ມອບ-ຮັບສຳນັກງານອົງການປົກຄອງ ເມືອງຊໍາເໜືອ ແຂວງຫົວພັນ

ສູນວັດທະນະທໍາຈີນ ປະຈໍາ ສປປ ລາວ ແລະ ໂຮງຮຽນລຽວໂຕວ ຈັດງານພົບປະແລກປ່ຽນສິລະປະ ການຂຽນຕົວອັກສອນຈີນເຍົາວະຊົນ ພາຍໃຕ້ຫົວຂໍ້ "ບົດກະວີສາລາຫຼານຖິງ" ຂຶ້ນໃນວັນທີ 3 ເມສານີ້ ທີ່ໂຮງ ຮຽນລຽວໂຕວ, ເຂົ້າຮ່ວມມີທ່ານ ຫຼົວເວີ້ຍຈຽ້ນ ຫົວໜ້າສູນວັດທະນະທຳຈີນປະຈຳ ສປປ ລາວ, ມີທ່ານ ຫຼິ້ນຈຸ້ນສົງ ປະທານໂຮງຮຽນລຽວໂຕວ ພ້ອມດ້ວຍພະນັກງານຄູ-ອາຈານ, ນັກຮຽນພາຍໃນໂຮງຮຽນລຽວໂຕວເຂົ້າຮ່ວມຢ່າງເປັນຂະບວນຟົດຟື້ນ.

ໃນວັນທີ 3 ເມສານີ້ ທີ່ ໂຮງແຮມຄຣາວພລາຊາ, ທ່ານ ໄຊຊະນະ ສິດທິພອນ ຮອງລັດຖະມົນຕີ ກະຊວງເຕັກໂນໂລຊີ ແລະ ການສື່ສານ (ກຕສ) ພ້ອມຄະນະ ໄດ້ພົບປະສອງຝ່າຍ ຮ່ວມກັບທ່ານ ອາເລັກຊານເດີ ໂຊຍຕົບ (Alexander Shoitov) ຮອງລັດຖະມົນຕີກະຊວງພັດທະນາດີຈີຕອນ, ການສື່ສານ ແລະ ສື່ມວນຊົນ ສ ຣັດເຊຍ ພ້ອມຄະນະ ເນື່ອງໃນໂອກາດເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນລະຫວ່າງວັນທີ 2-5 ເມສາ 2026.

​ໃນວັນທີ 1 ເມສາ ຜ່ານມານີ້ ທີ່ ກະຊວງການຕ່າງປະເທດ, ທ່ານ ທອງສະຫວັນ ພົມວິຫານ ຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ໄດ້ຕ້ອນຮັບການເຂົ້າຢ້ຽມຂໍ່ານັບຂອງບັນດາທູດອາຊຽນ ປະຈໍາ ສປປ ລາວ ເພື່ອອວຍພອນ ແລະ ສະແດງຄວາມຊົມເຊີຍ ເນື່ອງໃນໂອ ກາດທີ່ໄດ້ຮັບການແຕ່ງຕັ້ງເປັນຮອງນາຍົກລັດຖະມົນຕີ ລັດຖະມົນຕີກະຊວງການຕ່າງປະເທດ ແຫ່ງ ສປປ ລາວ.

ໃນວັນທີ 2 ເມສານີ້, ຄະນະຜູ້ແທນຈາກແຂວງຮ່າຕິ່ງ ສສ ຫວຽດນາມ ນໍາໂດຍ ສະຫາຍ ເຢືອງ ເຕິດ ຖັງ ກຳມະການຄະນະປະຈຳພັກແຂວງ ຮອງປະທານຜູ້ປະຈໍາການ ສະພາປະຊາຊົນແຂວງ ແລະ ຄະນະ ໄດ້ເຂົ້າຢ້ຽມຢາມ ແລະ ອວຍພອນການນໍາພັກ-ລັດ ແຂວງຄໍາມ່ວນ ໃນໂອກາດ ປີໃໝ່ລາວ ພສ 2569 ໂດຍຈັດຂຶ້ນທີ່ຫ້ອງຮັບແຂກ ຫ້ອງວ່າການ ແຂວງ, ໃຫ້ກຽດເຂົ້າຮ່ວມໃນການອວຍພອນ ໃນຄັ້ງນີ້ ໂດຍສະຫາຍ ໄຊຊະນະ ໂຄດພູທອນ ກຳມະການສູນກາງພັກ ເລຂາຄະນະບໍລິຫານງານພັກແຂວງ, ພ້ອມດ້ວຍການນໍາແຂວງ.

