕັ້ງສັງຄົມ; ສະໜັບສະໜູນ ການຕ້ານການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ ຂອງບັນດາອົງການຈັດຕັ້ງສັງຄົມລາວ ແລະ ສາກົນຢ່າງສ້າງສັນ ແລະ ມີບັນຍາກາດ. ພາຍໃນງານມີການສົນທະນາ-ການແລກປ່ຽນຮຽນຮູ້ ພ້ອມກັນພັດທະນາ (Together for Development) ແມ່ນຂອບເຂດການຮຽນຮູ້ຂອງງານ CSO FAIR ໃນແຕ່ລະປີ; ສໍາລັບປີນີ້ ຄະນະຈັດງານໄດ້ກຳນົດເອົາຄຸນຄ່າຂອງອົງການຈັດຕັ້ງສັງຄົມລາວຄື: ສາມັກຄີ, ມີສ່ວນຮ່ວມ, ສະເໝີພາບ, ໂປ່ງໃສ ແລະ ຫົວຄິດປະດິດສ້າງ ແລະ ການຕ້ານການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ ເປັນຫົວຂໍ້ໃນການແລກປ່ຽນບົດຮຽນຮ່ວມກັນ. ເພື່ອເປັນການປູກຈິດສໍານຶກ, ເຜີຍແຜ່ຄວາມຮູ້ ແລະ ສ້າງຄວາມເຂົ້າໃຈຮ່ວມກັນຂອງທຸກຄົນໃນສັງຄົມ ໂດຍມີເນື້ອໃນ ແລະ ຫົວຂໍ້ຂອງງານ “ພ້ອມກັນກ້າວເດີນ ເພື່ອຄວາມສົມບູນພູນສຸກຂອງສັງຄົມລາວ”; ຫົວຂໍ້ການເຊື່ອມສານຂອງງານ ຊຶ່ງຖືກໄລຍະສັບປະດາຂອງການຢຸດຕິການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ: ການປູກຈິດສໍາສຶກຫົວຂໍ້ 16ມື້ ຮ່ວມກັນ! ລົງທຶນເພື່ອປ້ອງກັນ ແລະ ແກ້ໄຂການໃຊ້ຄວາມຮຸນແຮງຕໍ່ ແມ່ຍິງ ແລະ ເດັກຍິງ (EVAW Campaign).
ພາຍໃນງານ ມີຫຼາກຫຼາຍຜະລິດຕະພັນສິນຄ້າ ຊຶ່ງມີໜຶ່ງຮ້ອຍກວ່າຮ້ານເຂົ້າຮ່ວມ ໂດຍຈະມີການວາງສະແດງຜົນງານຂອງບັນດາກຸ່ມວິຊາການ ແລະເຄືອຂ່າຍຂອງອົງການຈັດຕັ້ງສັງຄົມ; ການວາງຂາຍສິນຄ້າ ແລະ ຜະລິດຕະພັນຂອງຊາວບ້ານ ແລະ ອົງການຈັດຕັ້ງສັງຄົມ, ການສະແດງສິລະປະ, ລະຄອນ, ໂຕ້ວາທີ ແລະ ກິດຈະກຳຈາກກຸ່ມໄວໜຸ່ມທີ່ມີຄວາມຫຼາກຫຼາຍ,ກຸ່ມຜູ້ທີ່ມີຄວາມພິການ ແລະ ຊົນເຜົ່າອື່ນໆ ງານວາງສະແດງຄັ້ງນີ້ ຈະໄດ້ດໍາເນີນເປັນເວລາ 2 ວັນ ໃນລະຫວ່າງວັນທີ 13-14 ທັນວາ 2024 (ນັບແຕ່ເຊົ້າຂອງວັນທີ 13 ທັນວາ 2024 ຈົນເຖິງ ຄໍ່າຄືນຂອງວັນທີ 14 ທັນວາ 2024).
ຂ່າວ-ພາບ: ຍຸພິນທອງ
ຄໍາເຫັນ