 |
ໃນພິທີໄດ້ຜ່ານມະຕິຕົກລົງ ແລະ ຄຳສັ່ງຂອງກົມການເມືອງສູນກາງພັກ ເລກທີ 37/ກມສພ, ເລກທີ 21/ກມສພ ແລະ ເລກທີ 32/ປປທ ຊຶ່ງມີເນື້ອໃນສຳຄັນຄື: ກົມການເມືອງສູນກາງພັກອອກມະຕິຕົກລົງໃຫ້ ສະຫາຍ ເລັດ ໄຊຍະພອນ ກຳມະການສູນກາງພັກ ສະໄໝທີ XI ພັກຮັບອຸດໜູນບຳນານ, ແຕ່ງຕັ້ງຍົກຍ້າຍ ສະຫາຍ ຄຳຜອຍ ວັນນະສານ ກຳມະການສູນກາງພັກ ຮອງເລຂາຄະນະບໍລິຫານງານພັກ ຮອງປະທານສູນກາງແນວລາວສ້າງຊາດ ມາເປັນເລຂາຄະນະບໍລິຫານງານພັກ ປະທານສູນກາງສະຫະພັນກຳມະບານລາວ (ຜູ້ໃໝ່).
ຈາກນັ້ນ, ກໍໄດ້ເຊັນບົດບັນທຶກ ມອບ-ຮັບໜ້າທີ່ ລະຫວ່າງ ສະຫາຍ ເລັດ ໄຊພອນ ກໍາມະການກົມການເມືອງສູນກາງພັກ ສະໄໝທີ XI ເລຂາຄະນະບໍລິຫານງານພັກ ປະທານສູນກາງສະຫະພັນກຳມະບານລາວ (ຜູ້ເກົ່າ) ແລະ ສະຫາຍ ຄຳຜອຍ ວັນນະສານ ກໍາມະການສູນກາງພັກ ຮອງເລຂາຄະນະບໍລິຫານງານພັກ ຮອງປະທານສູນກາງແນວລາວສ້າງຊາດ ເພື່ອຮັບຜິດຊອບໜ້າທີ່ໃໝ່ ຢູ່ສູນກາງສະຫະພັນກຳມະບານລາວ.
ໃນໂອກາດນີ້, ສະຫາຍ ກິແກ້ວ ໄຂຄຳພິທູນ ໄດ້ໃຫ້ກຽດໂອ້ລົມ ແລະ ຕີລາຄາສູງຕໍ່ຄວາມຮັບຜິດຊອບຂອງທັງສອງສະຫາຍ ທີ່ໄດ້ທຸ່ມເທສະຕິປັນຍາເຂົ້າໃນການຊີ້ນຳ-ນຳພາວຽກງານຂອງພັກ-ລັດ ໃນໄລຍະຜ່ານມາ. ພ້ອມກັນນັ້ນ, ສະຫາຍກໍໄດ້ເນັ້ນໜັກໃຫ້ຜູ້ທີ່ມາຮັບໜ້າທີ່ໃໝ່ ຈົ່ງສືບຕໍ່ມູນເຊື້ອອັນດີງາມ, ເພີ່ມທະວີຄວາມສາມັກຄີພາຍໃນໃຫ້ແໜ້ນແຟ້ນ ແລະ ຕັ້ງໜ້າຜັນຂະຫຍາຍວຽກງານກຳມະບານໃຫ້ມີບາດກ້າວຂະຫຍາຍຕົວໃໝ່ຢ່າງເຂັ້ມ
ແຂງ.
(ຂ່າວ-ພາບ: ບຸນຕອມ)
ຄໍາເຫັນ