 |
ການຢ້ຽມຢາມແຂວງບໍລິຄຳໄຊ ໃນຄັ້ງນີ້, ທ່ານ ນາຍົກລັດຖະມົນຕີ ໄດ້ພົບປະໂອລົມ ຄະນະນຳຂອງແຂວງ ຢູ່ທີ່ຫ້ອງວ່າການປົກຄອງແຂວງ ພ້ອມທັງຮັບຟັງການລາຍງານຜົນສໍາເລັດການຈັດຕັັ້ງປະຕິບັດວຽກງານຂອງແຂວງ 6 ເດືອນຕົ້ນປີ 2025 ຈາກທ່ານ ສອນທະນູ ທໍາມະວົງ ເຈົ້າແຂວງບໍລິຄຳໄຊ ຕໍ່ກັບວຽກງານພັດທະນາເສດຖະກິດ-ສັງຄົມ ໂດຍລວມຂອງແຂວງ ຊຶ່ງຂະຫຍາຍຕົວຢູ່ໃນລະດັບ 5.2%, ລວມຍອດຜະລິດຕະພັນພາຍໃນ GPP ປະຕິບັດໄດ້ 13,907 ຕື້ກີບ, ສະເລ່ຍລາຍຮັບ 1,950 ໂດລາຕໍ່ຄົນຕໍ່ປີ, ແຜນການຈັດເກັບລາຍຮັບ 1,684.1 ຕື້ກີບ (ພູດສູນກາງ 650 ຕື້ກີບ, ພູດທ້ອງຖິ່ນ 1,034.1 ຕື້ກີບ) ໃນ 6 ເດືອນຕົ້ນປີ ປະຕິບັດໄດ້ 77.71% ຂອງແຜນການປີ, ພູດສູນກາງ 72.57% ພູດທ້ອງຖິ່ນ 80.94%, ລາຍຈ່າຍງົບປະມານ ປະຕິບັດໄດ້ 45.36% ຂອງແຜນການປີ, ໂຄງການກໍ່ສ້າງທາງເວັ້ນຕົວເມືອງປາກຊັນ ມີຄວາມຍາວທັງໝົດ 24.32 ກມ, ປະຕິບັດໄດ້ 22.5%, ໂຄງການກໍ່ສ້າງຂົວຂ້າມນໍ້າຂອງແຫ່ງທີ V ປາກຊັນ-ບຶງການ ໄດ້ສຳເລັດການຈັດພິທີເທເບຕົງເຊື່ອມສອງແຜ່ນດິນເຂົ້າກັນ ແລະ ການກໍ່ສ້າງໃກ້ຈະສຳເລັດ 100%. ຄາດວ່າຈະໄດ້ເປີດນໍາໃຊ້ຂົວດັ່ງກ່າວໃນທ້າຍປີ 2025 ນີ້. ໂຄງການກໍ່ສ້າງ ແລະ ສ້ອມແປງເສັ້ນທາງເລກ 8 (ເຂດພູໄຮ) ມາຮອດປັດຈຸບັນປະຕິບັດໄດ້ 53.49% ຄາດຄະເນໃຫ້ສໍາເລັດທ້າຍປີ 2025 ນີ້.
 |
ໃນໂອກາດນີ້, ທ່ານ ນາຍົກລັດຖະມົນຕີ ຍັງໄດ້ໂອ້ລົມ ແລະ ມີຄໍາຖາມເຈາະຈີ້ມໃນວຽກງານການລົງທຶນທາງດ້ານແຮ່ທາດຢູ່ແຂວງບໍລິຄຳໄຊ, ວຽກງານການສຶກສາ (ຂາດຄູສອນ), ວຽກງານໂຍທາທິການ ແລະ ຂົນສົ່ງ ໃນໂຄງການກໍ່ສ້າງທາງເວັ້ນເມືອງ ແລະ ສ້ອມແປງທາງ, ວຽກງານອຸດສາຫະກຳ ແລະ ການຄ້າແຂວງ. ຫຼັງຈາກນັ້ນ, ພະແນກການທີ່ກ່ຽວຂ້ອງ ກໍໄດ້ມີຄຳເຫັນລາຍງານຕໍ່ທ່ານ ນາຍຍົກລັດຖະມົນຕີ ພ້ອມດ້ວຍຄະນະໄດ້ຮັບຮູ້.
(ຂ່າວ-ພາບ: ຄຳຟອງ)
ຄໍາເຫັນ