ມອບ-ຮັບ ໂຄງການກໍ່ສ້າງ ແລະ ສ້ອມແປງ ເສັ້ນທາງຜັງບ້ານນໍ້າເຕົ່າ ເມືອງແກ່ນທ້າວ

ມອບ-ຮັບ ໂຄງການກໍ່ສ້າງ ແລະ ສ້ອມແປງ ເສັ້ນທາງຜັງບ້ານນໍ້າເຕົ່າ ເມືອງແກ່ນທ້າວ

14:50 25/05/2026

ເມືອງແກ່ນທ້າວ ແຂວງໄຊຍະບູລີ ໄດ້ຈັດພິທີມອບ-ຮັບ ໂຄງການກໍ່ສ້າງ-ສ້ອມແປງ ຍົກລະດັບເສັ້ນທາງຜັງບ້ານນໍ້າເຕົ່າ ຂຶ້ນເມື່ອບໍ່ດົນມານີ້ ທີ່ ບ້ານນ້ຳເຕົ່າ, ລະຫວ່າງ ທ່ານ ບຸນໜ່ວງ ອິນທະວົງ ນາຍບ້ານນໍ້າເຕົ່າ, ຕາງໜ້າອົງການປົກຄອງບ້ານ (ໃນນາມເຈົ້າຂອງໂຄງການ) ແລະ ທ່ານ ຫວາດ ແສງຈັນ ປະທານບໍລິສັດ ຫວາດ ການຄ້າ ຈຳກັດ (ໃນນາມຜູ້ຮັບເໝົາກໍ່ສ້າງ) ໂດຍມີທ່ານ ສີຄານ ແກ່ນມະນີ ປະທານຄະນະກໍາມະການປົກຄອງເມືອງ ແລະ ພາກສ່ວນກ່ຽວຂ້ອງເຂົ້າຮ່ວມເປັນສັກຂີພິຍານນຳ.

ໂຄງການກໍ່ສ້າງ-ສ້ອມແປງຍົກລະດັບເສັ້ນທາງຜັງບ້ານນໍ້າເຕົ່າໃນຄັ້ງນີ້ ມີເສັ້ນທາງລວມທັງໝົດ 12 ເສັ້ນ, ມີຄວາມຍາວທັງໝົດ 2,867 ແມັດ. ໃນນັ້ນ ປະກອບມີ:

· ເສັ້ນທາງຕັດໃໝ່ 2 ເສັ້ນ: ເສັ້ນທີ 1 ກວ້າງ 5 ແມັດ, ຍາວ 310 ແມັດ ແລະ ເສັ້ນທີ 2 ກວ້າງ 4 ແມັດ, ຍາວ 393 ແມັດ.

· ເສັ້ນທາງຮ່ອມ 10 ເສັ້ນ: ໃນນີ້ມີ 2 ເສັ້ນ ກວ້າງ 4 ແມັດ, ຍາວ 1,017 ແມັດ ແລະ ອີກ 8 ເສັ້ນ ກວ້າງ 3.50 ແມັດ, ຍາວ 1,147 ແມັດ.

ໂຄງການດັ່ງກ່າວ ມີມູນຄ່າການກໍ່ສ້າງຕາມສັນຍາທັງໝົດ 742 ລ້ານກວ່າກີບ. ໃນນັ້ນ ທຶນປະກອບສ່ວນຂອງປະຊາຊົນພາຍໃນບ້ານ ຈຳນວນ 714 ລ້ານກີບ ແລະ ບໍລິສັດຜູ້ຮັບເໝົາປະກອບສ່ວນທຶນສົມທົບ ຈຳນວນ 28 ລ້ານກວ່າກີບ. ໂຄງການນີ້ໄດ້ເລີ່ມລົງມືຈັດຕັ້ງປະຕິບັດມາແຕ່ ວັນທີ 1 ພະຈິກ 2025 ແລະ ໄດ້ສຳເລັດການກໍ່ສ້າງ 100% ໃນວັນທີ 11 ພຶດສະພາ 2026 ເຊິ່ງຈະຊ່ວຍອຳນວຍຄວາມສະດວກໃຫ້ແກ່ການສັນຈອນໄປ-ມາ ແລະ ຍົກລະດັບຊີວິດການເປັນຢູ່ຂອງປະຊາຊົນພາຍໃນບ້ານໃຫ້ດີຂຶ້ນກວ່າເກົ່າ.

