ໂອກາດສຳຄັນຂອງງານໃນຄັ້ງນີ້, ທ່ານ ສອນໄຊ ສີພັນດອນ ນາຍົກລັດຖະມົນຕີແຫ່ງ ສປປ ລາວ ໄດ້ໃຫ້ກຽດເຂົ້າຢ້ຽມຊົມບູດວາງສະແດງຂອງບໍລິສັດໄຟຟ້າຫົງສາຈຳກັດ ພ້ອມຮັບຟັງຂໍ້ມູນກ່ຽວກັບໂຄງການ ແລະ ຜົນການດຳເນີນງານຂອງບໍລິສັດນັບເປັນຄວາມພາກພູມໃຈ ແລະ ສະທ້ອນໃຫ້ເຫັນເຖິງຄວາມສຳຄັນຂອງໂຄງການຕໍ່ພາກພະລັງງານຂອງ ສປປ ລາວ.
 |
ນອກຈາກນີ້, ໄຟຟ້າຫົງສາຍັງໄດ້ນຳເອົາຜະລິດຕະພັນຊຸມຊົນຈາກສະຫະກອນພາຍໃຕ້ການດູແລຂອງຝ່າຍພັດທະນາສັງຄົມມາຈັດວາງສະແດງພາຍໃນງານ ເພື່ອສະທ້ອນໃຫ້ເຫັນຜົນສຳເລັດຂອງການສົ່ງເສີມອາຊີບ ແລະ ການພັດທະນາສັກກະຍະພາບຂອງຊຸມຊົນ ຊຶ່ງຜະລິດຕະພັນຕ່າງໆໄດ້ຮັບຄວາມສົນໃຈເປັນຢ່າງດີຈາກຜູ້ເຂົ້າຮ່ວມງານ ພ້ອມທັງຊ່ວຍສ້າງການຮັບຮູ້ເຖິງຄຸນຄ່າ ແລະ ສັກກະຍະພາບຂອງຜະລິດຕະພັນຈາກຊຸມຊົນທີ່ໄດ້ຮັບການສະໜັບສະໜູນຈາກບໍລິສັດ.
 |
ການເຂົ້າຮ່ວມເວທີໃນຄັ້ງນີ້ສະທ້ອນເຖິງຄວາມມຸ່ງໝັ້ນຂອງໄຟຟ້າຫົງສາໃນການດຳເນີນທຸລະກິດຢ່າງມີຄວາມຮັບຜິດຊອບທັງດ້ານພະລັງງານສິ່ງແວດລ້ອມ ແລະ ການພັດທະນາຊຸມຊົນ ພ້ອມສືບຕໍ່ສະໜັບສະໜູນການພັດທະນາຢ່າງຍືນຍົງຂອງ ສປປລາວ. ພາຍໃຕ້ແນວຄິດ “Powering with CARE”
(ຂ່າວ: ໄຟຟ້າ ຫົງສາ)
ຄໍາເຫັນ