ວັນທີ 29 ກັນຍາຜ່ານມາທີ່ຕະຫຼາດບ້ານນາຍາງຄໍາ ເມືອງເງິນ ແຂວງໄຊຍະບູລີ ໄດ້ຈັດພິທີເປີດຕະຫຼາດນັດ ຊື້-ຂາຍສັດ ປະເພດ ງົວ, ຄວາຍຂຶ້ນຢ່າງເປັນທາງການ. ເຂົ້າຮ່ວມເປັນກຽດ ມີທ່ານ ທະວີສັກ ໄຊຍະວົງ ເຈົ້າເມືອງໆເງິນ, ມີທ່ານ ທອງພັນ ສຸກສະຫວັດ ຮອງເຈົ້າເມືອງ ຜູ້ຊີ້ນໍາຂົງເຂດເສດຖະກິດ ຂັ້ນເມືອງ, ມີທ່ານ ຄໍາລື ແສນບຸນມີ ນາຍບ້ານນາຍາງຄໍາ, ມີຫົວໜ້າຫ້ອງການ, ກົມກອງ, ຫົວໜ່ວຍທຸລະກິດ ຜູ້ປະກອບການຊື້-ຂາຍສັດ, ທ່ານນາຍບ້ານເທດສະບານເມືອງ ຕະຫຼອດຮອດປະຊາຊົນບ້ານນາຍາງຄໍາເຂົ້າຮ່ວມ.
ທ່ານ ທອງສຸກ ຈັນປະເສີດ ຫົວໜ້າຫ້ອງການກະສິກໍາ ແລະ ປ່າໄມ້ເມືອງ ໄດ້ຂຶ້ນຜ່ານຂໍ້ຕົກລົງ ຂອງທ່ານເຈົ້າເມືອງ ເລກທີ 366/ຈມ ມງ, ລົງວັນທີ 25 ກໍລະກົດ 2023 ວ່າດ້ວຍການອານຸມັດ ເປີດຕະຫຼາດນັດ ຊື້-ຂາຍສັດ ປະເພດ ງົວ-ຄວາຍ ແລະ ຂໍ້ຕົກລົງວ່າດ້ວຍການຄຸ້ມຄອງຕະຫຼາດນັດ ຊື້-ຂາຍສັດ, ອີງຕາມ ກົດໜາຍ ວ່າດ້ວຍການປົກຄອງທ້ອງຖິ່ນແຫ່ງ ສປປລາວ ສະບັບປັບປຸງ ເລກທີ 68/ສພຊ, ລົງວັນທີ 14 ທັນວາ 2015 ພາກທີ IV ມາດຕາ 40 ວ່າດ້ວຍສິດ ແລະ ໜ້າທີ່ຂອງເຈົ້າເມືອງ, ອີງຕາມກົດໜາຍ ວ່າດ້ວຍການລ້ຽງສັດ ແລະ ສັດຕະວະແພດ ສະບັບປັບປຸງ ເລກທີ 08/ສພຊ, ລົງວັນທີ 11 ພະຈິກ 2016 ອີງຕາມ ດໍາລັດ ວ່າດ້ວຍການຄຸ້ມຄອງ, ເຄື່ອນຍ້າຍສັດ ແລະ ຜະລິດຕະພັນສິນຄ້າກ່ຽວກັບສັດ ສະບັບເລກທີ 230/ລບ ລົງວັນທີ 4 ມິຖຸນາ 2012 ເພື່ອເຮັດໃຫ້ການຄຸ້ມຄອງບໍລິຫານຕະຫຼາດນັດ ຊື້-ຂາຍສັດ ມີຄວາມສອດຄ່ອງ ຖືກຕ້ອງຕາມລະບຽບ, ກົດໝາຍ ຈໍາກັດການຊື້-ຂາຍສັດ ທີ່ບໍ່ຖືກຕ້ອງ ແບບຊະຊາຍ ແລະ ເປັນການປ້ອງກັນການແຜ່ລະບາດຂອງພະຍາດສັດ ທີ່ຈະສົ່ງຜົນກະທົບຕໍ່ຜູ້ລ້ຽງ ໃຫ້ໝົດໄປເທື່ອລະກ້າວ.
