ພິທີປະກາດການຈັດຕັ້ງ, ມອບ-ຮັບໜ້າທີ່ຫົວໜ້າການເມືອງ ກອງບັນຊາການທະຫານເມືອງໄຊຍະບູລີ ແຂວງໄຊຍະບູລີ ລະຫວ່າງຜູ້ເກົ່າ ແລະ ຜູ້ໃໝ່ ຈັດຂຶ້ນໃນວັນທີ 19 ມິຖຸນາຜ່ານມາ, ທີ່ຫ້ອງປະຊຸມຫ້ອງວ່າການເມືອງ ໂດຍການເປັນປະທານຂອງສະຫາຍ ຄຳຫຼ້າ ຜິວວັນນາ ຄະນະປະຈຳພັກແຂວງ ເລຂາຄະນະບໍລິຫານພັກເມືອງ ຫົວໜ້າຄະນະສະມາຊິກສະພາປະຊາຊົນແຂວງ ປະຈຳເຂດເລືອກຕັ້ງເມືອງ ພ້ອມດ້ວຍພາກສ່ວນກ່ຽວຂ້ອງເຂົ້າຮ່ວມ.
ໃນພິທີ, ສະຫາຍ ພັທ ບຸນມີ ໄຊສັນຕິ ຫົວໜ້າພະແນກພະນັກງານ ກອງບັນຊາການທະຫານແຂວງ ໄຊຍະບູລີ ໄດ້ຂຶ້ນຜ່ານຄຳສັ່ງຂອງກອງບັນຊາການທະຫານແຂວງ ວ່າດ້ວຍການຍົກຍ້າຍພະນັກງານມາປະ ຈຳການຢູ່ຫ້ອງການເມືອງ ກອງບັນຊາການທະຫານແຂວງຄື: ສະຫາຍ ພັທ ບຸນທະວີ ຖານະວັນ ຫົວໜ້າການເມືອງ ກອງບັນຊາການທະຫານເມືອງໄຊຍະບູລີ, ສະຫາຍ ຮທ ສົມບັດ ປັນຍາທອງ ກອງບັນຊາການທະຫານເມືອງໄຊຍະບູລີ, ຜ່ານຂໍ້ຕົກລົງຊົ່ວຄາວຂອງກອງບັນຊາການທະຫານແຂວງ ວ່າດ້ວຍການບົ່ງຕົວແຕ່ງຕັ້ງຫົວໜ້າການເມືອງ ກອງບັນຊາການທະຫານເມືອງໄຊຍະບູລີ; ກອງບັນຊາການທະຫານແຂວງ ຕົກລົງແຕ່ງຕັ້ງສະຫາຍ ພັທ ທອງໃບ ແກ້ວອຸດົມ ເປັນຫົວໜ້າການເມືອງ ກອງບັນຊາການທະຫານເມືອງໄຊຍະບູລີ.
ຈາກນັ້ນ, ສະຫາຍ ພອນພິລຸນ ປີ່ນທິບ ຄະນະປະຈຳພັກເມືອງ ຫົວໜ້າຄະນະຈັດຕັ້ງເມືອງ ໄດ້ຂຶ້ນຜ່ານມະຕິຕົກລົງຂອງຄະນະບໍລິຫານງານພັກເມືອງ ວ່າດ້ວຍການບົ່ງຕົວແຕ່ງຕັ້ງ ເລຂາຄະນະພັກຮາກຖານກອງບັນຊາການທະຫານເມືອງໄຊຍະບູລີ, ຄະນະບໍລິຫານງານພັກເມືອງໄຊຍະບູລີ ຕົກລົງບົ່ງຕົວແຕ່ງຕັ້ງສະຫາຍ ພັທ ທອງໃບ ແກ້ວອຸດົມ ເປັນເລຂາຄະນະພັກຮາກຖານ ກອງບັນຊາການທະຫານເມືອງໄຊຍະບູລີ, ຈາກນັ້ນ, ສະຫາຍ ພັທ ບຸນທະວີ ຖານະວັນ ຫົວໜ້າການເມືອງ ກອງບັນຊາການທະຫານເມືອງໄຊຍະບູລີ (ຜູ້ເກົ່າ) ໄດ້ຂຶ້ນຜ່ານບົດບັນທຶກມອບວຽກ.
ໃນພິທີໄດ້ເຊັນບົດບັນທຶກມອບວຽກ ລະຫວ່າງ ສະຫາຍ ພັທ ບຸນທະວີ ຖານະວັນ ຫົວໜ້າການ ເມືອງ ກອງບັນຊາການທະຫານເມືອງໄຊຍະບູລີ (ຜູ້ເກົ່າ) ແລະ ສະຫາຍ ພັທ ທອງໃບ ແກ້ວອຸດົມ ຫົວໜ້າການເມືອງ ກອງບັນຊາການທະຫານເມືອງໄຊຍະບູລີ (ຜູ້ໃໝ່) ໂດຍມີສະຫາຍຄຳຫຼ້າ ຜິວວັນນາ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມເປັນສັກຂີພິຍານ. ຂ່າວ-ພາບ: ສົມພົງ ສີສະຫວັດ
ຄໍາເຫັນ