ໝາຍເລກ MK4 ນາງ ວິສຸດາ ອຸ່ນແກ້ວ ຕົວແທນຈາກເມືອງຕົ້ນເຜິ້ງ ແຂວງບໍ່ແກ້ວ ສາມາດຄວ້າຕໍາແໜ່ງນາງສາວດອກງິ້ວບານປະຈຳປີ 2024 ຊຶ່ງພິທີປະກວດໄດ້ຈັດຂຶ້ນໃນວັນທີ 28 ມັງກອນຜ່ານມາ ທີ່ເຂດເສດຖະກິດພິເສດສາມຫຼ່ຽມຄໍາເມືອງຕົ້ນເຜິ້ງ ແຂວງບໍ່ແກ້ວໂດຍມີທ່ານ ສົມສະຫວາດ ເລັ່ງສະຫວັດ ອະດີດຮອງນາຍົກລັດຖະມົນຕີ, ທ່ານ ບົວຄົງ ນາມມະວົງ ເຈົ້າແຂວງບໍ່ແກ້ວ, ທ່ານ ຈ້າວເຫວີຍ ປະທານສະພາບໍລິຫານເຂດເສດຖະກິດພິເສດສາມຫຼ່ຽມຄໍາ, ມີຜູ້ໃຫ້ການສະໜັບສະໜູນ, ຄະນະກຳມະການ, ມວນຊົນທັງພາຍໃນ ແລະ ຕ່າງປະເທດເຂົ້າຮ່ວມ.
ການຈັດງານປະກວດນາງສາວດອກງິ້ວບານ ເປັນໜຶ່ງໃນກິດຈະກຳທີ່ໄດ້ຈັດຂຶ້ນທຸກໆປີໃນໂອກາດສະເຫຼີມສະຫຼອງງານເທດສະການດອກງິ້ວບານ. ນາງສາວທີ່ເຂົ້າຮ່ວມປະກວດແມ່ນມາຈາກເມືອງຕ່າງໆພາຍໃນແຂວງບໍ່ແກ້ວ ຊຶ່ງມີທັງໝົດ 20 ນາງສາວເພື່ອເຂົ້າຮອບຕັດສິນແລ້ວຄັດໃຫ້ເຫຼືອ 10 ນາງສາວ, ຈາກ 10 ນາງສາວຄັດອອກເຫຼືອ 4 ນາງສາວເພື່ອເຂົ້າຮອບຊີງອັນດັບ 1, ອັນດັບ 2 , ອັນດັບ 3 ແລະ ອັນດັບ 4. ຜົນການປະກວດອັນດັບ 1 ໄດ້ແກ່ໝາຍເລກ MK4ນາງ ວິສຸດາ ອຸ່ນແກ້ວ ຈາກເມືອງຕົ້ນເຜິ້ງ ສາມາດຄວ້າຕໍາແໜ່ງນາງສາວດອກງິ້ວບານ ປະຈຳປີ 2024 ໄດ້ຮັບມົງກຸດເພັດ, ສາຍສະພາຍ ແລະ ເງິນສົດຈຳນວນ 100 ລ້ານກີບ ພ້ອມລົດຈັກ 1 ຄັນ ແລະ ລາງວັນອື່ນໆ ລວມມູນຄ່າ 200 ກວ່າລ້ານກີບ, ຮອງອັນດັບ 1 ໄດ້ແກ່ໝາຍເລກ MK20 ນາງ ຈິນລະພອນ ວິລະວົງ ຈາກເມືອງຕົ້ນເຜິ້ງ ໄດ້ຮັບສາຍສະພາຍ ພ້ອມລາງວັນເງິນສົດຈຳນວນ 70 ລ້ານກີບ, ຮອງອັນດັບ 2 ໄດ້ແກ່ໝາຍເລກMK14 ນາງ ຂັວນຕາ ພົງສະຫວັດ ຈາກເມືອງປາກທາ ໄດ້ຮັບສາຍສະພາຍ ພ້ອມລາງວັນເງິນສົດຈຳນວນ 50 ລ້ານກີບ ແລະ ຮອງອັນດັບ 3 ໄດ້ແກ່ໝາຍເລກMK10 ນາງ ອາລິຍາ ວູ່ປັນໂຍ ຈາກເມືອງຫ້ວຍຊາຍ ໄດ້ຮັບສາຍສະພາຍ ພ້ອມລາງວັນເງິນສົດຈຳນວນ 30 ລ້ານກີບ. ພ້ອມນັ້ນ, ຍັງມີລາງວັນນາງສາວບຸກຄະລິກຂະພາບດີ, ນາງສາວມິດຕະພາບ ແລະ ລາງວັນອື່ນໆ ໄດ້ຮັບລາງວັນເງິນສົດລາງວັນລະ 5 ລ້ານກີບ.ໃຫ້ກຽດມອບລາງວັນໂດຍທ່ານ ສົມສະຫວາດ ເລັ່ງສະຫວັດ,ທ່ານ ບົວຄົງ ນາມມະວົງ, ທ່ານ ຈ້າວເຫວີຍ ຕາມລຳດັບ. ໃນຕອນແລງຂອງວັນດຽວກັນຍັງມີກິດຈະກຳຊົມການຕີມວຍຊຶ່ງມີ10 ຄູ່ (ຍິງ 2 ຄູ່, ຊາຍ 8 ຄູ່ ຈາກລາວ, ໄທ, ຍີ່ປຸ່ນ ແລະ ອີຣານ), ມີພິທີປ່ອຍໂຄມໄຟ 1.000 ດອກ ແລະ ຊົມການສະແດງສີສັນການຈູດບັ້ງໄຟດອກທີ່ສວນສາທາລະນະແຄມຂອງໃນເຂດເສດຖະກິດດັ່ງກ່າວຕື່ມອີກ.