ໃນວັນທີ 2 ເມສານີ້, ຄະນະຜູ້ແທນຈາກແຂວງຮ່າຕິ່ງ ສສ ຫວຽດນາມ ນໍາໂດຍ ສະຫາຍ ເຢືອງ ເຕິດ ຖັງ ກຳມະການຄະນະປະຈຳພັກແຂວງ ຮອງປະທານຜູ້ປະຈໍາການ ສະພາປະຊາຊົນແຂວງ ແລະ ຄະນະ ໄດ້ເຂົ້າຢ້ຽມຢາມ ແລະ ອວຍພອນການນໍາພັກ-ລັດ ແຂວງຄໍາມ່ວນ ໃນໂອກາດ ປີໃໝ່ລາວ ພສ 2569 ໂດຍຈັດຂຶ້ນທີ່ຫ້ອງຮັບແຂກ ຫ້ອງວ່າການ ແຂວງ, ໃຫ້ກຽດເຂົ້າຮ່ວມໃນການອວຍພອນ ໃນຄັ້ງນີ້ ໂດຍສະຫາຍ ໄຊຊະນະ ໂຄດພູທອນ ກຳມະການສູນກາງພັກ ເລຂາຄະນະບໍລິຫານງານພັກແຂວງ, ພ້ອມດ້ວຍການນໍາແຂວງ.

ວັນທີ 31 ມີນາ ຜ່ານມານີ້ ທີ່ສໍານັກງານສູນກາງພັກ, ສະຫາຍ ພົນເອກ ວິໄລ ຫຼ້າຄຳຟອງກໍາມະການກົມການເມືອງສູນກາງພັກ ຜູ້ປະຈໍາການຄະນະເລຂາທິການສູນກາງພັກປະຊາຊົນ ປະຕິວັດລາວ ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ສະຫາຍ ຫງວຽນ ແມ້ງ ເກືອງ ກໍາມະການສູນກາງພັກ ຮອງເລຂາຜູ້ປະຈໍາການຄະນະພັກ ຮອງລັດຖະມົນຕີກະຊວງການຕ່າງປະເທດຫວຽດນາມ ພ້ອມດ້ວຍ ຄະນະ ໃນໂອກາດທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ.

ໃນວັນທີ 2 ເມສານີ້ ທີ່ສຳນັກງານໜັງສືພິມປະຊາຊົນ, ບໍລິສັດ ທາງລົດໄຟລາວ-ຈີນ, ຕາງໜ້າ ໂດຍ ທ່ານ ຢິນ ເຈຍ (Yin Jia) ຮອງຫົວໜ້າພະແນກຂ່າວສານວັດທະນາທຳ ແລະ ປະສານງານ ຂອງບໍລິສັດ ດັ່ງກ່າວໄດ້ນຳເອົາກະຕ່າຂອງຂວັນ ມາມອບອວຍພອນພະນັກງານໜັງສືພິມປະຊາຊົນ, ເນື່ອງໃນໂອກາດ ສົ່ງທ້າຍປີເກົ່າ ແລະ ຕ້ອນຮັບປີໃໝ່ລາວ ທີ່ໃກ້ຈະມາເຖິງໃນມໍ່ໆນີ້, ໂດຍໃຫ້ການຕ້ອນຮັບ ຂອງ ທ່ານ ສີວັນ ຫອມໄຊຍະເດດ ຮັກສາການຫົວໜ້າບັນນາທິການໃຫຍ່ໜັງສືືພິມປະຊາຊົນ.

