ພາກສ່ວນທີ່ນຳເອົາເງິນມາມອບໃນຄັ້ງນີ້ປະກອບມີຄື: ກຸ່ມບໍລິສັດລາວໂທລະຄົມ ຈຳນວນ 1.2 ຕື້ກີບ ຊຶ່ງມອບໂດຍ ທ່ານ ສຸພົນ ຈັນທະວິໄຊ ຜູ້ອຳນວຍການໃຫຍ່ກຸ່ມບໍລິສັດລາວ ໂທລະຄົມ ແລະ ທະນາຄານ ສົ່ງເສີມກະສິກຳ ຈຳກັດ ຈຳນວນ 1 ຕື້ກີບ ຊຶ່ງກ່າວມອບໂດຍ ທ່ານ ພິລາວັນ ສໍພາບມີໄຊ ຜູ້ອຳນວຍການ ທະນາຄານສົ່ງເສີມກະສິກຳ ຈຳກັດ.
 |
ໂອກາດນີ້, ທ່ານ ຮອງນາຍົກຖະມົນຕີ ຫົວໜ້າອະນຸກໍາມະການງົບປະມານ ແລະ ບໍລິຫານ ຕາງໜ້າໃຫ້ລັດຖະບານ ແລະ ອະນຸກໍາມະການງົບປະມານ ແລະ ບໍລິຫານໄດ້ກ່າວສະແດງຄວາມຂອບໃຈ ແລະ ຊົມເຊີຍ ຕໍ່ບັນດາພາກສ່ວນທີ່ໄດ້ນຳເອົາເງິນມາມອບໃນຄັ້ງນີ້ ຊຶ່ງເປັນການປະກອບສ່ວນອັນສຳຄັນ ເຂົ້າໃນການດຳເນີນກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XII ຂອງພັກ ໃຫ້ມີຄວາມໂລ່ງລ່ຽນ ແລະ ໄດ້ຮັບຜົນສຳເລັດຕາມຄາດໝາຍທີ່ວາງໄວ້. ພ້ອມທັງ, ຢືນຢັນວ່າ ຈະນໍາເອົາເງິນທີ່ໄດ້ຮັບໃນຄັ້ງນີ້ໄປນຳໃຊ້ໃຫ້ສອດຄ່ອງກັບຈຸດປະສົງ-ເປົ້າໝາຍ ແລະ ເກີດຜົນປະໂຫຍດສູງສຸດ.
ຂ່າວ ແລະ ພາບ: ກົມປະຊາສຳພັນ, ຫສນຍ.
ຄໍາເຫັນ