ເມືອງລອງ ສະເຫຼີມສະຫຼອງວັນເດັກນ້ອຍສາກົນ ແລະ ວັນປູກຕົ້ນໄມ້ແຫ່ງຊາດ

ມີທ່ານ ນາງ ປັດ ແຝງຫຼ້າ ກໍາມະການພັກເມືອງ ຄະນະບໍລິຫານງານສະຫະພັນແມ່ຍິງແຂວງ ປະທານສະຫະພັນແມ່ຍິງເມືອງ.

ທ່ານ ສາຍທອງ ບຸນວິໄລ ໄດ້ຜ່ານສານຂອງພະນະທ່ານ ນາຍົກລັດຖະມົນຕີ ແຫ່ງ ສປປ ລາວ ເນື່ອງໃນໂອກາດ ວັນເດັກສາກົນ 1 ມິຖຸນາ 2025. ການສະເຫຼີມສະຫຼອງວັນເດັກສາກົນ 1 ມິຖຸນາ ຂອງທຸກໆປີ ຕິດພັນກັບຂະບວນການປູກຕົ້ນໄມ້ແຫ່ງຊາດປຽບເໜືອນ ປາງບຸນໃຫຍ່ຂອງເດັກທົ່ວໂລກ ທີ່ພ້ອມກັນສະເຫຼີມສະຫຼອງໄປກັບປະຊາຊາດໃນທົ່ວໂລກ ແລະ ທົ່ວທຸກຫົນທຸກແຫ່ງ ກໍຄືເດັກລາວບັນດາເຜົ່າ ເພື່ອສົ່ງເສີມສິດສ້າງຄວາມເຂັ້ມແຂງ, ຄວາມຜາສຸກ ແລະ ຄວາມເປັນຢູ່ທີ່ດີສໍາລັບເດັກ, ເປັນວັນໂຄສະນາປູກຈິກສໍານຶກໃຫ້ຄອບຄົວ, ສັງຄົມໄດ້ຮັບຮູ້, ເຂົ້າໃຈຕໍ່ບັນຫາ ແລະ ຜົນກະທົົບທີ່ເກີດຂຶ້ນກັບເດັກ, ສະໜັບສະໜູນສິດທິຂອງເດັກ ທັງເປັນການຢ້ຳເຕືອນເຖິງຄວາມສໍາຄັນຂອງການລົງທືນ ແລະ ສ້າງຄວາມເຂັ້ມແຂງໃຫ້ແກ່ເດັກທາງດ້ານການສືກສາ, ສຸຂະພາບ ແລະ ການປົກປ້ອງເດັກໃຫ້ມີຄວາມປອດໄພຈາກຄວາມຮຸນແຮງ, ການທໍາສິ່ງລາມົກ-ອານາຈານຜ່ານສື່ສັງຄົມອອນລາຍ ແລະ ການກະທໍາອື່ນໆ ທີ່ສົ່ງຜົນກະທົບຕໍ່ເດັກໃນທາງກົງ ແລະ ທາງອ້ອມ ເພື່ອຮັບປະກັນໃຫ້ເດັກທຸກຄົນມີອານາຄົດທີ່ສົດໃສ ແລະ ຊີວິດທີ່ມີຄຸນນະພາບ. ຈາກນັ້ນ, ຜູ້ເຂົ້າຮ່ວມ ຍັງໄດ້ຮັບຊົມກິດຈະກໍາການສະແດງສິລະປະວັນນະຄະດີ ແລະ ຕອບຄໍາຖາມ ພ້ອມທັງມອບໃບຍ້ອງຍໍໃຫ້ແກ່ຜູ້ອຸປະຖໍາຊ່ວຍເຫຼືອໃນການສະເຫຼີມສະຫຼອງວັນເດັກນ້ອຍສາກົນຕື່ມອີກ.

(ຂ່າວ: ຈັນສຸກ ຜົນປະເສີດ)