 |
ໃນພິທີ, ສະຫາຍ ຄຳໄຊ ເຊຍຍີ້ງຢ່າງ ຫົວໜ້າກົມຈັດຕັ້ງ ແລະ ພະນັກງານ ກະຊວງ ຮສສ ໄດ້ຂຶ້ນຜ່ານຮ່າງບົດສະຫຼຸບການນໍາພາຈັດຕັ້ງປະຕິບັດແຜນກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2025 ແລະ ທິດທາງແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2026; ຜ່ານບົດສະຫຼຸບວຽກງານແຂ່ງຂັນ-ຍ້ອງຍໍ ປະຈໍາປີ 2025 ແລະ ທິດທາງແຜນການ ປະຈຳປີ 2026; ຜ່ານມະຕິຮັບຮອງບັນດາໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2025 ແລະ ມະຕິຮັບຮອງແຜນການສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ປະຈຳປີ 2026. ຈາກນັ້ນ, ສະຫາຍ ນາງ ອານົງຮັກ ຫວ່າງວັນທານຸວົງ ຮອງຫົວໜ້າກົມຈັດຕັ້ງ ແລະ ພະນັກງານ ກະຊວງ ຮສສ ໄດ້ຂຶ້ນຜ່ານມະຕິຕົກລົງກົມກອງ ແລະ ບຸກຄົນດີເດັ່ນ ປະຈໍາປີ 2025.
ຜ່ານການນໍາພາ-ຊີ້ນໍາ ຢ່າງໃກ້ຊິດຂອງຄະນະພັກ, ຄະນະນໍາກະຊວງ ໂດຍໄດ້ຖືເອົາວຽກງານດັ່ງກ່າວເປັນໜ້າທີ່ໃຈກາງ ແລະ ຄວາມຮັບຜິດຊອບການເມືອງຂອງຕົນ ຊຶ່ງໄດ້ແຕ່ງຕັ້ງຄະນະຮັບ ຜິດຊອບຊີ້ນໍາ ແລະ ໜ່ວຍງານວິຊາການຊ່ວຍວຽກເພື່ອລົງຊີ້ນໍາ ແລະ ແນະນໍາວິທີສະຫຼຸບ, ວິທີສ້າງແຜນການ, ໄດ້ມີການລົງຊຸກຍູ້ຕິດຕາມ, ກວດກາ ແລະ ປະເມີນການຈັດຕັ້ງປະຕິບັດແຜນກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນຕາມ 5 ເນື້ອໃນ, ການຄັດເລືອກຜົນງານກົມ-ກອງ ແລະ ບຸກຄົນດີເດັ່ນ ຕິດພັນກັບຂໍ້ແຂ່ງຂັນຂອງບັນດາກົມ-ກອງ ແລະ ບຸກຄົນ ຊຶ່ງປີ 2025 ໄດ້ຮັບຮອງແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ໄດ້ທັງໝົດ 14 ໜ່ວຍພັກ, ຜ່ານການຕິດຕາມ, ກວດກາ, ປະເມີນຜົນ ແລະ ຄັດເລືອກສາມາດຮັບຮອງ ເປັນໜ່ວຍພັກປອດໃສ, ເຂັ້ມແຂງ, ໜັກແໜ້ນໄດ້ 6 ໜ່ວຍພັກ; ປະເພດແຂງ 4 ໜ່ວຍພັກ. ໃນນີ້, ມີສະມາຊິກພັກແຂງ 242 ສະຫາຍ ຍິງ 115 ສະຫາຍ, ສະມາຊິກພັກກາງ 4 ສະຫາຍ ຍິງ 2 ສະຫາຍ ແລະ ກົມ-ກອງ ດີເດັ່ນ ປະເພດ I: ໄດ້ 7 ກົມ-ກອງ; ປະເພດ II: ໄດ້ 4 ກົມ-ກອງ, ບຸກຄົນດີເດັ່ນ ປະເພດ I: ໄດ້ 425 ສະຫາຍ ຍິງ 212 ສະຫາຍ; ປະເພດ II: ໄດ້ 12 ສະຫາຍ ຍິງ 5 ສະຫາຍ. ການຈັດພິທີມອບ-ຮັບໃບຢັ້ງຢືນໃນຄັ້ງນີ້ຂຶ້ນ, ເພື່ອເປັນການຢັ້ງຢືນຜົນງານ ແລະ ຜົນສໍາເລັດການນໍາພາຊີ້ນໍາຂອງບັນດາຮາກຖານພັກ, ການຈັດຕັ້ງປະຕິບັດແຜນການກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ພ້ອມທັງເປັນການຍ້ອງຍໍສັນລະເສີນກົມ-ກອງ, ບຸກຄົນ ທີ່ໄດ້ປະກອບສ່ວນເຫື່ອແຮງສະຕິປັນຍາເຂົ້າໃນການປົກປັກຮັກສາ ແລະ ສ້າງສາພັດທະນາປະເທດຊາດເວົ້າລວມ, ເວົ້າສະເພາະໃນການປະກອບສ່ວນເຮັດໜ້າທີ່ການເມືອງ ກໍຄືການນໍາພາຊີ້ນໍາວຽກງານ ຮສສ ບົນຈິດໃຈບຸກທະລຸຕາມເນື້ອໃນຂອງຂໍ້ແຂ່ງຂັນຮັກຊາດ ແລະ ພັດທະນາ ທີ່ຕິດພັນກັບວຽກງານສາມສ້າງຢ່າງມີຜົນສໍາເລັດ.
 |
ໂອກາດນີ້, ສະຫາຍນາງ ແກ້ວ ຈັນທະວີໄຊ ໄດ້ໃຫ້ກຽດໂອ້ລົມ ສະແດງຄວາມຊົມເຊີຍຄະນະຮັບຜິດຊອບກໍ່ສ້າງໜ່ວຍພັກປອດໃສ, ເຂັ້ມແຂງ, ໜັກແໜ້ນ ແລະ ຄະນະຮັບຜິດຊອບວຽກງານແຂ່ງ ຂັນ-ຍ້ອງຍໍ, ຮັກຊາດ ແລະ ພັດທະນາຂອງກະຊວງ ທີ່ໄດ້ຕັ້ງໜ້າເຄື່ອນໄຫວປະຕິບັດໜ້າທີ່ຂອງຕົນເຮັດໃຫ້ມີຜົນສໍາເລັດ ແລະ ຍາດໄດ້ຜົນງານຕະຫຼອດໄລຍະ 1 ປີຜ່ານມາ ແລະ ເນັ້ນໜັກໃຫ້ຄະນະພັກແຕ່ລະຂັ້ນສືບຕໍ່ເອົາໃຈໃສ່ວຽກງານດັ່ງກ່າວ ໃຫ້ໄດ້ດີຂຶ້ນກວ່າເກົ່າໃນຕໍ່ໜ້າ.
ຂ່າວ-ພາບ: ວັນເພັງ
ຄໍາເຫັນ