ເມືອງສາມັກຄີໄຊ ແຂວງອັດຕະປື ໄດ້ຈັດພິທີສັກຢາກັນພະຍາດສັດລ້ຽງ ເນື່ອງໃນໂອກາດວັນສັກຢາກັນພະຍາດສັດລ້ຽງແຫ່ງຊາດ 11 ພະຈິກ 2023 ຢູ່ທີ່ບ້ານຈໍາປາວ ຂຶ້ນໃນວັນທີ 15 ກັນຍາ ຜ່ານມານີ້,ເຂົ້າຮ່ວມເປັນປະທານມີທ່ານ ເພັດມີໄຊ ຄໍາພັກດີ ເຈົ້າເມືອງສາມັກຄີໄຊ ມີບັນດາທ່ານຄະນະນໍາຂອງເມືອງ, ຄະນະພັກອໍານາດການປົກຄອງບ້ານ ແລະ ພາກສ່ວນກ່ຽວຂ້ອງ ພ້ອມດ້ວຍພໍ່ແມ່ປະຊາຊົນເຂົ້າຮ່ວມ.
ໃນພິທີທ່ານນາງ ລັດສະໄໝ ຄໍາພີລາວົງ ຫົວໜ້າຫ້ອງການກະສິກໍາ ແລະ ປ່າໄມ້ເມືອງສາມັກຄີໄຊ ໄດ້ລາຍງານສະພາບລວມກ່ຽວກັບສັດລ້ຽງ ແລະ ຕາໜ່າງສັດຕະວະແພດຂັ້ນບ້ານໃນທົ່ວເມືອງສາມັກຄີໄຊວ່າ: ໃນທົ່ວເມືອງ ປະກອບມີ 4 ກຸ່ມບ້ານ ແລະ 2 ບ້ານໃຫຍ່ ລວມທັງໝົດ 28 ບ້ານຊຶ່ງໃນແຕ່ລະບ້ານ ມີສັດຕະວະແພດຂັ້ນບ້ານ, ບ້ານລະ 2 ທ່ານ ທີ່ເຄື່ອນໄຫວຮ່ວມກັບຫ້ອງການກະສິກໍາ ແລະ ປ່າໄມ້ເມືອງ, ທົ່ວເມືອງມີສັດລ້ຽງທັງໝົດ 133.891 ໂຕ, ໃນນັ້ນ ສັດປະເພດ: ຄວາຍ 5.690 ໂຕ, ງົວ 9.084 ໂຕ, ໝູ 4.973 ໂຕ, ແບ້ 3.219 ໂຕ ແລະ ສັດປີກ 108.772 ໂຕ, ໝາ 2.203 ໂຕ. ນອກນີ້ ຍັງມີຟາມໄກ່ພັນໄຂ່ 1 ຟາມ, ຟາມລ້ຽງສັດປີກ 1 ຟາມ, ຟາມລ້ຽງສັດໃຫຍ່ (ປະເພດງົວ, ຄວາມ, ແບ້) 2 ຟາມ, ຟາມໝູ 2 ຟາມ.
ສະພາບການລ້ຽງສັດຂອງປະຊາຊົນ ໂດຍທົ່ວໄປແລ້ວແມ່ນເປັນການລ້ຽງແບບຄອບຄົວ, ສ່ວນໃຫຍ່ ແມ່ນປະປ່ອຍສັດລ້ຽງຂອງຕົນ ຫາກິນຕາມທຳມະຊາດ ແລະ ເຄິ່ງວິທະຍາສາດ ໄປພ້ອມໆກັບການດູແລເບິ່ງແຍງດ້ວຍການສັກຢາປ້ອງກັນພະຍາດຕາມລະດູການ.