ຂ່າວ: ແກ່ນທ້າວ

ຄໍາເຫັນ

ຂ່າວວັດທະນະທຳ-ສັງຄົມ

ອົງການໄອຍະການປະຊາຊົນ ຝຶກອົບຮົມວຽກງານພິທີການ

25/05/2026 14:57

ອົງການໄອຍະການປະຊາຊົນ ແລະ ອົງການໄອຍະການທະຫານ ໄດ້ຈັດຝຶກອົບຮົມວຽກງານພິທີການ ຂຶ້ນໃນວັນທີ 25 ພຶດສະພາ ນີ້ ທີ່ອົງການໄອຍະການປະຊາຊົນສູງສຸດ, ໂດຍການເປັນປະທານກ່າວເປີດຂອງທ່ານ ນາງ ແສງສຸດາ ສີປະເສີດ ຮັກສາການຫົວໜ້າສະຖາບັນຄົ້ນຄວ້າ ແລະ ຝຶກອົບຮົມໄອຍະການ ຊຶ່ງມີຄະນະກົມ, ຄະນະພະແນກອົງການໄອຍະການປະຊາຊົນເຂດ 4 ເຂດເຂົ້າຮ່ວມ.

ສປປ ລາວ ສົ່ງເສີມການພັດທະນາທີ່ສົ່ງຜົນບວກຕໍ່ທຳມະຊາດ

25/05/2026 14:56

ກະຊວງກະສິກຳ ແລະ ສິ່ງແວດລ້ອມ ໄດ້ຈັດກອງປະຊຸມລະດັບສູງກ່ຽວກັບການລົງທຶນທີ່ສົ່ງຜົນບວກ ຕໍ່ທຳມະຊາດ ໂດຍນໍາໃຊ້ລຳດັບມາດຕະການຫຼຸດຜ່ອນຜົນກະທົບຕໍ່ຊີວະນາໆພັນເພື່ອບັນລຸຜົນໄດ້ຮັບການທົດແທນ ຊີວະນາໆພັນ ເທົ່າເດີມ ຫຼື ການເພີ່ມຊີວະນາໆພັນ ໄດ້ຈັດຂຶ້ນໃນວັນທີ 22 ພຶດສະພາຜ່ານມານີ້ ທີ່ນະຄອນຫຼວງ ວຽງຈັນ, ໂດຍການເປັນປະທານຂອງທ່ານ ລິນຄໍາ ດວງສະຫວັນ ລັດຖະມົນຕີກະຊວງກະສິກຳ ແລະ ສິ່ງແວດລ້ອມ ຊຶ່ງມີພາກສ່ວນທີ່ກ່ຽວຂ້ອງເຂົ້າຮ່ວມ

ປະກາດແຕ່ງຕັ້ງຂັ້ນນໍາພາ-ບັນຊາ ແລະ ຍົກລະດັບພະແນກຊາຍແດນ ເປັນຫ້ອງທະຫານຊາຍແດນ ທະຫານແຂວງໄຊຍະບູລີ

25/05/2026 14:54

ໃນວັນທີ 22 ພຶດສະພາຜ່ານມາ, ທີ່ສະໂມສອນ ກອງບັນຊາການທະຫານແຂວງໄຊຍະບູລີ ໄດ້ປະກາດການແຕ່ງຕັ້ງຮອງກອງບັນຊາການທະຫານແຂວງ, ຫົວໜ້າຫ້ອງ, ຮອງຫ້ອງ ແລະ ຍົກລະດັບພະແນກຊາຍແດນເປັນຫ້ອງທະຫານຊາຍແດນ ທະຫານແຂວງໄຊຍະບູລີ, ໂດຍການເປັນປະທານຂອງສະຫາຍ ພົນຕີ ແສງມະນີວອນ ຄໍາມະນີ ກໍາມະການຄະນະປະຈໍາພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ການເມືອງກອງທັບ, ມີສະຫາຍ ດວງຕາ ໄຊວຸດ ຮອງເລຂາພັກແຂວງ, ມີຄະນະພັກ-ຄະນະບັນຊາ ກົມກອງອ້ອມຂ້າງເຂົ້າຮ່ວມ.

