 |
ໃນພິທີ, ສະຫາຍ ນາງ ມຸກດາວັນ ສີສຸລິດ ໄດ້ຂຶ້ນຜ່ານບົດສະຫຼຸບ ແລະ ທິດທາງແຜນການ ໃນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ຂອງຄະນະບໍລິຫານງານຊາວໜຸ່ມ ກຕທ ປະຈໍາປີ 2024 ຊຶ່ງໄດ້ຍົກໃຫ້ເຫັນເຖິງຜົນການຈັດຕັ້ງປະຕິບັດຂໍ້ແຂ່ງຂັນ 4 ບຸກ ປະຈໍາປີ 2024 ຂອງຄະນະ ຊາວໜຸ່ມປະຊາຊົນປະຕິວັດລາວ ກຕທ ໃນແຕ່ລະດ້ານ ເປັນຕົ້ນແມ່ນບຸກດ້ານແນວຄິດ, ບຸກດ້ານ ການຝຶກຝົນຫຼໍ່ຫຼອມຮໍ່າຮຽນ, ບຸກດ້ານການປັບປຸງ-ກໍ່ສ້າງການຈັດຕັ້ງ ແລະ ບຸກດ້ານວຽກງານ ວິຊາສະເພາະ, ໂດຍໄດ້ຖືເອົາວຽກງານແນວຄິດເປັນບຸລິມະສິດ ແລະ ສອດຫ້ອຍເຂົ້າໃນທຸກ ຂົງເຂດວຽກງານ ເພື່ອສ້າງໃຫ້ຖັນແຖວສະມາຊິກຊາວໜຸ່ມມີຄວາມອຸ່ນອ່ຽນທຸ່ນທ່ຽງ, ເຊື່ອໝັ້ນຕໍ່ການນໍາ ພາຊີ້ນໍາ ແລະ ກໍາແໜ້ນແນວທາງນະໂຍບາຍຂອງພັກ-ລັດ ໂດຍສະເພາະແມ່ນແນວທາງການຕ່າງ ປະເທດ; ໄດ້ໃຫ້ຄວາມສໍາຄັນ ແລະ ເອົາໃຈໃສ່ຊຸກຍູ້ແຕ່ລະໜ່ວຍຊາວໜຸ່ມສ້າງກິດຈະກໍາ ເສີມສ້າງ ຄວາມອາດສາມາດໃຫ້ແກ່ສະມາຊິກຊາວໜຸ່ມ ໂດຍການແລກປ່ຽນບົດຮຽນດ້ານວຽກງານວິຊາສະເພາະ, ການຄົ້ນຄວ້າຂີດຂຽນ, ເຕັກນິກການເຈລະຈາ ແລະ ອື່ນໆພາຍໃນກົມ ແລະ ລະຫວ່າງ ກົມດ້ວຍກັນ ຢ່າງເປັນຂະບວນຟົດຟື້ນ; ໄດ້ປັບປຸງກົງຈັກການຈັດຕັ້ງຕາມສະພາບຈຸດພິເສດຂອງຕົນເພື່ອເຮັດໃຫ້ ການປະຕິບັດວຽກງານມີຄວາມຕໍ່ເນື່ອງ; ພ້ອມທັງໄດ້ເປັນເສນາທິການໃຫ້ແກ່ ຄະນະພັກ-ຄະນະນໍາ ກະຊວງໃນການເຄື່ອນໄຫວວຽກງານການຕ່າງປະເທດ ໂດຍສະເພາະການຄົ້ນຄວ້າ, ວິເຄາະ, ວິໄຈສະ ພາບການພາກພື້ນ ແລະ ສາກົນ, ປະຕິບັດວຽກການຂ່າວ, ກົງສູນ, ວຽກງານຊາຍແດນ, ການທູດ ເສດຖະກິດ, ພິທີການ ແລະ ອື່ນໆ ລວມທັງການແປພາສາ ໃຫ້ການນໍາຂັ້ນສູງ, ບັນດາກະຊວງ ແລະ ຂະແໜງການອື່ນໆ. ນອກຈາກນັ້ນ, ສະຫາຍ ນາງ ມຸກດາວັນ ສີສຸລິດ ໄດ້ສະຫຼຸບຕີລາຄາ ແລະ ຍົກໃຫ້ເຫັນເຖິງສາເຫດທີ່ພາໃຫ້ມີດ້ານດີ, ຂໍ້ຄົງຄ້າງ ແລະ ບົດຮຽນທີ່ຖອດຖອນໄດ້ໃນການຈັດຕັ້ງ ປະຕິບັດຂໍ້ແຂ່ງຂັນ 4 ບຸກ ຊຶ່ງຜ່ານການຕີລາຄາແຕ່ລະດ້ານແມ່ນສາມາດຈັດຢູ່ໃນປະເພດແຂງ.