ການຮັກສາສຸຂະພາບສັດລ້ຽງຂອງປະຊາຊົນ ຜ່ານການເຄື່ອນໄຫວໃນແຕ່ລະໄລຍະເຫັນວ່າ ປະຊາຊົນໄດ້ເອົາໃຈໃສ່ດູແລສັດລ້ຽງຂອງຕົນຢ່າງໃກ້ຊິດ, ເອົາໃຈໃສ່ຕິດຕາມອາການ ຫຼື ພະຍາດອື່ນໆ ທີ່ອາດເກີດຂຶ້ນໃນແຕ່ລະລະດູການ. ພ້ອມນີ້ ທາງຫ້ອງການກະສິກໍາ ແລະ ປ່າໄມ້ ກໍໄດ້ເອົາໃຈໃສ່ໃນການລົງເຄື່ອນໄຫວສັກຢາປ້ອງກັນພະຍາດຕາມລະດູການໃຫ້ແກ່ສັດລ້ຽງໃນແຕ່ລະບ້ານຢ່າງທົ່ວເຖິງ, ຊຸກຍູ້ ສ້າງແຫຼ່ງອາຫານ ຕາມທ່າແຮງຂອງປະຊາຊົນ ດ້ວຍການປູກຫຍ້າເສີມ ແລະ ຮັກສາສວນຫຍ້າຈໍານວນໜຶ່ງຕາມເງື່ອນໄຂຂອງພື້ນທີ່, ເກັບຮັກສາເຟືອງແຫ້ງເພື່ອເປັນແຫຼ່ງສະສົມ ອາຫານໃຫ້ພຽງພໍ ແລະ ການເຮັດກ້ອນແຮ່ທາດ ຊຶ່ງທາງຫ້ອງການກະສິກຳ ແລະ ປ່າໄມ້ໄດ້ຈັດຊຸດ ຝຶກອົບຮົມຂຶ້ນໃນຫຼາຍໆເຂດທີ່ຜ່ານມາພາຍໃນເມືອງ.
ວຽກງານສັກຢາປ້ອງກັນພະຍາດສັດລ້ຽງໃນ 1 ປີ ຜ່ານມາກໍຄື ປີ 2022, ການສັກຢາກັນພະຍາດ ສັດລ້ຽງໃນທົ່ວເມືອງ ປະຕິບັດໄດ້ທັງໝົດ 81.076 ໂຕ, ໃນນັ້ນ ຄວາຍ 3.089 ໂຕ, ງົວ 4.992 ໂຕ, ໝູ 1.763 ໂຕ, ແບ້ 1.562 ໂຕ ແລະ ສັດປີກ 69.670 ໂຕ. ໄປພ້ອມໆກັບການໂຄສະນາໃນການເຝົ້າລະວັງການລະບາດຂອງພະຍາດສັດຢ່າງໃກ້ຊິດ. ສະນັ້ນ ໃນປີ 2023 ມັນໄດ້ກາຍເປັນຕົວຢ່າງ ແລະ ສາຍເຫດໜຶ່ງທີ່ເກີດຂຶ້ນ ເຊັ່ນ: ການເກີດພະຍາດສັດລ້ຽງ ໃນ 2 ບ້ານ ມີ: ບ້ານຮົມ ແລະ ບ້ານຮະລາງ ຊຶ່ງມີສັດລົ້ມຕາຍທັງໝົດ 15 ໂຕ ມີ 10 ຄອບຄົວ, ໃນນີ້ ງົວ 7 ໂຕ, ຄວາຍ 8 ໂຕ ການລົ້ມຕາຍ ຂອງສັດດັ່ງກ່າວແມ່ນເປັນການລົ້ມຕາຍ ຂອງພະຍາດສັດຕາມລະດູການ ແລະ ອັນໜຶ່ງກໍແມ່ນເກີດຈາກການຈັດການ (ການບົວລະບັດຮັກສາສຸຂະພາບສັດ) ຂອງເຈົ້າຂອງສັດລ້ຽງ ບໍ່ຖືກຕ້ອງຕາມເຕັກນິກວິຊາການ ເຊັ່ນ: ສັດບໍ່ໄດ້ຮັບການສັກຢາປ້ອງກັນພະຍາດ, ສະຖານທີ່ລ້ຽງສັດບໍ່ສະອາດ ແລະ ອື່ນໆ ຊຶ່ງອາການເບື້ອງຕົ້ນໄດ້ ສະແດງອອກໃນຮູບແບບ ພະຍາດເຕົ້າໂຮມເລືອດງົວ-ຄວາຍ. ຂະແໜງການພວກເຮົາ ໄດ້ຕິດຕາມ, ເຝົ້າລະວັງ ແລະ ແນະນຳໃຫ້ເຈົ້າຂອງສັດລ້ຽງ ຕິດຕາມຢ່າງໃກ້ຊິດຝູງສັດຂອງຕົນເອງ ໃນກໍລະນີເກີດ ມີສັດເຈັບປ່ວຍ ຫຼື ຕາຍ ແມ່ນແນະນໍາໃຫ້ເຈົ້າຂອງສັດ ລາຍງານໃຫ້ອໍານາດການປົກຄອງບ້ານ ແລະ ຫ້ອງການກະສິກຳ ແລະ ປ່າໄມ້ໂດຍໄວ ເພື່ອຫຼີກລ່ຽງການແຜ່ລະບາດ ຂອງພະຍາດສັດລ້ຽງກ້ວາງຂວາງອອກ.