(ຂ່າວ-ພາບ: ວັນເພັງ)
ການຈັດງານປະກວດນາງສາວດອກງິ້ວບານ ເປັນໜຶ່ງໃນກິດຈະກຳທີ່ໄດ້ຈັດຂຶ້ນທຸກໆປີໃນໂອກາດສະເຫຼີມສະຫຼອງງານເທດສະການດອກງິ້ວບານ. ນາງສາວທີ່ເຂົ້າຮ່ວມປະກວດແມ່ນມາຈາກເມືອງຕ່າງໆພາຍໃນແຂວງບໍ່ແກ້ວ ຊຶ່ງມີທັງໝົດ 20 ນາງສາວເພື່ອເຂົ້າຮອບຕັດສິນແລ້ວຄັດໃຫ້ເຫຼືອ 10 ນາງສາວ, ຈາກ 10 ນາງສາວຄັດອອກເຫຼືອ 4 ນາງສາວເພື່ອເຂົ້າຮອບຊີງອັນດັບ 1, ອັນດັບ 2 , ອັນດັບ 3 ແລະ ອັນດັບ 4. ຜົນການປະກວດອັນດັບ 1 ໄດ້ແກ່ໝາຍເລກ MK4ນາງ ວິສຸດາ ອຸ່ນແກ້ວ ຈາກເມືອງຕົ້ນເຜິ້ງ ສາມາດຄວ້າຕໍາແໜ່ງນາງສາວດອກງິ້ວບານ ປະຈຳປີ 2024 ໄດ້ຮັບມົງກຸດເພັດ, ສາຍສະພາຍ ແລະ ເງິນສົດຈຳນວນ 100 ລ້ານກີບ ພ້ອມລົດຈັກ 1 ຄັນ ແລະ ລາງວັນອື່ນໆ ລວມມູນຄ່າ 200 ກວ່າລ້ານກີບ, ຮອງອັນດັບ 1 ໄດ້ແກ່ໝາຍເລກ MK20 ນາງ ຈິນລະພອນ ວິລະວົງ ຈາກເມືອງຕົ້ນເຜິ້ງ ໄດ້ຮັບສາຍສະພາຍ ພ້ອມລາງວັນເງິນສົດຈຳນວນ 70 ລ້ານກີບ, ຮອງອັນດັບ 2 ໄດ້ແກ່ໝາຍເລກMK14 ນາງ ຂັວນຕາ ພົງສະຫວັດ ຈາກເມືອງປາກທາ ໄດ້ຮັບສາຍສະພາຍ ພ້ອມລາງວັນເງິນສົດຈຳນວນ 50 ລ້ານກີບ ແລະ ຮອງອັນດັບ 3 ໄດ້ແກ່ໝາຍເລກMK10 ນາງ ອາລິຍາ ວູ່ປັນໂຍ ຈາກເມືອງຫ້ວຍຊາຍ ໄດ້ຮັບສາຍສະພາຍ ພ້ອມລາງວັນເງິນສົດຈຳນວນ 30 ລ້ານກີບ. ພ້ອມນັ້ນ, ຍັງມີລາງວັນນາງສາວບຸກຄະລິກຂະພາບດີ, ນາງສາວມິດຕະພາບ ແລະ ລາງວັນອື່ນໆ ໄດ້ຮັບລາງວັນເງິນສົດລາງວັນລະ 5 ລ້ານກີບ.ໃຫ້ກຽດມອບລາງວັນໂດຍທ່ານ ສົມສະຫວາດ ເລັ່ງສະຫວັດ,ທ່ານ ບົວຄົງ ນາມມະວົງ, ທ່ານ ຈ້າວເຫວີຍ ຕາມລຳດັບ. ໃນຕອນແລງຂອງວັນດຽວກັນຍັງມີກິດຈະກຳຊົມການຕີມວຍຊຶ່ງມີ10 ຄູ່ (ຍິງ 2 ຄູ່, ຊາຍ 8 ຄູ່ ຈາກລາວ, ໄທ, ຍີ່ປຸ່ນ ແລະ ອີຣານ), ມີພິທີປ່ອຍໂຄມໄຟ 1.000 ດອກ ແລະ ຊົມການສະແດງສີສັນການຈູດບັ້ງໄຟດອກທີ່ສວນສາທາລະນະແຄມຂອງໃນເຂດເສດຖະກິດດັ່ງກ່າວຕື່ມອີກ.
(ຂ່າວ-ພາບ: ວັນເພັງ)
ຄໍາເຫັນ