ເມືອງຫ້ວຍຊາຍແຂວງບໍ່ແກ້ວ ຈັດພິທີສະເຫຼີມສະຫຼອງວັນຄົນພິການແຫ່ງຊາດ ແລະ ວັນຜູ້ອາຍຸສູງ ໃນວັນທີ 3 ຕຸລາ ນີ້ ໂດຍການເປັນປະທານຂອງ ທ່ານ ຄໍາຜະຫຍາ ພົມປັນຍາ ຮອງເຈົ້າແຂວງບໍ່ແກ້ວ, ທ່ານ ຫົງແກ້ວ ວິໄນວົງ ເຈົ້າເມືອງຫ້ວຍຊາຍ, ມີບັນດາການນໍາຂອງແຂວງ-ເມືອງ, ຫົວໜ້າ-ຮອງຫົວໜ້າຫ້ອງການອ້ອມຂ້າງເມືອງ, ພະນັກງານອາວຸໂສ ບໍານານ ແລະ ຜູ້ອາຍຸສູງ ເຂົ້າຮ່ວມ.
ທ່ານ ຫົງແກ້ວ ວິໄນວົງ ໄດ້ມີຄຳເຫັນວ່າ: ຍາມໃດພັກ ແລະ ລັດຖະບານ ກໍໃຫ້ຄວາມສໍາຄັນ, ເປັນຫ່ວງ ເປັນໃຍ ນຳສຸຂະພາບ ແລະ ຊີວິດການເປັນຢູ່ຂອງພະນັກງານອາວຸໂສບໍານານ, ຜູ້ພິການ ແລະ ຜູ້ເສຍອົງຄະ, ຜູ້ດ້ອຍໂອກາດ, ທັງໄດ້ເອົາໃຈໃສ່ປະຕິບັດນະໂຍບາຍຕ່າງໆຕໍ່ເປົ້າໝາຍດັ່ງກ່າວຕະຫຼອດມາ ໂດຍໄດ້ກຳນົດນະໂຍບາຍ ສະເພາະຜູ້ອາຍຸສູງ ຢ່າງຈະແຈ້ງ ເພື່ອເຮັດໃຫ້ການຄຸ້ມຄອງ, ເບິ່ງແຍງດູແລຜູ້ອາຍຸສູງ ແລະ ຜູ້ພິການ ຢ່າງເປັນລະບົບ ແລະ ເປັນເອກະພາບກັນແຕ່ສູນກາງຮອດທ້ອງຖິ່ນ, ເຮັດໃຫ້ວຽກງານນະໂຍບາຍຕໍ່ເປົ້າໝາຍດັ່ງກ່າວ ຢູ່ປະເທດເຮົາໄດ້ຮັບການປັບປຸງແກ້ໄຂ ແລະ ຂະຫຍາຍຕົວໄປຄຽງຄູ່ກັບການພັດທະນາໃນຂົງເຂດອື່ນໆ ຢ່າງບໍ່ຢຸດຢັ້ງ.
ໂອກາດນີ້, ບັນດາຜູ້ເຂົ້າຮ່ວມສະເຫຼີມສະຫຼອງ ກໍໄດ້ຈັດກິດຈະກຳຍ່າງເພື່ອສຸຂະພາບ ນັບແຕ່ຫ້ອງວ່າການປົກຄອງເມືອງ ໄປຫາສາມແຍກ ບໍລິສັດຈໍານຽນ ແລ້ວມຸ່ງໝ້າໄປຫາກອງພັນເຄື່ອນທີ່ (ຄຸ້ມຂັງເມືອງ), ພ້ອມທັງໄດ້ກວດສຸຂະພາບ ແລະ ວັດແທກສາຍຕາ, ແຈກແວ່ນຕາ ນໍາທີມງານແພດໝໍໂດຍບໍ່ໄດ້ເສຍຄ່າ ຕື່ມອີກ.
ຂ່າວ-ພາບ: ບຸນຈັນ ບຸນປັນຍາ
ທ່ານ ຫົງແກ້ວ ວິໄນວົງ ໄດ້ມີຄຳເຫັນວ່າ: ຍາມໃດພັກ ແລະ ລັດຖະບານ ກໍໃຫ້ຄວາມສໍາຄັນ, ເປັນຫ່ວງ ເປັນໃຍ ນຳສຸຂະພາບ ແລະ ຊີວິດການເປັນຢູ່ຂອງພະນັກງານອາວຸໂສບໍານານ, ຜູ້ພິການ ແລະ ຜູ້ເສຍອົງຄະ, ຜູ້ດ້ອຍໂອກາດ, ທັງໄດ້ເອົາໃຈໃສ່ປະຕິບັດນະໂຍບາຍຕ່າງໆຕໍ່ເປົ້າໝາຍດັ່ງກ່າວຕະຫຼອດມາ ໂດຍໄດ້ກຳນົດນະໂຍບາຍ ສະເພາະຜູ້ອາຍຸສູງ ຢ່າງຈະແຈ້ງ ເພື່ອເຮັດໃຫ້ການຄຸ້ມຄອງ, ເບິ່ງແຍງດູແລຜູ້ອາຍຸສູງ ແລະ ຜູ້ພິການ ຢ່າງເປັນລະບົບ ແລະ ເປັນເອກະພາບກັນແຕ່ສູນກາງຮອດທ້ອງຖິ່ນ, ເຮັດໃຫ້ວຽກງານນະໂຍບາຍຕໍ່ເປົ້າໝາຍດັ່ງກ່າວ ຢູ່ປະເທດເຮົາໄດ້ຮັບການປັບປຸງແກ້ໄຂ ແລະ ຂະຫຍາຍຕົວໄປຄຽງຄູ່ກັບການພັດທະນາໃນຂົງເຂດອື່ນໆ ຢ່າງບໍ່ຢຸດຢັ້ງ.
ໂອກາດນີ້, ບັນດາຜູ້ເຂົ້າຮ່ວມສະເຫຼີມສະຫຼອງ ກໍໄດ້ຈັດກິດຈະກຳຍ່າງເພື່ອສຸຂະພາບ ນັບແຕ່ຫ້ອງວ່າການປົກຄອງເມືອງ ໄປຫາສາມແຍກ ບໍລິສັດຈໍານຽນ ແລ້ວມຸ່ງໝ້າໄປຫາກອງພັນເຄື່ອນທີ່ (ຄຸ້ມຂັງເມືອງ), ພ້ອມທັງໄດ້ກວດສຸຂະພາບ ແລະ ວັດແທກສາຍຕາ, ແຈກແວ່ນຕາ ນໍາທີມງານແພດໝໍໂດຍບໍ່ໄດ້ເສຍຄ່າ ຕື່ມອີກ.
ຂ່າວ-ພາບ: ບຸນຈັນ ບຸນປັນຍາ
ຄໍາເຫັນ