ຕອນທ້າຍ, ທ່ານ ທະວີສັກ ໄຊຍະວົງ ໄດ້ເປັນກຽດຂຶ້ນມີຄໍາເຫັນຊີ້ນໍາ ບາງຕອນກ່າວວ່າ: ການເປີດຕະຫຼາດນັດ ຊື້-ຂາຍສັດ ປະເພດ ງົວ-ຄວາຍ ຢູ່ບ້ານນາຍາງຄໍາໃນຄັ້ງນີ້ ກໍເພື່ອເປັນການຊຸກຍູ້ສົ່ງເສີມ ໃຫ້ຜູ້ປະກອບການດ້ານການເກັບຊື້-ຂາຍສັດ ປະເພດ ງົວ-ຄວາຍ, ໃຫ້ເປັນຂະບວນການຟົດຟື້ນ ໂດຍຕິດພັນກັບການປູກ-ການລ້ຽງສັດຂອງປະຊາຊົນຢູ່ແຕ່ລະບ້ານ ໃຫ້ນັບມື້ເພີ່ມຂຶ້ນ ແລະ ໄດ້ມີບ່ອນຊື້-ຂາຍສັດ ເພື່ອສະດວກໃນການຄຸ້ມຄອງການເຄື່ອນຍ້າຍສັດ ທັງເປັນການສ້າງລາຍຮັບໃຫ້ແກ່ບຸກຄົນ ຄອບຄົວ ບ້ານ ແລະ ເມືອງໃຫ້ມີລາຍຮັບສູງຂຶ້ນ,ໂອກາດດັ່ງກ່າວ ທ່ານຍັງໄດ້ຮຽກຮ້ອງໃຫ້ຂະແໜງການທີ່ກ່ຽວຂ້ອງ ຂອງເມືອງໂດຍສະເພາະແມ່ນຫ້ອງການແຜນການ ແລະ ການລົງທຶນ, ຫ້ອງການກະສິກໍາ ແລະ ປ່າໄມ້, ຫ້ອງການອຸດສາຫະກໍາ ແລະ ການຄ້າ, ຫ້ອງການໆເງິນ, ໜ່ວຍບໍລິການປະຕູດຽວ ແລະ ອົງການປົກຄອງບ້ານນາຍາງຄໍາ ຕ້ອງໄດ້ເປັນເຈົ້າການໃນການຊຸກຍູ້, ຕິດຕາມ, ກວດກາການເຄື່ອນຍ້າຍສັດອອກຕ່າງເມືອງ, ຕ່າງແຂວງ ຕ້ອງໄດ້ປະກອບເອກະສານຄົບຖ້ວນ ຖືກຕ້ອງຕາມລະບຽບ ແລະ ກົດໝາຍ ທັງສອດຄ່ອງກັບແນວທາງຂອງພັກ-ນະໂຍບາຍ ຂອງລັດ, ຕະຫຼາດຊື້-ຂາຍສັດ ປະເພດ ງົວ, ຄວາຍ ບ້ານນາຍາງຄໍາ ເປີດບໍລິການທຸກໆວັນສຸກຂອງແຕ່ລະອາທິດ (4 ຄັ້ງຕໍ່ເດືອນ) ນັບແຕ່ເວລາ 6 ໂມງ ຫາ 18 ໂມງ.
(ຂ່າວ-ພາບ: ສຸລິຍາ ແສງເດືອນ)
ທ່ານ ທອງສຸກ ຈັນປະເສີດ ຫົວໜ້າຫ້ອງການກະສິກໍາ ແລະ ປ່າໄມ້ເມືອງ ໄດ້ຂຶ້ນຜ່ານຂໍ້ຕົກລົງ ຂອງທ່ານເຈົ້າເມືອງ ເລກທີ 366/ຈມ ມງ, ລົງວັນທີ 25 ກໍລະກົດ 2023 ວ່າດ້ວຍການອານຸມັດ ເປີດຕະຫຼາດນັດ ຊື້-ຂາຍສັດ ປະເພດ ງົວ-ຄວາຍ ແລະ ຂໍ້ຕົກລົງວ່າດ້ວຍການຄຸ້ມຄອງຕະຫຼາດນັດ ຊື້-ຂາຍສັດ, ອີງຕາມ ກົດໜາຍ ວ່າດ້ວຍການປົກຄອງທ້ອງຖິ່ນແຫ່ງ ສປປລາວ ສະບັບປັບປຸງ ເລກທີ 68/ສພຊ, ລົງວັນທີ 14 ທັນວາ 2015 ພາກທີ IV ມາດຕາ 40 ວ່າດ້ວຍສິດ ແລະ ໜ້າທີ່ຂອງເຈົ້າເມືອງ, ອີງຕາມກົດໜາຍ ວ່າດ້ວຍການລ້ຽງສັດ ແລະ ສັດຕະວະແພດ ສະບັບປັບປຸງ ເລກທີ 08/ສພຊ, ລົງວັນທີ 11 ພະຈິກ 2016 ອີງຕາມ ດໍາລັດ ວ່າດ້ວຍການຄຸ້ມຄອງ, ເຄື່ອນຍ້າຍສັດ ແລະ ຜະລິດຕະພັນສິນຄ້າກ່ຽວກັບສັດ ສະບັບເລກທີ 230/ລບ ລົງວັນທີ 4 ມິຖຸນາ 2012 ເພື່ອເຮັດໃຫ້ການຄຸ້ມຄອງບໍລິຫານຕະຫຼາດນັດ ຊື້-ຂາຍສັດ ມີຄວາມສອດຄ່ອງ ຖືກຕ້ອງຕາມລະບຽບ, ກົດໝາຍ ຈໍາກັດການຊື້-ຂາຍສັດ ທີ່ບໍ່ຖືກຕ້ອງ ແບບຊະຊາຍ ແລະ ເປັນການປ້ອງກັນການແຜ່ລະບາດຂອງພະຍາດສັດ ທີ່ຈະສົ່ງຜົນກະທົບຕໍ່ຜູ້ລ້ຽງ ໃຫ້ໝົດໄປເທື່ອລະກ້າວ.