ສສຊ-ສສຂ ພົບປະ ຜູ້ມີສິດເລືອກຕັ້ງ ຢູ່ເມືອງໂຂງ

25/05/2026 14:49

ຄະນະສະມາຊິກສະພາແຫ່ງຊາດ (ສສຊ) ປະຈຳເຂດເລືອກຕັ້ງທີ 15 ແຂວງຈຳປາສັກ ແລະ ສະມາຊິກສະພາປະຊາຊົນແຂວງ (ສສຂ) ປະຈຳເຂດເລືອກຕັ້ງເມືອງໂຂງ ໄດ້ສຳເລັດການລົງເຄື່ອນໄຫວເຜີຍແຜ່ຜົນສຳເລັດກອງປະຊຸມສະພາ ແລະ ພົບປະຜູ້ມີສິດເລືອກຕັ້ງ ໃນວັນທີ 22 ພຶດສະພາຜ່ານມາ.

ທ່ານ ນາງ ສູນທອນ ໂຊຍະຈັກ ຢ້ຽມຢາມ ແລະ ເຮັດວຽກຢູ່ແຂວງເຊກອງ

25/05/2026 14:47

ທ່ານ ນາງ ສູນທອນ ໄຊຍະຈັກ ຄະນະເລຂາທິການສູນກາງພັກ ຮອງປະທານສະພາແຫ່ງຊາດ ພ້ອມຄະນະ ໄດ້ເຄື່ອນຢ້ຽມຢາມ ແລະ ເຮັດວຽກຢູ່ແຂວງເຊກອງ ເມື່ອວັນທີ 22 ພຶດສະພາຜ່ານມານີ້, ໂດຍມີ ທ່ານ ບຸນຫຼາຍ ບຸດທິ ເລຂາຄະນະບໍລິຫານງານພັກແຂວງເຊກອງ ພ້ອມດ້ວຍພະນັກຫຼັກແຫຼ່ງແຂວງເຊກອງ ໃຫ້ການຕ້ອນຮັບຢ່າງອຸບອຸ່ນ.

ເລຂາພັກແຂວງ ສະຫວັນນະເຂດ ຊຸກຍູ້ການຈັດຕັ້ງຜັນຂະຫຍາຍນິຕິກຳຕ່າງໆ ຢູ່ເມືອງເຊໂປນ

25/05/2026 14:46

ສະຫາຍ ບຸນໂຈມ ອຸບົນປະເສີດ ກຳມະການສູນກາງພັກ ເລຂາພັກແຂວງ ປະທານສະພາປະຊາຊົນແຂວງສະຫວັນະເຂດ ພ້ອມດ້ວຍຄະນະ ໄດ້ລົງເຄື່ອນໄຫວຊີ້ນຳ ແລະ ຊຸກຍູ້ການຈັດຕັ້ງຜັນຂະຫຍາຍບັນດາຄຳສັ່ງ, ແຈ້ງການ ແລະນິຕິກຳຕ່າງໆ ເພື່ອເພີ່ມທະວີວຽກງານສະກັດກັ້ນ ແລະແກ້ໄຂປະກົດການຫຍໍ້ທໍ້ໃນສັງຄົມທົ່ວແຂວງສະຫວັນນະເຂດ ຢູ່ທີ່ເມືອງເຊໂປນ ເມື່ອວັນທີ 24 ພຶດສະພາຜ່ານມາ, ໂດຍມີຄະນະພັກ-ຄະນະນຳຂອງ 3 ເມືອງ (ເຊໂປນ, ວິລະບູລີ, ພີນ), ພ້ອມຄະນະໃຫ້ກ່ນຕ້ອນຮັບ.

ມອບ-ຮັບ ໜ້າທີ່ຫົວໜ້າຫ້ອງການບໍລິຫານ ດ່ານສາກົນນາເພົ້າ

25/05/2026 14:44

ພິທີປະກາດແຕ່ງຕັ້ງ ແລະ ມອບ-ຮັບໜ້າທີ່ຫົວໜ້າຫ້ອງການບໍລິຫານ ດ່ານສາກົນນາເພົ້າ ລະຫວ່າງຜູ້ເກົ່າ ແລະ ຜູ້ໃໝ່ ໄດ້ຈັດຂຶ້ນໃນວັນທີ 22 ພຶດສະພາຜ່ານມາ, ທີ່ຫ້ອງປະຊຸມດ່ານສາກົນນາເພົ້າ ເມືອງບົວລະພາ ແຂວງຄໍາມ່ວນ ໂດຍມີທ່ານ ສາຍຄໍາ ພະໄຊສິດທິເດດ ຫົວໜ້າຄະນະຈັດຕັ້ງແຂວງ, ມີຄະນະຄຸ້ມຄອງດ່ານ,ພ້ອມດ້ວຍແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າຮ່ວມ.