ໃນໂອກາດດຽວກັນ ຄະນະນໍາຂອງເມືອງພ້ອມດ້ວຍພາກສ່ວນກ່ຽວຂ້ອງໄດ້ລົງພື້ນທີ່ເພື່ອຈັດຕັ້ງການສັກຢາສັດຕື່ມອີກ.
ຂ່າວ-ພາບ: ຊິບປະໄຊ
ໃນພິທີທ່ານນາງ ລັດສະໄໝ ຄໍາພີລາວົງ ຫົວໜ້າຫ້ອງການກະສິກໍາ ແລະ ປ່າໄມ້ເມືອງສາມັກຄີໄຊ ໄດ້ລາຍງານສະພາບລວມກ່ຽວກັບສັດລ້ຽງ ແລະ ຕາໜ່າງສັດຕະວະແພດຂັ້ນບ້ານໃນທົ່ວເມືອງສາມັກຄີໄຊວ່າ: ໃນທົ່ວເມືອງ ປະກອບມີ 4 ກຸ່ມບ້ານ ແລະ 2 ບ້ານໃຫຍ່ ລວມທັງໝົດ 28 ບ້ານຊຶ່ງໃນແຕ່ລະບ້ານ ມີສັດຕະວະແພດຂັ້ນບ້ານ, ບ້ານລະ 2 ທ່ານ ທີ່ເຄື່ອນໄຫວຮ່ວມກັບຫ້ອງການກະສິກໍາ ແລະ ປ່າໄມ້ເມືອງ, ທົ່ວເມືອງມີສັດລ້ຽງທັງໝົດ 133.891 ໂຕ, ໃນນັ້ນ ສັດປະເພດ: ຄວາຍ 5.690 ໂຕ, ງົວ 9.084 ໂຕ, ໝູ 4.973 ໂຕ, ແບ້ 3.219 ໂຕ ແລະ ສັດປີກ 108.772 ໂຕ, ໝາ 2.203 ໂຕ. ນອກນີ້ ຍັງມີຟາມໄກ່ພັນໄຂ່ 1 ຟາມ, ຟາມລ້ຽງສັດປີກ 1 ຟາມ, ຟາມລ້ຽງສັດໃຫຍ່ (ປະເພດງົວ, ຄວາມ, ແບ້) 2 ຟາມ, ຟາມໝູ 2 ຟາມ.
ສະພາບການລ້ຽງສັດຂອງປະຊາຊົນ ໂດຍທົ່ວໄປແລ້ວແມ່ນເປັນການລ້ຽງແບບຄອບຄົວ, ສ່ວນໃຫຍ່ ແມ່ນປະປ່ອຍສັດລ້ຽງຂອງຕົນ ຫາກິນຕາມທຳມະຊາດ ແລະ ເຄິ່ງວິທະຍາສາດ ໄປພ້ອມໆກັບການດູແລເບິ່ງແຍງດ້ວຍການສັກຢາປ້ອງກັນພະຍາດຕາມລະດູການ.
ການຮັກສາສຸຂະພາບສັດລ້ຽງຂອງປະຊາຊົນ ຜ່ານການເຄື່ອນໄຫວໃນແຕ່ລະໄລຍະເຫັນວ່າ ປະຊາຊົນໄດ້ເອົາໃຈໃສ່ດູແລສັດລ້ຽງຂອງຕົນຢ່າງໃກ້ຊິດ, ເອົາໃຈໃສ່ຕິດຕາມອາການ ຫຼື ພະຍາດອື່ນໆ ທີ່ອາດເກີດຂຶ້ນໃນແຕ່ລະລະດູການ. ພ້ອມນີ້ ທາງຫ້ອງການກະສິກໍາ ແລະ ປ່າໄມ້ ກໍໄດ້ເອົາໃຈໃສ່ໃນການລົງເຄື່ອນໄຫວສັກຢາປ້ອງກັນພະຍາດຕາມລະດູການໃຫ້ແກ່ສັດລ້ຽງໃນແຕ່ລະບ້ານຢ່າງທົ່ວເຖິງ, ຊຸກຍູ້ ສ້າງແຫຼ່ງອາຫານ ຕາມທ່າແຮງຂອງປະຊາຊົນ ດ້ວຍການປູກຫຍ້າເສີມ ແລະ ຮັກສາສວນຫຍ້າຈໍານວນໜຶ່ງຕາມເງື່ອນໄຂຂອງພື້ນທີ່, ເກັບຮັກສາເຟືອງແຫ້ງເພື່ອເປັນແຫຼ່ງສະສົມ ອາຫານໃຫ້ພຽງພໍ ແລະ ການເຮັດກ້ອນແຮ່ທາດ ຊຶ່ງທາງຫ້ອງການກະສິກຳ ແລະ ປ່າໄມ້ໄດ້ຈັດຊຸດ ຝຶກອົບຮົມຂຶ້ນໃນຫຼາຍໆເຂດທີ່ຜ່ານມາພາຍໃນເມືອງ.
