ລັດຖະມົນຕີກະຊວງ ຜທ ມີບັນດາທ່ານຫົວໜ້າຫ້ອງການ, ຫົວໜ້າກົມ, ຮອງກົມ ພ້ອມດ້ວຍພາກສ່ວນທີ່ກ່ຽວຂ້ອງເຂົ້າຮ່ວມຢ່າງພ້ອມພຽງ. ຈຸດປະສົງຂອງການເຕົ້າໂຮມກັນມື້ນີ້ແມ່ນ ເພື່ອຮັບການສະໜັບສະໜູນ ຊ່ວຍເຫຼືອຈາກບັນດາບໍລິສັດ ທີ່ໃຫ້ການຊ່ວຍເຫຼືອຜົນກະທົບຈາກໄພນໍ້າຖ້ວມ ຢູ່ບັນດາແຂວງພາກເໜືອ. ຊຶ່ງມີຈໍານວນຈາກ 7 ບໍລິສັດ ລວມເປັນເງິນທັງໝົດ 1 ຕື້ 750 ລ້ານກີບ ໃນນັ້ນ ປະກອບມີ: 1. ບໍລິສັດ ພົງຊັບທະວີ ຈໍາກັດຜູ້ດຽວ ໃຫ້ກຽດມອບໂດຍ ທ່ານ ພົງສະຫວັດ ເສນາພວນ ປະທານກຸ່ມບໍລິສັດ ສະໜັບສະໜູນ ຈໍານວນ 500 ລ້ານກີບ, 2. ທ່ານ ຫວູ ຢາ ເຟີຍ ຕາງໜ້າ ບໍລິສັດ ລາວ-ຈີນ ແຊັງຫົວລົງທຶນພະລັງງານໄຟຟ້າຈຳກັດຜູ້ດຽວ ສະໜັບສະໜູນ ຈໍານວນ 350 ລ້ານກີບ, 3. ທ່ານ ຫຼ້ານ້ອຍ ໄຊຍະວົງ ຜູ້ອໍານວຍການ ບໍລິສັດ ຫົວຂອງ ຈຳກັດຜູ້ດຽວ ສະໜັບສະໜູນ ຈໍານວນ 300 ລ້ານກີບ, 4. ບໍລິສັດໄຊຊະນະ ຈໍາກັດຜູ້ດຽວ ສະໜັບສະໜູນ 250 ລ້ານກີບ, 5. ທ່ານ ຊາຍສະຫວາດ ສີສັນສັກ ຕາງໜ້າ ບໍລິສັດ ກຸ່ມດວງຈະເລີນ ພັດທະນາກໍ່ສ້າງ ຈຳກັດຜູ້ດຽວ ສະໜັບສະໜູນ ຈໍານວນ 150 ລ້ານກີບ, 6. ບໍລິສັດ ຄູນຄໍາອຸດສາຫະກຳ ຈຳກັດຜູ້ດຽວ ສະໜັບສະໜູນ ຈໍານວນ 100 ລ້ານກີບ, 7. ທ່ານ ນາງ ຟອງສະຫວັນ ແກ້ວພົມມາ ຕາງໜ້າ ບໍລິສັດ ເອເຊຍລົງທຶນ ພັດທະນາ ແລະ ກໍ່ສ້າງ ຈຳກັດຜູ້ດຽວ ສະໜັບສະໜູນ ຈໍານວນ 100 ລ້ານກີບ.
ໃນໂອກາດນີ້ ທ່ານ ເພັດ ພົມພິພັກ ໄດ້ມອບໃບຍ້ອງຍໍໃຫ້ແກ່ບັນດາບໍລິສັດດັ່ງກ່າວ ແລະ ພ້ອມທັງ ກ່າວສະແດງຄວາມຂອບໃຈຢ່າງຍິ່ງຕໍ່ບັນດາບໍລິສັດ ທີ່ໄດ້ໃຫ້ການສະໜັບສະໜູນ ປະກອບສ່ວນເຂົ້າໃນການຊ່ວຍເຫຼືອຜູ້ປະສົບໄພພິບັດນໍ້າຖ້ວມ ເພື່ອປົວແປງຊີວິດການເປັນຢູ່ ຂອງປະຊາຊົນ ແລະ ຍັງກ່າວຕື່ມວ່າ: ຈໍານວນເງິນທີ່ໄດ້ຮັບໃນຄັ້ງນີ້ ຈະນໍາໄປມອບໃຫ້ກັບບັນດາ ຄະນະຮັບຜິດຊອບໄພພິບັດ ຂອງແຂວງ, ຈໍານວນໜຶ່ງກໍຈະມອບໃຫ້ກັບບັນດາຄອບຄົວຜູ້ທີ່ຖືກເຄາະຮ້າຍດັ່ງດ່າວ.
(ຂ່າວ-ພາບ: ແສງຈັນ)
ຄໍາເຫັນ