ຕອນທ້າຍ, ທ່ານ ທະວີສັກ ໄຊຍະວົງ ໄດ້ເປັນກຽດຂຶ້ນມີຄໍາເຫັນຊີ້ນໍາ ບາງຕອນກ່າວວ່າ: ການເປີດຕະຫຼາດນັດ ຊື້-ຂາຍສັດ ປະເພດ ງົວ-ຄວາຍ ຢູ່ບ້ານນາຍາງຄໍາໃນຄັ້ງນີ້ ກໍເພື່ອເປັນການຊຸກຍູ້ສົ່ງເສີມ ໃຫ້ຜູ້ປະກອບການດ້ານການເກັບຊື້-ຂາຍສັດ ປະເພດ ງົວ-ຄວາຍ, ໃຫ້ເປັນຂະບວນການຟົດຟື້ນ ໂດຍຕິດພັນກັບການປູກ-ການລ້ຽງສັດຂອງປະຊາຊົນຢູ່ແຕ່ລະບ້ານ ໃຫ້ນັບມື້ເພີ່ມຂຶ້ນ ແລະ ໄດ້ມີບ່ອນຊື້-ຂາຍສັດ ເພື່ອສະດວກໃນການຄຸ້ມຄອງການເຄື່ອນຍ້າຍສັດ ທັງເປັນການສ້າງລາຍຮັບໃຫ້ແກ່ບຸກຄົນ ຄອບຄົວ ບ້ານ ແລະ ເມືອງໃຫ້ມີລາຍຮັບສູງຂຶ້ນ,ໂອກາດດັ່ງກ່າວ ທ່ານຍັງໄດ້ຮຽກຮ້ອງໃຫ້ຂະແໜງການທີ່ກ່ຽວຂ້ອງ ຂອງເມືອງໂດຍສະເພາະແມ່ນຫ້ອງການແຜນການ ແລະ ການລົງທຶນ, ຫ້ອງການກະສິກໍາ ແລະ ປ່າໄມ້, ຫ້ອງການອຸດສາຫະກໍາ ແລະ ການຄ້າ, ຫ້ອງການໆເງິນ, ໜ່ວຍບໍລິການປະຕູດຽວ ແລະ ອົງການປົກຄອງບ້ານນາຍາງຄໍາ ຕ້ອງໄດ້ເປັນເຈົ້າການໃນການຊຸກຍູ້, ຕິດຕາມ, ກວດກາການເຄື່ອນຍ້າຍສັດອອກຕ່າງເມືອງ, ຕ່າງແຂວງ ຕ້ອງໄດ້ປະກອບເອກະສານຄົບຖ້ວນ ຖືກຕ້ອງຕາມລະບຽບ ແລະ ກົດໝາຍ ທັງສອດຄ່ອງກັບແນວທາງຂອງພັກ-ນະໂຍບາຍ ຂອງລັດ, ຕະຫຼາດຊື້-ຂາຍສັດ ປະເພດ ງົວ, ຄວາຍ ບ້ານນາຍາງຄໍາ ເປີດບໍລິການທຸກໆວັນສຸກຂອງແຕ່ລະອາທິດ (4 ຄັ້ງຕໍ່ເດືອນ) ນັບແຕ່ເວລາ 6 ໂມງ ຫາ 18 ໂມງ.
(ຂ່າວ-ພາບ: ສຸລິຍາ ແສງເດືອນ)
ຄໍາເຫັນ