ໂດຍສັງເຂບ ແລະ ແຜນການລົງທຶນຂອງລັດ ປະຈໍາປີ 2025 ຕໍ່ກອງປະຊຸມສະໄໝສາມັນ ເທື່ອທີ 8 ຂອງສະພາແຫ່ງຊາດ ຊຸດທີ IX ໃນວັນທີ 18 ພະຈິກນີ້ ພາຍໃຕ້ການເປັນປະທານຂອງ ທ່ານ ໄຊສົມພອນ ພົມວິຫານ ປະທານສະພາແຫ່ງຊາດ.
ທ່ານ ເພັດ ພົມພິພັກ ໃຫ້ຮູ້ວ່າ: ໃນ 9 ເດືອນ ປີ 2024, ການລົງທຶນຂອງລັດ ສາມາດປະຕິບັດໄດ້ 6,839 ໂຄງການ ມູນຄ່າ 4,013.41 ຕື້ກີບ ເທົ່າກັບ 80% ຂອງແຜນການ; ສ່ວນແຜນການລົງທຶນຂອງລັດປີ 2025 ຄາດວ່າຈະມີງົບປະມານການລົງທຶນທີ່ມູນຄ່າ 5,450 ຕື້.
ໃນປີ 2024, ສະພາແຫ່ງຊາດ ໄດ້ຮັບຮອງແຜນການລົງທຶນຂອງລັດ ທັງໝົດຈໍານວນ 5,000 ຕື້ກີບ ທຽບໃສ່ປີ 2023 ເພີ່ມຂຶ້ນ 15,8%; ໃນນີ້, ທຶນຊໍາລະໂຄງການໜີ້ສິນ 803.32 ຕື້ກີບ ກວມ 16% ມີຈໍານວນ 2,610 ໂຄງການ, ທຶນໂຄງການສືບຕໍ່ 3,232.67 ຕື້ກີບ ກວມ 65% ມີຈໍານວນ 4,302 ໂຄງການ ແລະ ທຶນໂຄງການສະເໜີ ໃໝ່ 964.01 ຕື້ກີບ ກວມ 19% ມີຈໍານວນ 1,098 ໂຄງການ ຊຶ່ງໄດ້ແບ່ງການລົງທຶນ ອອກເປັນ 2 ກຸ່ມ ຄື: ບ້ວງການລົງທຶນທົ່ວໄປ ຈໍານວນ 2,900 ຕື້ກີບແລະ ບ້ວງຈົດ ຮັບ-ຈົດຈ່າຍ ແລະ ລົງທຶນອື່ນໆ ຈໍານວນ 2,100 ຕື້ກີບ.ສັງລວມແລ້ວ, ໃນໄລຍະ 9 ເດືອນ ປີ 2024 ສາມາດປະຕິບັດໄດ້ທັງໝົດ ຈໍານວນ 6,839 ໂຄງການ ມູນຄ່າ 4,013.41 ຕື້ກີບ ເທົ່າກັບ 80% ຂອງແຜນການ; ໃນນີ້, ບ້ວງການລົງທຶນທົ່ວໄປ ໂຄງການບຸລິມະສິດຂອງລັດຖະບານ (9 ເປົ້າໝາຍບຸລິມະສິດ) ປະຕິບັດໄດ້ 1,775 ໂຄງການ ມູນຄ່າ 806.35 ຕື້ກີບ ເທົ່າກັບ 85% ຂອງແຜນການ; ບ້ວງທຶນປົກະຕິ ແລະ ທຶນເປົ້າໝາຍສະເພາະ ປະຕິບັດໄດ້ 4,048 ໂຄງການ ມູນຄ່າ 1,522.06 ຕື້ກີບ ເທົ່າກັບ 78% ຂອງແຜນການ;ບ້ວງຈົດຮັບ-ຈົດຈ່າຍ ແລະ ລົງທຶນອື່ນໆ ສາມາດປະຕິບັດໄດ້ 1,016 ໂຄງການ ມູນຄ່າ 1,685 ຕື້ກີບ ເທົ່າກັບ 80% ຂອງແຜນການ. ສ່ວນການຈັດຕັ້ງປະຕິບັດແຜນແກ້ໄຂໜີ້ສິນດ້ວຍຮູບແບບອວ່າຍໜີ້ກັບທະນາຄານບ້ວງ8,000ຕື້ກີບ, ຜ່ານການຈັດຕັ້ງປະຕິບັດມາຮອດປັດຈຸບັນ ສາມາດປະຕິບັດໄດ້ 7,893 ຕື້ກີບ ທຽບເທົ່າ 98,6% ຂອງແຜນການ.