ວຽກງານສັກຢາປ້ອງກັນພະຍາດສັດລ້ຽງໃນ 1 ປີ ຜ່ານມາກໍຄື ປີ 2022, ການສັກຢາກັນພະຍາດ ສັດລ້ຽງໃນທົ່ວເມືອງ ປະຕິບັດໄດ້ທັງໝົດ 81.076 ໂຕ, ໃນນັ້ນ ຄວາຍ 3.089 ໂຕ, ງົວ 4.992 ໂຕ, ໝູ 1.763 ໂຕ, ແບ້ 1.562 ໂຕ ແລະ ສັດປີກ 69.670 ໂຕ. ໄປພ້ອມໆກັບການໂຄສະນາໃນການເຝົ້າລະວັງການລະບາດຂອງພະຍາດສັດຢ່າງໃກ້ຊິດ. ສະນັ້ນ ໃນປີ 2023 ມັນໄດ້ກາຍເປັນຕົວຢ່າງ ແລະ ສາຍເຫດໜຶ່ງທີ່ເກີດຂຶ້ນ ເຊັ່ນ: ການເກີດພະຍາດສັດລ້ຽງ ໃນ 2 ບ້ານ ມີ: ບ້ານຮົມ ແລະ ບ້ານຮະລາງ ຊຶ່ງມີສັດລົ້ມຕາຍທັງໝົດ 15 ໂຕ ມີ 10 ຄອບຄົວ, ໃນນີ້ ງົວ 7 ໂຕ, ຄວາຍ 8 ໂຕ ການລົ້ມຕາຍ ຂອງສັດດັ່ງກ່າວແມ່ນເປັນການລົ້ມຕາຍ ຂອງພະຍາດສັດຕາມລະດູການ ແລະ ອັນໜຶ່ງກໍແມ່ນເກີດຈາກການຈັດການ (ການບົວລະບັດຮັກສາສຸຂະພາບສັດ) ຂອງເຈົ້າຂອງສັດລ້ຽງ ບໍ່ຖືກຕ້ອງຕາມເຕັກນິກວິຊາການ ເຊັ່ນ: ສັດບໍ່ໄດ້ຮັບການສັກຢາປ້ອງກັນພະຍາດ, ສະຖານທີ່ລ້ຽງສັດບໍ່ສະອາດ ແລະ ອື່ນໆ ຊຶ່ງອາການເບື້ອງຕົ້ນໄດ້ ສະແດງອອກໃນຮູບແບບ ພະຍາດເຕົ້າໂຮມເລືອດງົວ-ຄວາຍ. ຂະແໜງການພວກເຮົາ ໄດ້ຕິດຕາມ, ເຝົ້າລະວັງ ແລະ ແນະນຳໃຫ້ເຈົ້າຂອງສັດລ້ຽງ ຕິດຕາມຢ່າງໃກ້ຊິດຝູງສັດຂອງຕົນເອງ ໃນກໍລະນີເກີດ ມີສັດເຈັບປ່ວຍ ຫຼື ຕາຍ ແມ່ນແນະນໍາໃຫ້ເຈົ້າຂອງສັດ ລາຍງານໃຫ້ອໍານາດການປົກຄອງບ້ານ ແລະ ຫ້ອງການກະສິກຳ ແລະ ປ່າໄມ້ໂດຍໄວ ເພື່ອຫຼີກລ່ຽງການແຜ່ລະບາດ ຂອງພະຍາດສັດລ້ຽງກ້ວາງຂວາງອອກ.
ໃນໂອກາດດຽວກັນ ຄະນະນໍາຂອງເມືອງພ້ອມດ້ວຍພາກສ່ວນກ່ຽວຂ້ອງໄດ້ລົງພື້ນທີ່ເພື່ອຈັດຕັ້ງການສັກຢາສັດຕື່ມອີກ.
ຂ່າວ-ພາບ: ຊິບປະໄຊ
ຄໍາເຫັນ