 |
ໂຄງການຕິດຕັ້ງໄຟຟ້າເຂົ້າປ້ອມຫ້ວຍອີ່ຮຸມໃນຄັ້ງນີ້, ມີມູນຄ່າການທັງໝົດ 142 ລ້ານກີບ, ຊຶ່ງແມ່ນທຶນສົມທົບຈາກງົບປະມານຂອງແຂວງໄຊຍະບູລີ. ເພື່ອແນໃສ່ປັບປຸງພື້ນຖານໂຄງລ່າງ ແລະ ອຳນວຍຄວາມສະດວກໃຫ້ແກ່ພະນັກງານ-ນັກຮົບ ທີ່ປະຕິບັດໜ້າທີ່ຢູ່ຂອບເຂດດັ່ງກ່າວ ໃຫ້ມີແສງສະຫວ່າງໃຊ້ສອຍເຂົ້າໃນການເຮັດວຽກງານວິຊາສະເພາະ ກໍຄືການດຳລົງຊີວິດປະຈຳວັນໃຫ້ມີຄວາມສະດວກສະບາຍຂຶ້ນກວ່າເກົ່າ.
ສະຫາຍ ເລຂາຄະນະບໍລິຫານງານພັກແຂວງ ຍັງໄດ້ເນັ້ນໜັກໃຫ້ຄະນະພັກ-ຄະນະບັນຊາ ກອງຮ້ອຍທະຫານຊາຍແດນ 158 ຈົ່ງພ້ອມກັນປົກປັກຮັກສາ ແລະ ນຳໃຊ້ລະບົບໄຟຟ້າດັ່ງກ່າວໃຫ້ເກີດປະໂຫຍດສູງສຸດ, ຮັບປະກັນຄວາມປອດໄພ ແລະ ສືບຕໍ່ປະຕິບັດໜ້າທີ່ການເມືອງທີ່ໄດ້ຮັບການມອບໝາຍໃຫ້ມີຜົນສຳເລັດໃໝ່ທີ່ດີກວ່າເກົ່າ.
(ແຫຼ່ງຂ່າວ: ເມືອງແກ່ນທ້າວ)
ຄໍາເຫັນ