ການຄົ້ນຄວ້າສ້າງແຜນການລົງທຶນຂອງລັດ ປີ 2025, ໃນເບື້ອງຕົ້ນ ມີມູນຄ່າທັງໝົດ 5,300 ຕື້ກີບ ເພີ່ມຂຶ້ນ 6% ທຽບໃສ່ແຜນປະຈໍາປີ 2024 ແຕ່ອີງຕາມການແຈ້ງຫຼ້າສຸດຂອງກະຊວງການເງິນ ຄາດວ່າຈະເພີ່ມຂຶ້ນອີກ 150 ຕື້ກີບ, ດັ່ງນັ້ນ ຄາດວ່າງົບປະມານລົງທຶນຂອງລັດ ໃນປີ 2025 ມີທັງໝົດຈໍານວນ 5,450 ຕື້ກີບ, ລາຍລະອຽດແມ່ນຈະໄດ້ມີການຄົ້ນຄວ້າພາຍຫຼັງ ທີ່ໄດ້ຮັບແຈ້ງການຢ່າງເປັນທາງການຈາກກະຊວງການເງິນຕື່ມ. ໃນຈໍານວນງົບປະມານ 5,300 ຕື້ກີບ ແມ່ນບ້ວງທຶນທົ່ວໄປຈໍານວນ 3,150 ຕື້ກີບ ໄດ້ຈັດສັນໃຫ້ 2 ກຸ່ມແຜນງານໃຫຍ່ ຄື: ກຸ່ມທີ 1 ຈັດສັນໃຫ້ບັນດາແຜນງານ/ໂຄງການບຸລິມະສິດຂອງລັດຖະບານ (9 ເປົ້າໝາຍບຸລິມະສິດ) ແລະ ກຸ່ມທີ 2 ຈັດສັນໃຫ້ບັນດາໂຄງການປົກກະຕິ ແລະ ໂຄງການເປົ້າໝາຍສະເພາະຂອງບັນດາກະຊວງ-ອົງການ ແລະ ທ້ອງຖິ່ນຕ່າງໆ. ໃນນີ້, ໃຫ້ບຸລິມະສິດໂຄງການສົມທົບທຶນກັບຕ່າງປະເທດ (ODA), ໂຄງການທີ່ມີຜົນປະໂຫຍດດ້ານເສດຖະກິດ ແລະ ສະໜັບສະໜູນການຈັດຕັ້ງປະຕິບັດ 2 ວາລະແຫ່ງຊາດ ຊຶ່ງໄດ້ຈັດສັນໄປຕາມບຸລິມະສິດ ໂດຍໃຫ້ບັນດາຂະແໜງການ ແລະ ທ້ອງຖິ່ນ ອີງໃສ່ທິດທາງວຽກງານບຸລິມະສິດຂອງການພັດທະນາເສດຖະກິດ-ສັງຄົມ ແລະ ມະຕິຂອງກົມການເມືອງສູນກາງພັກ ສະບັບເລກທີ 04/ກມສພ ລົງວັນທີ 11 ເມສາ 2024 ວ່າດ້ວຍການສ້າງເສດຖະກິດ ເອກະລາດ ເປັນເຈົ້າຕົນເອງ ໃນໄລຍະໃໝ່ ໂດຍສະເພາະການແກ້ໄຂຄວາມຫຍຸ້ງຍາກດ້ານເສດຖະກິດ-ການເງິນ.
(ຂ່າວ-ພາບ: ສຸກສະຫວັນ)
ຄໍາເຫັນ