 |
ໃນວາລະຄັ້ງນີ້, ໄດ້ມີພິທີມອບ-ຮັບທຸງໄຊນໍາໜ້າຂະບວນການແຂ່ງຂັນ 4 ບຸກ, ມອບ-ຮັບ ໃບຢັ້ງຢືນຊາວໜຸ່ມ 4 ບຸກ ປະຈໍາປີ 2022, 2023 ແລະ 2024 ໃຫ້ແກ່ ຄະນະບໍລິຫານງານ ຊາວໜຸ່ມປະຊາຊົນປະຕິວັດລາວກະຊວງການຕ່າງປະເທດ; ມອບ-ຮັບ ໃບຢັ້ງຢືນຊາວໜຸ່ມ 4 ບຸກ ແລະ ໃບຢັ້ງຢືນຊາວໜຸ່ມຕົວແບບ ປະຈໍາປີ 2024 ໃຫ້ແກ່ບັນດາໜ່ວຍຊາວໜຸ່ມພາຍໃນກະຊວງ ແລະ ສະມາຊິກຊາວໜຸ່ມຕົວແບບ; ພ້ອມທັງໄດ້ມີພິທີປະດັບຫຼຽນຊາວໜຸ່ມຕະລຸມບອນ ໃຫ້ແກ່ຄະ ນະນໍາກະຊວງ ແລະ ອະດີດຄະນະບໍລິຫານງານຊາວໜຸ່ມກະຊວງ ຜູ້ທີ່ໄດ້ປະກອບສ່ວນຢ່າງຫ້າວຫັນ ເຂົ້າໃນວຽກງານຊາວໜຸ່ມ ໃນຕະຫຼອດໄລຍະຜ່ານມາ ຈໍານວນ 6 ສະຫາຍ.
 |
ໃນຕອນທ້າຍຂອງພິທີ, ສະຫາຍ ທອງສະຫວັນ ພົມວິຫານ ແລະ ສະຫາຍ ທອງລີ ສີສຸລິດ ໄດ້ໃຫ້ກຽດໂອ້ລົມ ແລະ ມີຄໍາເຫັນຊີ້ນໍາຕໍ່ຄະນະບໍລິຫານງານຊາວໜຸ່ມກະຊວງ ແລະ ສະມາຊິກ ຊາວໜຸ່ມກະຊວງການຕ່າງປະເທດ ຊຶ່ງໄດ້ສະແດງຄວາມຊົມເຊີຍຕໍ່ບັນດາຜົນສໍາເລັດຂອງຊາວໜຸ່ມ ກະຊວງການຕ່າງປະເທດທີ່ໄດ້ປະກອບສ່ວນເຂົ້າໃນຂະບວນການຕ່າງໆ ຈົນສາມາດຍາດໄດ້ທຸງໄຊນໍາໜ້າຂະບວນການຂໍ້ແຂ່ງຂັນ 4 ບຸກ ໃນຄັ້ງນີ້; ພ້ອມທັງໄດ້ຮຽກຮ້ອງໃຫ້ຄະນະຊາວໜຸ່ມກະຊວງ ສືບຕໍ່ ເອົາໃຈໃສ່ສຶກສາອົບຮົມແນວຄິດຂອງບັນດາສະມາຊິກຊາວໜຸ່ມໃຫ້ມີຄຸນສົມບັດສິນທໍາປະຕິວັດ, ຄວາມ ອຸ່ນອ່ຽນທຸ່ນທ່ຽງ, ເຊື່ອໝັ້ນຕໍ່ການນໍາພາຂອງພັກ-ລັດ ແລະ ມີສະຕິລະວັງຕົວ ຮູ້ຈໍາແນກມິດ-ສັດ ຕູຢ່າງຈະແຈ້ງ; ສືບຕໍ່ນໍາພາ ແລະ ສົ່ງເສີມຄວາມຮູ້ດ້ານວິຊາການ-ວິຊາສະເພາະ ໃຫ້ແກ່ສະມາຊິກ ຊາວໜຸ່ມ ເພື່ອຕອບສະໜອງກັບຄວາມຮຽກຮ້ອງຕ້ອງການຂອງໜ້າທີ່ວຽກງານໃນແຕ່ລະໄລຍະ; ສືບຕໍ່ ປັບປຸງກົງຈັກການຈັດຕັ້ງ ແລະ ແບບແຜນການຊີ້ນໍາ-ນໍາພາຂອງຄະນະບໍລິຫານງານຊາວໜຸ່ມກະຊວງ ເພື່ອໃຫ້ສາມາດຊີ້ນໍາການເຄື່ອນໄຫວວຽກງານຊາວໜຸ່ມໄດ້ຢ່າງມີປະສິດທິພາບ ແລະ ຕໍ່ເນື່ອງ; ສືບຕໍ່ ສົ່ງເສີມວຽກງານດ້ານວິຊາສະເພາະໃຫ້ເປັນລະບົບ, ມີແບບແຜນ ແລະ ມີເປົ້າໝາຍອັນແນ່ນອນ, ເປັນເຈົ້າການໃນການເປັນເສນາທິການໃຫ້ແກ່ຄະນະພັກ-ຄະນະນໍາກະຊວງໃນການຄົ້ນຄວ້າ, ລົງເລິກ ແລະ ຕິດຕາມ ສະພາບການທີ່ພົ້ນເດັ່ນຂອງພາກພື້ນ ແລະ ສາກົນ; ພ້ອມທັງສືບຕໍ່ແກ້ໄຂຂໍ້ຄົງຄ້າງ ເພື່ອເຮັດໃຫ້ຊາວໜຸ່ມກະຊວງການຕ່າງປະເທດ ມີຄວາມໜັກແໜ້ນ, ເຂັ້ມແຂງ ໃຫ້ສົມກັບຄໍາເວົ້າຂອງ ປະທານ ໄກສອນ ພົມວິຫານ ທີ່ວ່າ: “ຊາວໜຸ່ມຈົ່ງເປັນດັ່ງນົກອິນຊີ ທີ່ບໍ່ຫວັ່ນກົວຕໍ່ພາຍຸລົມແດງ ຈົ່ງກາຍເປັນສິນໄຊແຫ່ງຍຸກສະໄໝ ພວກເຮົາ”
(ຂ່າວ: ກຕທ; ພາບ: ແສງຈັນ)
ຄໍາເຫັນ