ພິທີວາງສີລາລຶກໂຄງການກໍ່ສ້າງໂຮງໝໍມິດຕະພາບ ດານັງ-ເຊກອງ ຢູ່ເມືອງທ່າແຕງ ແຂວງເຊກອງ ໄດ້ຈັດຂຶ້ນໃນວັນທີ 1 ເມສານີ້, ໂດຍມີທ່ານ ບຸນຫລາຍ ບຸດທິ ເລຂາພັກແຂວງເຊກອງ, ທ່ານ ເລ ຫງ໋ອກ ກວາງ ເລຂາພັກນະຄອນດານັງ ສສ ຫວຽດນາມ, ພ້ອມດ້ວຍຄະນະພັກ-ຄະນະນໍາທັງສອງຝ່າຍ, ມີຕາງໜ້າຈາກກະຊວງສາທາລະນະສຸກ ແລະ ຂະແໜງການກ່ຽວຂ້ອງຂັ້ນແຂວງ ແລະ ເມືອງ ເຂົ້າຮ່ວມ.

ໃນວັນທີ 1 ເມສາ ຜ່ານມາ ທີ່ກະຊວງປ້ອງກັນຄວາມສະຫງົບ (ປກສ), ອົງການໄອຍະການປະຊາຊົນສູງສຸດ ນຳໂດຍ ທ່ານ ພົຈວ ນາງ ລີວົງ ລາວລີ ກຳມະການສູນກາງພັກ ຫົວໜ້າອົງການໄອຍະການປະຊາຊົນສູງສຸດ; ສະຖານທູດຣັດເຊຍ ນຳໂດຍ ທ່ານ ເຊຣເກ ຊົດສະກີ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສ ຣັດເຊຍ ປະຈຳລາວ ແລະ ສະຖານທູດຫວຽດນາມ ນຳໂດຍ ທ່ານ ຫງວຽນ ມິງ ເຕິມ ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສສ ຫວຽດນາມ ປະຈຳລາວ ໄດ້ນຳເອົາກະຕ່າດອກໄມ້ເຂົ້າອວຍພອນຄະນະນຳກະຊວງ ປກສ ເນື່ອງໃນໂອກາດສະເຫຼີມສະຫຼອງວັນສ້າງຕັ້ງກຳລັງ ປກສ ຄົບຮອບ 65 ປີ (5 ເມສາ 1961-5 ເມສາ 2026) ທີ່ໃກ້ຈະມາເຖິງນີ້ ໂດຍເປັນກຽດຕ້ອນຮັບຂອງທ່ານ ພົທ ວັນທອງ ກອງມະນີ ຄະ ນະເລຂາທິການສູນກາງພັກ ລັດຖະມົນຕີກະຊວງ ປກສ ພ້ອມຄະນະ.

ຄະນະນຳ ແຂວງກວາງຫງາຍ ສສ ຫວຽດນາມ ນໍາໂດຍ ສະຫາຍ ຫງວຽນ ຮວ່າງ ຢາງ ກຳມະການສູນກາງພັກ ຮອງເລຂາພັກແຂວງ ປະທານຄະນະກຳມະການປະຊາຊົນແຂວງກວາງຫງາຍ ພ້ອມຄະນະ ເຄື່ອນໄຫວຢ້ຽມຢາມ ແລະ ອ່ວຍພອນ ຄະນະພັກ-ຄະນະນໍາແຂວງເຊກອງ ໃນວັນທີ 1 ເມສາ 2026 ຢູ່ທີ່ຫ້ອງວ່າການແຂວງເຊກອງ ເນື່ອງໃນໂອກາດບຸນປີໃໝ່ລາວ ພສ 2569 ທີ່ຈະມາເຖິງນີ້ ໂດຍການຕ້ອນຮັບຂອງ ສະຫາຍ ຂັນຕີ ສີລະວົງສາ ຮອງເລຂາພັກແຂວງ ປະທານຄະນະກຳມະການປົກຄອງແຂວງເຊກອງ ພ້ອມດ້ວຍພາກສ່ວນກ່ຽວຂ້ອງ ເຂົ້າຮ່ວມ.