 |
ສະຫາຍ ຈອນນີ່ ສີຫາໂຄດ ເລຂາໜ່ວຍຮາກຖານຊາວໜຸ່ມ ກອງປະຕິບັດຄຳຕັດສິນຂອງສານປະຈຳ ແຂວງວຽງຈັນ ໄດ້ຂຶ້ນຜ່ານບົດສະຫຼຸບປະເມີນຜົນການປະຕິບັດຂໍ້ແຂ່ງຂັນ 4 ບຸກ ປະຈຳປີ 2025 ແລະ ແຜນການປະຈຳປີ 2026 ຂອງໜ່ວຍຮາກຖານຊາວໜຸ່ມ ກອງປະຕິບັດຄຳຕັດສິນຂອງສານປະຈຳ ແຂວງວຽງຈັນ. ປັດຈຸບັນມີສະມາຊິກພາຍໃນໜ່ວຍທັງໜົດ 11 ສະຫາຍ ຍິງ 2 ສະຫາຍ. ໃນໄລຍະຜ່ານມາ ໄດ້ຖືເອົາວຽກງານສຶກສາອົບຮົມການເມືອງ-ແນວຄິດ ເປັນຫຼັກ ໂດຍໄດ້ນຳເອົາບັນດາເອກະສານສຳຄັນຕ່າງໆ ຂອງຊາດ-ຂອງພັກ ຂອງຊາວໜຸ່ມ ມາເຊື່ອມຊຶມຜັນຂະຫຍາຍເພື່ອເຮັດໃຫ້ສະມາຊິກ ໄດ້ຮັບຮູ້ ແລະ ເຂົ້າໃຈຢ່າງເລິກເຊິ່ງ, ໂດຍສະເພາະການຈັດຕັ້ງປະຕິບັດເນື້ອໃນຂໍ້ແຂ່ງຂັນ 4 ບຸກ ໃນແຕ່ລະດ້ານ ສາມາດຈັດຕັ້ງປະຕິບັດໄດ້ 96% ຂຶ້ນໄປ.
ໃນກອງປະຊຸມຄັ້ງນີ້, ຊາວໜຸ່ມຕົວແບບຂອງໜ່ວຍຮາກຖານ ກໍໄດ້ຂຶ້ນປະກອບຄໍາເຫັນ, ພ້ອມນີ້ບັນດາສະມາຊິກຊາວໜຸ່ມພາຍໃນໜ່ວຍຍັງໄດ້ມີການຈັບມືແຂ່ງຂັນກັນຮັບຮອງເອົາແຜນການໃນຕໍ່ໜ້າ. ໂອກາດນີ້, ສະຫາຍ ແສງພະຈັນ ວົງໂພທອງ ໄດ້ຂຶ້ນມອບໃບຢັ້ງຢືນສະມາຊິກຊາວໜຸ່ມ 4 ບຸກ ປະຈໍາປີ 2025 ໃຫ້ແກ່ສະມາຊິກຊາວໜຸ່ມໜ່ວຍດັ່ງກ່າວ ແລະ ສະຫາຍ ນາງ ທິບພະຈັນ ສຸທຳມະວົງ ໄດ້ມອບໃບຢັ້ງຢືນໜຸ່ມຊາວໜຸ່ມ 4 ບຸກ ໃຫ້ແກ່ໜ່ວຍຮາກຖານຊາວໜຸ່ມດັ່ງກ່າວ.
(ແຫຼ່ງຂ່າວ: ແຂວງວຽງຈັຍ)
ຄໍາເຫັນ