ມອບ-ຮັບໂຄງການກໍ່ສ້າງສ້ອມແປງ ຍົກລະດັບເສັ້ນທາງຜັງບ້ານນໍ້າເຕົ່າ

25/05/2026 14:43

ພິທີມອບ-ຮັບໂຄງການກໍ່ສ້າງ ສ້ອມແປງ ຍົກລະດັບເສັ້ນທາງຜັງບ້ານນໍ້າເຕົ່າ ເມືອງແກ່ນທ້າວ ແຂວງໄຊຍະບູລີ ໄດ້ຈັດຂຶ້ນໃນວັນທີ 20 ພຶດສະພາຜ່ານມາ, ທີ່ຫ້ອງປະຊຸມບ້ານນໍ້າເຕົ່າ. ຮ່ວມລົງນາມລະຫວ່າງທ່ານ ບຸນໜ່ວງ ອິນທະວົງ ນາຍບ້ານນໍ້າເຕົ່າ ຕາງໜ້າອົງການປົກຄອງບ້ານ (ໃນນາມເຈົ້າຂອງໂຄງການ) ແລະ ທ່ານ ຫວາດ ແສງຈັນ ປະທານບໍລິສັດ ຫວາດການຄ້າ ຈຳກັດ (ໃນນາມຜູ້ຮັບເໝົາກໍ່ສ້າງ) ເປັນກຽດເຂົ້າຮ່ວມເປັນສັກຂີພິຍານຂອງທ່ານ ສີຄານ ແກ່ນມະນີ ປະທານຄະນະກໍາມະການປົກຄອງເມືອງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.

ເຜີຍແຜ່ວຽກງານປັບປຸງຄ່າບໍລິການເກັບມ້ຽນຂີ້ເຫຍື້ອ ໃນຕົວເມືອງນະຄອນຫຼວງພະບາງ

25/05/2026 14:41

ກອງປະຊຸມເຜີຍແຜ່ວຽກງານປັບປຸງຄ່າບໍລິການເກັບມ້ຽນຂີ້ເຫຍື້ອ ຈັດຂຶ້ນໃນວັນທີ 21 ພຶດສະພາຜ່ານມາ, ທີ່ນະຄອນ-ຫຼວງພະບາງ ໂດຍການເປັນປະທານຂອງທ່ານ ນາງ ວິໄລພອນ ຖະໜອມສັກ ຮອງປະທານຄະນະກໍາມະການປົກຄອງນະຄອນ, ມີທ່ານ ດາວວັນ ສີລິວົງ ຫົວໜ້າຫ້ອງການຄຸ້ມຄອງ ແລະ ບໍລິການຕົວເມືອງນະຄອນ ພ້ອມດ້ວຍຫົວໜ້າ-ຮອງຫົວໜ້າຫ້ອງການ, ຕາງໜ້າບໍລິສັດສັນຍາຮັບເໝົາເກັບມ້ຽນຂີ້ເຫຍື້ອ ຕະຫຼອດຮອດນາຍບ້ານ 80 ບ້ານເຂົ້າຮ່ວມ.

ທົ່ວປະເທດ ຈະປູກຕົ້ນໄມ້ໃນເນື້ອທີ່ ປະມານ 7,300 ກວ່າເຮັກຕາ

25/05/2026 13:49

ທົ່ວປະເທດມີແຜນປູກຕົ້ນໄມ້ ໃນເນື້ອທີ່ປະມານ 7,300 ກວ່າເຮັກຕາ ໂດຍຈະໃຊ້ເບ້ຍໄມ້ຈໍານວນ 4,516,000 ກວ່າເບ້ຍ, ໃນຂະນະດຽວກັນ ຢູ່ນະຄອນຫຼວງວຽງຈັນ ກະຊວງກະສິກຳ ແລະ ສິ່ງ ແວດລ້ອມ ໄດ້ປະສານສົມທົບກັບ ພະແນກກະສິກຳ ແລະ ປ່າໄມ້ ນະຄອນຫຼວງວຽງຈັນ ແລະ ພາກສ່ວນທີ່ກ່ຽວຂ້ອງ ຈະປູກຕົ້ນໄມ້ໃນເນື້ອທີ່ ປະມານ 50 ເຮັກຕາ ແລະ ເບ້ຍໄມ້ 80 ພັນກວ່າເບ້ຍ.

ເພີ່ມເຕີມ